Fréttir eftir mánuðum

Breyttur útivistartími 1. september

31.08.2013

Breyttur útivistartími 1. september Frá þeim tíma mega 12 ára börn og yngri vera úti til klukkan 20:00. Unglingar13 til 16 ára mega vera úti til klukkan 22:00. Útivistarreglurnar eru samkvæmt barnaverndarlögum. Þeim er m.a. ætlað að tryggja nægan svefn en hann er börnum og unglingum nauðsynlegur.

Meira ...

Bókasafnið opið á laugardögum 12-15

31.08.2013

Bókasafnið opið á laugardögum 12-15Frá og með 31. ágúst verður bókasafnið opið frá kl. 12-15 á laugardögum.

Meira ...

Hittumst á Miðbæjartorginu

30.08.2013

Hittumst á MiðbæjartorginuÞað er óhætt að segja að veðurguðirnir séu okkur ekki sérlega hliðhollir þessa helgina. Enn er stefnt að því að hittast á Miðbæjartorginu og ganga saman niður í Álafosskvos klukkan 19.45 í kvöld. Íbúar eru hvattir til að klæða sig vel og mæta með góða skapið. Treyst er á að í Álafosskvosin veiti okkur skjól fyrir mesta vindinum.

Meira ...

7 Tinda hlaupið í Mosfellsbæ fellt niður vegna veðurs

29.08.2013

7 Tinda hlaup fellt niðurVeðurspá gerir ráð fyrir hvössum vindi, úrkomu og mikilli vindkælingu. Þar sem 7 tinda hlaupið er afar erfitt hlaup um fjalllendi fjarri vegum telja skipuleggjendur ekki forsvaranlegt að halda hlaupið með öryggi hlauparanna í huga.

Meira ...

Bæjarbúar hvattir til að fara út og hvetja 7 tinda hlaupara

29.08.2013

Bæjarbúar út að hvetja 7 tinda hlauparanaÁ laugardaginn klukkan 10.00 verður ræst í 7 tinda hlaupið í Mosfellsbæ. Skátafélagið Mosverjar og Björgunarsveitin Kyndill standa fyrir hlaupinu en Mosfellsbær og Arionbanki styrkja það. Hlaupið byrjar við íþróttamiðstöðina að Varmá. Hlaupið verður eftir göngustígnum fyrir neðan Holta-  og Höfðahverfi.

Meira ...

Blóðbankinn í Mosfellsbæ á mánudag

28.08.2013

Blóðbankabíllinn í MosfellsbæBlóðbankabíllinn verður á bílastæðinu við Snælandshúsið í Mosfellsbæ mánudaginn 2.september kl.11.00-13.00. Bæjarbúar eru hvattir til að gefa blóð. Blóðgjöf er lífgjöf. Ýmsar upplýsingar hægt að finna á www.blodbankinn.is

Meira ...

Opnun í Listasal Mosfellsbæjar listsýningin Veisla í farangrinum

27.08.2013

Opnun sýningar- Veisla í farangrinum í ListasalLaugardaginn 31. ágúst kl 15-17 mun opna í Listasal Mosfellsbæjar listsýningin Veisla í farangrinum eftir listamennina Söru og Svanhildi Vilbergsdætur. Sýningin stendur til 20. september og er opin á afgreiðslutíma Bókasafns Mosfellsbæjar. Nánari upplýsingar er að finna á heimasíðu Bókasafns og Listasalar

Meira ...

Ásgarður Handverkstæði fagnar 10 og 20 ára afmæli Í túninu heima

26.08.2013

Ásgarður Handverkstæði fagnar afmæliÁsgarður Handverkstæði var stofnað fyrir 20. árum í Lækjarbotnum ofan við Lögbergsbrekku. Árið 2003 flutti Ásgarður í Álafosskvosina í Mosfellsbæ. Af því tilefni ætlar Ásgarður að fagna tímamótunum með margvíslegum hætti. Undanfarna mánuði hefur starfsfólk Ásgarðs unnið af fullum krafti við að smíða leiktæki, sem eru í stækkaðri mynd af þeim leikföngum sem eru framleidd í Ásgarði. Þetta eru kindur, hestar, kýr, kolkrabbar, drekahestur og dráttarvél.

