Fréttir

Óskað eftir tilnefningum til umhverfisviðurkenninga

22/06/2017Óskað eftir tilnefningum  til umhverfisviðurkenninga
Umhverfisnefnd Mosfellsbæjar óskar eftir tilnefningum til umhverfisviðurkenninga Mosfellsbæjar fyrir árið 2017
Meira ...

Tilkynning um tímabundna lokun á Vefarastræti vegna malbiksviðgerða

21/06/2017Tilkynning um tímabundna lokun á Vefarastræti vegna malbiksviðgerða
Nú er hafin undirbúningur að malbiksviðgerðum í Vefarastræti. Um er að ræða viðgerðir á báðum akreinum. Nú þegar hefur verið byrjað á sögun og í framhaldinu verður skipt um jarðveg og malbik. Á meðan á framkvæmdum stendur verða tímabundnar lokanir á Vefarastræti og verða hjáleiðir sértaklega merktar. Áætlað er að framkvæmdir standi yfir allan júlímánuð en verktakinn mun hraða þeim eins og kostur er. Tilkynning um lokun á Vefarastræti vegna malbikunar verður sett á vefinn þegar hún liggur fyrir.
Meira ...

Kynningarfundur um Borgarlínu

19/06/2017Kynningarfundur um Borgarlínu
Hugmyndir um Borgarlínu verða kynntar á opnum fundi á Bókasafni Mosfellsbæjar miðvikudaginn 21. júní klukkan 17.00. Borgarlínan er nýtt samgöngukerfi sem verður hryggjarstykkið í þróun höfuðborgarsvæðisins til ársins 2040 og lykilverkefni í samgöngum á svæðinu. Borgarlínan verður hagkvæm og vistvæn leið til að auka flutningsgetu á milli sveitarfélaganna. Hún mun gera þeim kleift að mæta fjölgun íbúa og ferðamanna án þess að álag á stofnvegakerfið aukist í sama hlutfalli. Miðað er við að almenningssamgöngur á höfuðborgarsvæðinu myndi heildstætt tveggja laga kerfi. Annars vegar Borgarlínuna, sem tengir saman kjarna sveitarfélaganna með hraðvögnum eða léttlestum og hins vegar strætisvagnakerfi sem verður lagað að Borgarlínukerfinu og myndar net um þéttbýlið.
Meira ...

HÁTÍÐARHELGI Í MOSFELLSBÆ

16/06/2017HÁTÍÐARHELGI Í MOSFELLSBÆ
Fram undan er viðburðarík helgi í Mosfellsbæ. Laugardaginn 17. júní fara fram mikil hátíðarhöld á þjóðhátíðardegi Íslendinga. Á sunnudaginn fer svo fram hið árlega Kvennahlaup þar sem hundruðir kvenna hittast að Varmá og hlaupa eða ganga sér til skemmtunar.
Meira ...

Nýr strandblakvöllur á Stekkjarflöt

15/06/2017Nýr strandblakvöllur á Stekkjarflöt
Eitt af verkefnunum sem kosið var af íbúum í Mosfellsbæ í lýðræðisverkefninu Okkar Mosó er útivistarparadís á Stekkjarflöt. Þar er nú að verða til frábær aðstaða til útivistar fyrir fjölskyldur í Mosfellsbæ. Leiktæki og útigrill er á staðnum. Búið er að bæta við vatnsfonti og strandblakvelli. Völlurinn verður tekin í notkun 17.júní
Meira ...

Hjálparsími- og netspjall 1717

09/06/2017Hjálparsími- og netspjall 1717
Áfallaráð Mosfellsbæjar vekur athygli á Hjálparsíma Rauða Krossins 1717 sem er alltaf öllum opinn. Sérfræðingar þar eru færir um að meta umfang mála og leggja til æskilega aðstoð fyrir hvern og einn sem hefur samband. Hlutverk Hjálparsímans 1717 er mjög víðtækt í þeim skilningi að vera til staðar fyrir alla þá sem þurfa að ræða sín hjartans mál í trúnaði og einlægni við hlutlausan aðila og má segja að ekkert sé Hjálparsímanum óviðkomandi. Hjálparsíminn er í samstarfi við ýmsar stofnanir og samtök. Má þar nefna Fjölskyldusvið Mosfellsbæjar, Heilsugæsluna á höfuðborgarsvæðinu, Neyðarlínuna, Kirkjuna, Geðhjálp, Barnaheill, Heimili og skóla og fleiri.
Meira ...

Tillaga að breytingu á deiliskipulagi frá Reykjalundarvegi að Húsadal

09/06/2017Tillaga að breytingu á deiliskipulagi frá Reykjalundarvegi að Húsadal
Mosfellsbær auglýsir hér með skv. 1. mgr. 43.gr. skipulagslaga nr. 123/2010 eftirtalda tillögu að breytingu á deiliskipulagi: Reykjalundarvegur að Húsadal, tillaga að breytingu á deiliskipulagi Breytingin felst í því að lóðunum nr. 20-30 og botnlanganum sem þær liggja við er snúið rangsælis þannig að innstu lóðirnar (nr. 24 og 26) færast um tæpa 12 metrar upp í brekkuna en hinar lóðirnar minna. Markmið með þessari breytingu er að láta botnlangann fylgja betur hæðarlínum og fá þannig hagstæðari hæðarlegu á honum og húsunum við hann gagnvart landslaginu. Þá er botnlanginn einnig lengdur inn í Akrarland og þar bætast við 4 lóðir.
Meira ...

Fyrstu tillögur um legu Borgarlínu kynntar í dag

07/06/2017Fyrstu tillögur um legu Borgarlínu kynntar í dag
Þáttaskil verða í undirbúningi fyrirhugaðrar Borgarlínu, nýs hágæða samgöngukerfis sem fá mun sérrými í gatnakerfi höfuðborgarsvæðisins, þegar vinnslutillögur um breytingar á svæðisskipulagi höfuðborgarsvæðisins til 2040 og aðalskipulagi sveitarfélaganna sex sem standa að Borgarlínu verða kynntar á sameiginlegum fundi sveitarfélaganna á höfuðborgarsvæðinu í Salnum í Kópavogi, kl. 15 í dag.
Meira ...

Vinnuskólinn byrjar á morgun

07/06/2017Vinnuskólinn byrjar á morgun
Fimmtudaginn 8. Júní hefst fyrra tímabil vinnuskólans. Allir þeir sem eru á því tímabili eiga að mæta í Félagsmiðstöðina Ból við Varmá kl. 08:30. Flokkstjórar taka á móti nemendum og kynna verkefni sumarsins. Muna að klæða sig eftir veðri.
Meira ...

Vinnslutillaga vegna breytinga á svæðisskipulagi sveitarfélaga varðandi Borgarlínu

29/05/2017Vinnslutillaga vegna breytinga á svæðisskipulagi sveitarfélaga varðandi Borgarlínu
Lögð er fram til forkynningar vinnslutillaga vegna breytinga á svæðisskipulaginu Höfuðborgarsvæðið 2040 sbr. 2. mgr. 23. gr. skipulagslaga nr. 123/2010. Vinnslutillagan felst í að festa legu samgönguása fyrir Borgarlínu og að skilgreina viðmið um uppbyggingu á áhrifasvæðum.
Meira ...

Síða 1 af 184