Ísland á risaskjá í Hlégarði

14/06/2018
Fyrsti leikur Íslands á HM í Rússlandi verður sýndur á risaskjá í Hlégarði á laugardaginn. Ísland mætir Argentínu og hefst leikurinn kl. 13:00. Húsið opnar kl. 12:00 með upphitun þar sem Hlégarði verður breytt í fjölskylduvænt „fanzone“. Meistaraflokkur kvenna í knattspyrnu mun halda uppi stemningunni með andlitsmálun og skemmtilegum uppákomum og heitt verður á grillinu. Frítt inn fyrir alla fjölskylduna meðan húsrúm leyfir.

Mosfellingar eru hvattir til að fjölmenna í Hlégarð og senda góða strauma til Rússlands.
Frábær upphitun fyrir sjálfan þjóðhátíðardaginn 17. júní sem er á sunnudaginn.

Áfram Ísland!
Til baka