Nú stendur til að þvo og sópa gangstéttar og götur bæjarins. Til að það verði sem best gert þurfum við á ykkar aðstoð að halda. Bæjarbúar eru vinsamlegast beðnir að leggja ekki ökutækjum eða öðrum farartækjum á götunum eða gangstéttum meðan á hreinsun stendur. Ennfremur eru bæjarbúar hvattir til að hreinsa í kringum híbýli sín..

Forstöðumaður þjónustu- og upplýsingamála hefur yfirumsjón með starfsemi þjónustuvers, og annast upplýsingamiðlun og samskipti við fjölmiðla. Hann er ritstjóri á vef bæjarins og hefur með höndum gerð og útgáfu kynningarefnis ásamt því að taka þátt í stefnumótunarvinnu.

2. Landsmót UMFÍ 50+ verður haldið dagana 8.-10. júní í sumar en 29.mars var opnað  fyrir skráningu á Landsmót UMFÍ 50 + sem  haldið verður í Mosfellsbæ. Það er um að gera fyrir alla að skrá sig sem fyrst þar sem fjöldi keppenda verður takmarkaður í ákveðnum greinum.

Búið er að opna fyrir umsóknir um matjurtagarða í Mosfellsbæ.  Matjurtagarðar bæjarins verða sem fyrr staðsettir í Skarhólamýri, á sama stað og garðar hafa verið til útleigu undanfarin ár. Aðgengi að vatni verður við garðana.Leiguverð fyrir matjurtagarða er 5.000 kr. fyrir 100 fm garð og 2.500 kr. fyrir 50 fm garð.

Eurovision farar Íslands í ár, Gréta Salóme og Jónsi, kveðja nú klakann og halda til Azerbaijan. Á föstudaginn var haldið kveðjuhóf í Mosfellsbæ sem er heimabær Grétu Salóme.  Viðburðurinn fór fram á Miðbæjartorginu í að viðstöddum mörgum bæjarbúum. 

Dagana 20. apríl – 13. maí er hreinsunarátak í Mosfellsbæ. Vorhreinsun lóða stendur yfir þessa viku eins og glöggt má sjá þegar farið er um bæinn þessa daga en sjá má glaðbeitt fólk víðsvegar með svarta ruslapoka í hönd að fegra bæinn sinn. Á þessu tímabili eru íbúar Mosfellsbæjar hvattir til að hreinsa í kringum hús sín og næsta umhverfi.

Mosfellsbær hvetur alla Mosfellinga til að taka virkan þátt í heilsu- og hvatningarverkefninu Hjólað í vinnuna sem Íþrótta- og Ólympíusamband Íslands stendur fyrir nú í tíunda sinn dagana 9. - 29. maí 2012. Í Mosfellsbæ er að finna marga skemmtilega hjólastíga og á vef bæjarins má finna hjólreiðakort af hjólaleiðum ásamt korterskorti

Fulltrúar Vegagerðarinnar og Samtaka sveitarfélaga á höfuðborgarsvæðinu skrifuðu í dag undir samkomulag um 10 ára tilraunaverkefni um eflingu almenningssamgangna á höfuðborgarsvæðinu. Tilgangur verkefnisins er að tvöfalda hlutdeild almenningssamgangna á höfuðborgarsvæðinu

Skátafélagið Mosverjar halda göngudag fjölskyldunnar laugardaginn 12. maí þar sem allir eru velkomnir. Lagt verður að stað frá bílastæðum við Reyki kl. 11:00 en boðið er upp á tvær leiðir. Önnur upp á Reykjaborg og niður að Hafravatni en hin meðfram Hafrafelli og Hafravatni.

Íbúafundur sem haldinn var í Listasal Mosfellsbæjar 3. maí sl. um starfsemi SORPU bs í Álfsnesi, leggst gegn því að SORPA fái áframhaldandi starfsleyfi í Álfsnesi. Íbúafundurinn telur starfsemina ekki  eiga  heima nálægt byggð meðal annars vegna lyktarmengunar.

