Vilt þú verða bæjarlistamaður Mosfellsbæjar?

19/05/2017
Menningarmálanefnd samþykkti breytingar á reglum um bæjarlistamann Mosfellsbæjar nýlega. Nú geta listamenn sem búsettir hafa verið í sveitarfélaginu síðustu tvö ár sótt um sæmdarheitið bæjalistamaður Mosfellsbæjar. Menningarmálanefnd vonast með því til að tilnefningum fjölgi og að listamenn sjálfir hafi meiri tök á því að hafa áhrif á það hver er útnefndur hverju sinni. Bæjarlistamaður Mosfellsbæjar er útnefndur árlega síðustu helgina í ágúst. Ásamt því að bera sæmdarheitið hlýtur viðkomandi listamaður eða listahópur peningafjárhæð allt að 1,2 milljónum króna. Áfram verður tekið við tillögum frá bæjarbúum um útnefningu bæjarlistamanns.
Til baka