Fréttir eftir mánuðum

Menningarvor í Mosfellsbæ 2014

28.02.2014Menningarvor í Mosfellsbæ 2014
Þetta er í fimmta sinn sem þessi dagskrá er skipulögð og hefur hún notið vaxandi vinsælda. Dagskráin verður þrjú þriðjudagskvöld í röð, 25. mars, 1. apríl og 8. apríl. Að þessu sinni verða menningarþræðirnir raktir úr landshlutum á Íslandi í Mosfellsbæ og má því segja að þræðir menningar liggja um allt land.
Meira ...

Garðyrkjufræðingur í þjónustustöð Mosfellsbæjar

28.02.2014Garðyrkjufræðingur í þjónustustöð Mosfellsbæjar
Laust er til umsóknar starf garðyrkjufræðings í þjónustustöð Mosfellsbæjar. Um 100% starf er að ræða. Garðyrkjufræðingur skipuleggur sumarstarf starfsfólks þjónustustöðvar í samvinnu við yfirverkstjóra/garðyrkjustjóra þjónustustöðvar, heldur utan um tímaskráningu starfsfólks og sér um dagleg samskipti við flokkstjóra þjónustustöðvar. Sér um að útdeila verkefnum til flokkstjóra og fylgir þeim eftir.
Meira ...

,,Vorið, kæri vinur“

27.02.2014,,Vorið, kæri vinur“
Sýningaropnun Guðlaugar Drafnar Gunnarsdóttur í Listasal Mosfellsbæjar. Föstudaginn 28. febrúar 2014 kl. 17:00-19:00 verður opnuð í Listasal Mosfellsbæjar, Kjarna, Þverholti 2, einkasýning Guðlaugar Drafnar Gunnarsdóttur undir heitinu ,,Vorið, kæri vinur“. Guðlaug sýnir ný verk, fuglateikningar á plexígleri og stór náttúrutengd málverk unnin í olíu á striga.
Meira ...

Tillögur fræðslunefndar samþykktar

27.02.2014Tillögur fræðslunefndar samþykktar
Bæjarstjórn Mosfellsbæjar samþykkti á fundi sínum í gær tillögur fræðslunefndar sem kynntar hafa verið í skólasamfélaginu síðustu vikur. Tillögurnar hafa verið sendar til allra foreldra og eru einnig aðgengilegar hér á heimasíðunni.
Meira ...

Frábær stemning á sundlauganótt

26.02.2014Frábær stemning á sundlauganótt
Vel heppnuð sundlauganótt fór fram í Lágafellslaug laugardaginn 15. febrúar í samstarfi við Vetrarhátíð 2014. Tæplega 1000 gestir mættu í laugina þetta skemmtilega kvöld og voru foreldrar duglegir að fylgja börnum sínum. Hin sívinsæla Wipeout-braut sló í gegn og farið var í æsispennandi keppni. Hægt var að fá sér ís og pylsur auk þess sem fylgst var með söngvakeppni sjónvarpsins.
Meira ...

Til hamingju með afmælið Reykjakot

25.02.2014Til hamingju með afmælið Reykjakot
Leikskólinn Reykjakot á 20 ára afmæli í dag 25.febrúar 2014. Í Reykjakot er unnið mjög metnaðarfullt starf í anda Hjallastefnunnar. Leikskólinn Reykjakot er 5 kjarna leikskóli. Í leikskólanum eru á bilinu 100-105 börn á aldrinum 20 mánaða til 6 ára.
Meira ...

Hjáleið vegna framkvæmda, unnið að tengingu Tunguvegar

25.02.2014Hjáleið vegna framkvæmda, unnið að tengingu Tunguvegar
Föstudaginn 21. febrúar var hafist handa við gerð hjáleiða (merktar með brúnum lit) til þess að undirbúa gerð hingtorgs og undirganga á gatnamótum Skeiðholts og Skólabrautar. Umræddar framkvæmdir eru hluti af tengingu Tunguvegar við Skólabraut og Skeiðholt og áætlað er að þær muni standa yfir næstu þrjá mánuði. Umhverfissvið Mosfellsbæjar vill biðja vegfarendur um að sýna varkárni og þolinmæði á meðan á framkvæmdum stendur.
Meira ...