Bæjarbúar eru hvattir til að fjölmenna á fundinn, sem er liður í forkynningu á tillögu að endurskoðuðu aðalskipulagi. Framsöguerindi flytja Bryndís Haraldsdóttir formaður skipulagsnefndar og Gylfi Guðjónsson skipulagsráðgjafi, en síðan verða fyrirspurnir og almennar umræður.

Mosfellsbær, óskar eftir tilboðum í innanhússfrágang vegna byggingar á nýju hjúkrunarheimili að Hlaðhömrum í Mosfellsbæ. Verkið nær til að gera húsið fullfrágengið að innan. Stærð hússins þegar það er fullbyggt er 2.268 m².

Í fyrstu og annarri viku maí gengst Skipulagsnefnd Mosfellsbæjar fyrir kynningu á tillögu að endurskoðuðu aðalskipulagi bæjarins. Vinna við endurskoðunina hófst á síðasta kjörtímabili og er stefnt að því að henni ljúki með endanlegri samþykkt skipulagsins síðar á þessu ári.

Skólagarðarnir verða ekki strafræktir þetta árið. Sumarið 2011 var þeim breytt í fjölskyldugarða til að fá betri nýtingu á görðunum, þrátt fyrir það voru þeir mjög illa nýttir og var því tekin ákvörðun að bjóða ekki upp á skólagarða þetta árið en þess í stað verður hægt  að  leigja  garð á sama stað á bakvið Varmárskóla. 

Mosfellsbær óskar eftir tilboðum í jarðvinnu vegna byggingu fimleikahúss við Íþróttamiðstöðina Varmá. Verkið felur í sér jarðvinnu og fyllingu á svæðinu. Grunnflötur hússins er 1218 m2
Verkinu skal vera að fullu lokið 12. júní 2012.

Dagana 20. apríl – 13. maí verður hreinsunarátak í Mosfellsbæ. Á því tímabili eru íbúar Mosfellsbæjar hvattir til að hreinsa í kringum hús sín og næsta umhverfi. Nú hillir í  vorið og því tímabært að fjarlægja rusl eftir veturinn.

Nú stendur yfir kvikmyndahátíð í Bíó Paradís sem ber yfirskriftina Laxness í lifandi myndum. Hátíðin er haldin í tilefni þess að liðin eru 110 ár frá fæðingu Nóbelsskáldsins. Mosfellsbær á líka afmæli í ár og að því tilefni hefur bærinn í samvinnu við Gljúfrastein ákveðið að bjóða Mosfellingum og öðrum sem þess óska frítt í bíó á eina sýningu á þessari kvikmyndahátíð.

Síðasta opna hús Skólaskrifstofu á þessari önn verður næstkomandi miðvikudag 25. apríl í Listasal Mosfellsbæjar og að þessu sinni eru það ungmennin okkar (krakkar á aldrinum ca. 18-25) sem koma og segja okkur frá sinni sýn á bæjarfélagið

Miðvikudaginn 25. apríl er lokasýning á hinu bráðskemmtilega leikriti Andlát við jarðarför hjá Leikfélagi Mosfellssveitar en það hefur verið fullt hús hjá leikfélaginu á nær allar sýningar. Í tilefni þess býður leikfélag Mosfellssveitar frábært tilboðsverð á þessa lokasýningu..

Í tilefni af 100 ára afmæli Íþrótta- og Ólympíusambands Íslands hefur sambandið og Félag Héraðsskjalavarða hafið samstarf um skráningu og söfnun á íþróttatengdum skjölum og  minni hlutum. Það sem um ræðir er m.a. ljósmyndir, myndbönd, fundargerðir, bréf, mótaskrár, félagaskrár, bókhald, merki og annað áhugavert sem kemur í ljós.