Meira ...

Bæjarhátíð í Mosfellsbæ haldin í tíunda sinn

23.08.2013

Bæjarhátíð í Mosfellsbæ haldin í tíunda sinnHátíðarblað Mosfellings kom út í gær. Þar er að finna allar helstu upplýsingar um bæjarhátíðina, Í túninu heima. Túnið vex og dafnar og er sérstaklega gaman að sjá hvað íbúar taka virkan þátt í hátíðinni. Enn fleiri bjóða í garðinn sinn og svo er dæmi um að heil gata taki sig saman og bjóði upp á bílskúrssölu og góða stemningu.

Meira ...

Leitum að liðsmanni í Útsvar

22.08.2013

Útsvarslið Mosfellsbæjar 2012Spurningaþátturinn Útsvar hefur göngu sína á Rúv í haust sjöunda veturinn í röð. Fyrir hönd Mosfellsbæjar tóku þátt í fyrra Bjarki Bjarnason rithöfundur með meiru, Valgarð Már Jakobsson kennari við Fmos og María Pálsdóttir leikkona og leiðsögumaður. Þau stóðu sig frábærlega og komust í aðra umferð. Vegna þess er Mosfellsbær með öruggt sæti í ár er ný keppnistilhögun verður innleidd þar sem verið er að reyna að gefa minni sveitarfélögum kost á því að vera með.

Meira ...

Ökumenn hvattir til að sýna aðgát í umferðinni

21.08.2013

SkólabörnNú eru grunnskólar Mosfellsbæjar að hefja störf að nýju og í upphafi þessa skólaárs eru rúmlega 1500 börn að arka út á götur bæjarins á leið í skóla. Af þeim eru 170 börn að stíga sín fyrstu skref í skólagöngu og því að feta sín fyrstu skref í umferðinni og oft ein síns liðs. Gera má ráð fyrir mikilli umferð í kringum skólana fyrstu daganna er foreldrar skjótast úr vinnu á skólasetningar og minnum við því ökumenn á að virða hraðatakmarkanir

Meira ...

Rótarýlundurinn opnaður almenningi

20.08.2013

Rótarýlundurinn opnaður almenningi

Lundurinn skartar sínu fegursta á fallegum sólardögum. Á þeim 22 árum sem liðin eru síðan fyrstu plöntum var plantað hefur gróðurinn vaxið og dafnað vel. Þar má nú njóta næðis og náttúru í fallegum rjóðrum í skjóli hárra trjáa.

Meira ...

Lausar stöður hjá Krikaskóla

19.08.2013
Krikaskóli er leik- og grunnskóli fyrir börn á aldrinum 1-9 ára og starfsemin tekur mið af skólastefnu Mosfellsbæjar um heildstætt uppeldis- og skólastarf í leik- og grunnskólum. Skólaárið 2013-2014 verða börn á aldrinum 2ja-9 ára í skólanum. Umsækjendur eru hvattir til að kynna sér skólastefnu skólans á heimasíðu hans áður en þeir sækja um starf.
Meira ...

Lausar stöður í Lágafellsskóla

19.08.2013
Má bjóða þér að taka þátt í metnaðarfullu skólastarfi þar sem einkunnarorðin Samvera, Samvinna og Samkennd eru höfð að leiðarljósi. Okkur vantar umsjónarkennara á miðstigi, stuðningsfulltrúa og frístundaleiðbeinendur
Meira ...