Opinn fundur umhverfisnefndar Mosfellsbæjar

25.02.2014Opinn fundur umhverfisnefndar Mosfellsbæjar
Umhverfisnefnd Mosfellsbæjar boðar til opins fundar um umhverfismál í Mosfellsbæ. Fundurinn verður haldinn í sal í Framhaldsskóla Mosfellsbæjar miðvikudaginn 26. febrúar kl. 14:45-16:00. Á dagskrá fundarins er kynning á umhverfisnefnd og umhverfissviði bæjarins og að því loknu fara fram opnar umræður um umhverfismál í Mosfellsbæ.
Meira ...

Starfsmaður óskast á unglingastig Varmárskóla

25.02.2014Starfsmaður óskast á unglingastig Varmárskóla
Varmárskóli auglýsir eftir starfsmanni á unglingastig.Æskilegt er að viðkomandi hafi reynslu af því að vinna með börnum á einhverfurófi. Leitað er eftir kröftugum einstaklingi með góða samskiptahæfileika sem getur hafið störf sem fyrst.
Meira ...

Hagir og líðan ungs fólks í Mosfellsbæ - Kynningarfundur

24.02.2014Hagir og líðan ungs fólks í Mosfellsbæ - Kynningarfundur
Þriðjudaginn 25. febrúar kl. 17:30-19:00 verða niðurstöður rannsókna á högum og líðan ungs fólks í Mosfellsbæ kynntar í Listasal Mosfellsbæjar, Þverholti 2. Allir sem láta sig málefni ungs fólks í Mosfellsbæ varða eru hvattir til að mæta á fundinn.
Meira ...

Opið hús - Börn með umframorku

24.02.2014Opið hús - Börn með umframorku
Fjórða opna hús vetrarins hjá Skólaskrifstofu Mosfellsbæjar verður haldið miðvikudaginn 26. febrúar klukkan 20 í Listasal Mosfellsbæjar. Eins fram hefur komið, er í vetur lögð áhersla á hagnýt ráð varðandi uppeldi og samskipti við börn og unglinga.
Meira ...

Um uppbyggingu skólamannvirkja í Mosfellsbæ

21.02.2014Um uppbyggingu skólamannvirkja í Mosfellsbæ
Að gefnu tilefni vill Mosfellsbær koma því á framfæri til foreldra leik- og grunnskólabarna að haldinn var fundur í Hlégarði miðvikudaginn 19. febrúar. Þangað bauð bæjarstjórn fulltrúum foreldrafélaga, foreldraráða leikskóla, fulltrúum foreldra í skólaráðum grunnskóla, skólastjórnendum og fræðslunefnd til að ræða framkomnar tillögur um uppbyggingu skólamannvirkja í bænum.
Meira ...

Duglegir krakkar á degi stærðfræðinnar

21.02.2014Duglegir krakkar á degi stærðfræðinnar
Föstudagurinn 7. febrúar var dagur stærðfræðinnar. Í Krikaskóla var hann haldinn hátíðlegur með stöðvavinnu barnanna. Viðfangsefnið að þessu sinni var fjármálastærðfræði og fjármálalæsi. Markmið með degi stærðfræðinnar er tvíþætt. Að vekja nemendur og sem flesta aðra til umhugsunar um stærðfræði og hlutverk hennar í samfélaginu, einnig að fá nemendur til að koma auga á möguleika stærðfræðinnar og sjái hana í víðara samhengi.
Meira ...

60 ára afmæli Skálatúnsheimilisins

20.02.201460 ára afmæli Skálatúnsheimilisins
Laugardaginn 22. febrúar n.k. frá kl. 14.00 til 17.00 verður opið hús í dagþjónustu Skálatúns í tilefni af 60 ára afmæli Skálatúnsheimilisins. Gestir og gangandi verða boðnir velkomnir, starfsemin kynnt og kaffiveitingar í boði. 30. janúar s.l. voru liðin 60 ár frá því að fyrstu börnin fluttu á Skáltúnsheimilið. Það telst því vera stofndagur Skálatúnsheimilisins.
Meira ...

