Laus störf

Þjónustufulltrúi á bókasafni

Tímabundin afleysing – 50% starf

 Bókasafn Mosfellsbæjar óskar eftir að ráða þjónustufulltrúa í 50% afleysingastarf sem fyrst. Ráðningin er áætluð til 30. júní.

Þjónustufulltrúi sinnir allri almennri þjónustu við lánþega, afgreiðslu, útlánum og móttöku safngagna. Hann sinnir uppröðun og frágangi safnkosts og annast önnur þau verkefni sem yfirmaður felur honum sérstaklega hverju sinni.

Menntunar- og hæfnikröfur:
Stúdentspróf eða sambærileg menntun áskilin.
Almenn tölvukunnátta áskilin.
Samstarfshæfileikar eru skilyrði
Góðir samskiptahæfileikar, þjónustulund og jákvæðni er skilyrði.

Í samræmi við jafnréttisstefnu Mosfellsbæjar eru karlar jafnt sem konur hvattir til að sækja um starfið.

Vinnutími er alla virka daga frá klukkan 14 – 18.

Upplýsingar um starfið veitir Marta Hildur Richter, forstöðumaður bókasafns, í síma 566 6822.  

Laus staða félagsráðgjafa í félagsþjónustu við fjölskyldusvið Mosfellsbæjar

Auglýst er laus til umsóknar staða félagsráðgjafa í félagsþjónustu á fjölskyldusviði. Um er að ræða afleysingastarf frá 1. maí 2010 til 1. september 2011. Umsækjandi þarf að hafa lokið prófi í félagsráðgjöf og hafa reynslu af vinnu við félagsþjónustu.
 
Starfið gerir kröfu um frumkvæði, skipulagshæfileika og hæfni til samvinnu. Laun eru skv. kjarasamningi Félagsráðgjafafélags Íslands og Launanefndar sveitarfélaga. Í samræmi við jafnréttisstefnu Mosfellsbæjar eru karlar jafnt sem konur hvattir til að sækja um starfið.

Umsóknir berist skriflega til fjölskyldusviðs Mosfellsbæjar Þverholti 2, 270 Mosfellsbæ, eigi síðar en 15. mars 2009.

Nánari upplýsingar veitir Unnur Erla Þóroddsdóttir, verkefnastjóri félagsþjónustu Mosfellsbæjar, og Unnur V. Ingólfsdóttir, framkvæmdastjóri fjölskyldusviðs Mosfellsbæjar,  í síma 525-6700.

Í samræmi við jafnréttisstefnu Mosfellsbæjar eru karlar jafnt sem konur hvattir til að sækja um starfið.