Sumarlestri Bókasafns Mosfellsbæjar að ljúka

16.08.2013

Sumarlestur í Bókasafninu að ljúkaÍ sumar hafa um 250 börn skráð sig í sumarlesturinn, en honum lýkur nú um mánaðamótin. Öll börn sem hafa tekið þátt, geta komið í afgreiðslu Bóksafnsins  2. – 14. september og sótt viðurkenningu.

Meira ...

Stuðningsfulltrúi óskast við Varmárskóla.

16.08.2013
Laus er staða stuðningsfulltrúa (karlkyns) við Varmárskóla. Um er að ræða 70% starf með möguleikum á 100% starfi ef viðkomandi er einnig til í að vinna í frístundaseli. Lágmarksaldur er 20 ár og skilyrði að viðkomandi hafi gaman af því að vinna með börnum. Reynsla af vinnu með börnum og/eða unglingum er æskileg. Viðkomandi þarf að vera jákvæður og búa yfir góðri hæfni í mannlegum samskiptum.
Meira ...

Námskeið fyrir börn dagana 19-22.08.2013

15.08.2013

Fjögurra daga leikjanámskeiðFjögurra daga leikjanámskeið verður dagana 19-22 ágúst að Íþóttamiðstöðinni að Varmá í sumarlokin. Hlynur CG og Heiðdís CH verða með þetta námskeið og er leitast við að koma fram með nýjungar fyrir unga krakka til að læra og kynnast.

Meira ...

Skólasetning grunnskóla Mosfellsbæjar haustið 2013

15.08.2013

Lágafellsskóli og VarmárskóliNú er nýtt skólaár að hefjast,  ný spennandi verkefni blasa við börnunum, kannski nýr skóli, nýr kennari eða nýr bekkur. Skólasetning verður í Varmárskóla og Lágafellsskóla föstudaginn 23. ágúst en nánari upplýsingar má finna á heimasíðum skólanna

Meira ...

Þróunar- og nýsköpunarviðurkenning Mosfellsbæjar 2013

13.08.2013

Þróunar- og nýsköpunarviðurkenning  Mosfellsbæjar 2013Mosfellsbær auglýsir eftir umsóknum um þróunar- og nýsköpunarviðurkenningu fyrir árið 2013. Frestur umsókna er til 1.september. Þetta er annað árið í röð sem auglýst er eftir umsóknum. Í fyrra fór þátttakan fram úr öllum væntingum en þá bárust 17 umsóknir. Vegna mikillar þátttöku var efnt til sýningar á þróunar- og nýsköpunarverkefnum í Listasal Mosfellsbæjar í janúar sem var einstaklega vel heppnuð og sýndi vel þann sköpunarkraft sem býr í íbúum sveitarfélagsins.

Meira ...

Bókasafnið fagurskreytt fiðrildum eftir börnin

12.08.2013

Fiðrildi á bókasafninuSumarlestur í Bókasafni Mosfellsbæjar hefur staðið yfir í allt sumar eða frá 3. júní, og hefur gengið framar vonum að virkja börnin í lestri bóka af ýmsum stærðum og gerðum.  „Þema“ ársins í ár eru FIÐRILDI og er safnið orðið fagurskreytt af litríkum fiðrildum frá duglegum lestrarhestum.

Meira ...

Hinsegin bókmenntir í Bókasafni Mosfellsbæjar

09.08.2013

Hinsegin dagar 2013Í tilefni af Hinsegin dögum 2013 má finna fræðandi bækur á Bókasafni Mosfellsbæjar um samkynhneigð í bókahorninu "Í umræðunni" . Bókin ÞERRAÐU ALDREI TÁR ÁN HANSKA er nýkomin í safnið en Jonas Gardell er einn fremsti rithöfundur Svía á okkar dögum. Bókaforlagið Draumsýn sendir nú frá sér fyrstu bókina í þríleik hans, Þerraðu aldrei tár án hanska, sem fjallar um líf nokkurra homma á fyrstu árum alnæmis á Norðurlöndum.

Meira ...

