Ungmennahús Mosfellsbæjar opnar í Framhaldsskólanum

09/10/2017
Ungmennahús Mosfellsbæjar hefur verið opnað í Framhaldsskólanum í Mosfellsbæ. Þar er vettvangur fyrir ungt fólk á aldrinum 16-25 ára að hittast og byggja upp öflugt og fjölbreytt félagsstarf. 
Markmið Ungmennahússins eru meðal annars að veita ungu fólki aðstöðu og aðstoð við að koma hugmyndum sínum í framkvæmd. Bjóða upp á heilbrigðan og vímuefnalausan valkost til afþreyingar ásamt því að opna á tækifæri fyrir ungt fólk fyrir Evrópusamstarf.


Fundir aðra hverja viku

Nú þegar hefur verið stofnað húsráð sem hefur fjölbreytt hlutverk. Sem dæmi má nefna skipulagningu opnunartíma, umsjón viðburða ásamt því að hvetja ungt fólk til áhrifa í Mosfellsbæ.
Húsráðið er opið fyrir alla og fundar aðra hverja viku og eru fundir auglýstir á facebooksíðu Ungmennahússins. Allir sem hafa áhuga á að taka þátt í að móta og hafa áhrif á hvað er gert fyrir ungt fólk í Mosfellsbæ eru hvattir til að mæta.

Lasertag og hamborgarar
Góð mæting var á fyrsta viðburði Ungmennahússins þann 4. október í Framhaldsskólanum í Mosfellsbæ. Farið var í lasertag og boðið upp á  grillaða hamborgara. 

Ef þú ert á aldrinum 16-25 og vilt vera með í að móta starfsemina þá hvetjum við þig til að kynna þér félagsstarfið.

Nafna- og lógósamkeppni
Ákveðið hefur verið að efna til samkeppni um nafn og lógó fyrir Ungmennahúsið. Allar hugmyndir og tillögur sendist á hrafnhildurg@mos.is.

Mosfellingur 28.09

Félagsmiðstöðvar - Varmá Ból og Lágó

Félagsmiðstöðin Bólið er starfrækt fyrir alla sem eru í 5. - 10. bekk Varmárskóla og  Lágafellsskóla 

 

Til baka

Myndir með frétt