Vilt þú gerast dagforeldri?

11/01/2019
Mosfellsbær vekur athygli á því að eftirspurn er eftir þjónustu dagforeldra í sveitarfélaginu. Nú er því gott tækifæri fyrir áhugasama einstaklinga til að afla sér leyfis til að sinna daggæslu barna í heimahúsi. Til að öðlast réttindi sem dagforeldri þarf að sækja sérstakt réttindanámskeið sem að öllu jöfnu er haldið í febrúar. Mosfellsbær styrkir umsækjendur sem sækja vilja námskeiðið og gerast dagforeldri. Gott samstarf er milli starfandi dagforeldra og stuðningur við starfsemina af hálfu Mosfellsbæjar. 

Sótt er um leyfið á heimasíðu Mosfellsbæjar / Íbúagátt, www.mos.is og eftirfarandi gögn þurfa að fylgja með umsókninni:

  1. Sakavottorð allra heimilismanna, 18 ára og eldri
  2. Læknisvottorð heimilismanna
  3. Meðmæli umsækjanda

Þegar umsókn hefur borist eru aðstæður á heimili skoðaðar og gefin ráð um mögulegar betrumbætur á því húsnæði sem ætluð er undir starfsemina. 

Allar nánari upplýsingar veitir fræðslu- og frístundasvið Mosfellsbæjar í síma 525 6700. Einnig er hægt að senda póst á mos@mos.is

Til baka