Laus störf hjá Lágafellsskóla í Mosfellsbæ

09.08.2013

Laus störf í LágafellsskólaMá bjóða þér að taka þátt í metnaðarfullu skólastarfi þar sem einkunnarorðin  SAMVERA, SAMVINNA OG SAMKENND eru höfð að leiðarljósi. Okkur vantar umsjónarkennara í 92% starfshlutfall á miðstig, stuðningsfulltrúa og í Fristundasel

Meira ...

Óskað eftir tilnefningum til jafnréttisviðurkenningar 2013

09.08.2013

Jafnrétti 2013Fjölskyldunefnd Mosfellsbæjar óskar eftir tilnefningum til jafnréttisviðurkenningar  Mosfellsbæjar árið 2013.Viðurkenninguna geta hlotið einstaklingar, fyrirtæki, stofnanir, hópar eða félagasamtök, sem á einn eða annan hátt hafa skarað fram úr eða markað spor á sviði jafnréttismála.

Meira ...

Nýtt tímabil Frístundaávísana að hefjast fyrir veturinn 2013-2014

06.08.2013

Nýtt tímabil Frístundaávísana að hefjast fyrir veturinn 2013-2014Núna eru síðustu dagar til að nýta frístundaávísanir fyrir síðasta skólaár. Nýtt tímabil tekur gildi þann 1. september. Frístundaávísun fyrir tímabilið 2012-2013 sem hefur ekki verið notuð fyrnist eftir 31.ágúst. Mosfellsbær gefur forráðamönnum allra barna og unglinga á aldrinum 6-18 ára með lögheimili í Mosfellsbæ kost á frístundaávísun  sem hægt er að nota til að greiða fyrir hvers konar frístundastarf hjá viðurkenndum frístundafélögum eða frístundastofnunum.

Meira ...

Umsóknir í mötuneyti og frístundasel

06.08.2013

Umsóknir í mötuneyti og frístundaselVegna undirbúnings á skólaárinu 2013-2014 minnum við foreldra á að sækja verður um áskrift í mötuneyti og frístundasel á hverju hausti í íbúagátt Mosfellsbæjar. Eldri umsóknir gilda ekki. Nýjar umsóknir þurfa að berast fyrir 20.ágúst. Vakin er athygli á að frá og með þessu skólaári er ekki hægt að sækja um færri en 4 tíma á viku í frístundaseli (sjá samþykkt).

Meira ...

Glæsileg hátíð um helgina í Mosfellsdal

02.08.2013

Verslunarmannahelgin í MosfellsdalHaldin verður fjölskylduhátíð í Mosfellsdalnum um verslunarmannahelgina og eru allir velunnarar Mosfellsdals velkomnir. Hátíðin verður að mestu haldin á svæði Mosskóga. Á glæsilegu tjaldsvæði í Mosskógum verður spennandi dagskrá sem fer að mestu leiti þar fram : Fjöldagrill, Ratleikur um dalinn, keppt á hestum, reiðhjólum og á tveimur jafnfljótum, markaður og óvæntar uppákomur, krökkum býðst að fara á hestbak, hesta og reiðhjólaþrautir, tónleikar með "Kiljan Granni og síðasta bandið í dalnum", óvissu hestaferð, varðeldur og kvöldvaka.

Meira ...

Verslunarmannahelgin í Mosfellsbæ

01.08.2013

TjaldstæðiVeðrið lofar ljómandi góðu yfir verslunarmannahelgina á höfuðborgarsvæðinu. Allt að fyllast af lífi og gleði á tjaldstæðinu við Íþróttamiðstöðina að Varmá. Fullt af skemmtilegri afþreyingu í boði. Hægt er að eiga ævintýralega góðan dag í Ævintýragarðinum, háð vígalega baráttu með börnunum á hinum glæsilega Víkingavelli eða átt  ljúfan dag á Stekkjarflötinum fagra í fallegu veðri með fjölskyldunni í Mosfellsbæ.

Meira ...

Síða 0 af Infinity