Ákaflega hugljúf og falleg stund á Hömrum í kærleiksvikunni í Mosfellsbæ

19.02.2014Ákaflega hugljúf og falleg stund á Hömrum í kærleiksvikunni í Mosfellsbæ
Mikinn Kærleik og umhyggju mátti finna í lofti hjá starfsfólki, íbúum og gestum þeirra á Hömrum í dag þegar starfsmenn Ásgarðs komu og færðu íbúum og starfsfólki kærleiksgjöf í kærleiksvikunni. Fallega útskorinn túlipani á hjartalöguðu laufi fullt af kærleik fyllti húsið.
Meira ...

Leikskólasér­kennari eða þroskaþjálfi í Krikaskóla

18.02.2014Leikskólasér­kennari eða þroskaþjálfi í Krikaskóla
Eftirfarandi starf er laust til umsóknar: Leikskólasérkennari eða þroskaþjálfi með leikskólabörnum. Um 100% stöðu er að ræða. Starfið felst í að vera liðsmaður ákveðinna barna og sinna einstaklingsþörfum þeirra. Um teymisvinnu er að ræða þar sem hver liðsmaður sinnir nokkrum börnum.
Meira ...

Helgafellshverfi - miðsvæði. Tillaga að breytingum á deiliskipulagi

12.02.2014Helgafellshverfi - miðsvæði. Tillaga að breytingum á deiliskipulagi
Tillagan tekur til lóða nr. 16-22 og 24-26 við Gerplustræti og nr. 15-19 Vefarastræti og nálægra umferðargatna. Athugasemdafrestur er til 26. mars 2014.
Meira ...

Ljósveitan í Reykjahverfi

12.02.2014Ljósveitan í Reykjahverfi
Míla áætlar að ljósnetvæða Reykjahverfið núna á vormánuðum. Nú þegar eru hafnar framkvæmdir við tengingu ljósnetsins í Krókabyggð og Lindarbyggð. Þessu mun fylgja nokkuð jarðrask og akstur vinnuvéla og eru íbúar beðnir um að sýna framkvæmdunum þolinmæði meðan á þeim stendur.
Meira ...

Sundlauganótt í Mosfellsbæ

11.02.2014Sundlauganótt í Mosfellsbæ
Dagskrá Vetrarhátíðar er glæsileg að þessu sinni. Hátíðin hófst í dag 6.febrúar og stendur til 15.febrúar. Meginstoðir Vetrarhátíðar 2014 eru Safnanótt, Sundlauganótt og ljóslistaverk. Viðburðir verða um allt höfuðborgarsvæðið og Mosfellsbær er engin undantekning.
Meira ...

Uppbygging skólamannvirkja í Mosfellsbæ

11.02.2014Uppbygging skólamannvirkja í Mosfellsbæ
Húsnæðismál grunnskólanna í Mosfellsbæ hafa verið til umræðu síðustu mánuði. Í umfangsmiklu samráðsferli sem staðið hefur yfir í heilt ár hafa meðal annars verið haldnir fjölmargir fundir með foreldrum og öðrum hagsmunaaðilum ásamt tveimur opnum skólaþingum.
Meira ...

Leikskólasérkennari eða þroskaþjálfi í Krikaskóla, Mosfellsbæ

10.02.2014Leikskólasérkennari eða þroskaþjálfi í Krikaskóla, Mosfellsbæ
Leikskólasérkennari eða þroskaþjálfi með leikskólabörnum. Um 100% stöðu er að ræða. Starfið felst í að vera liðsmaður ákveðinna barna og sinna einstaklingsþörfum þeirra. Um teymisvinnu er að ræða þar sem hver liðsmaður sinnir nokkrum börnum.
Meira ...

Kærleiksvikan nálgast

10.02.2014Kærleiksvikan nálgast
Kærleiksvika verður nú haldin í fjórða sinn í Mosfellsbæ vikuna 16.- 23. febrúar 2014. Eins og áður verður kærleikurinn ofar öllu.Markmið vikunnar er að hver einasti bæjarbúi finni fyrir kærleik í sinn garð og gefi öðrum kærleik. Þetta gæti falist í hrósi, faðmlagi, brosi, fallegum skilaboðum eða einhverju öðru uppbyggilegu og skemmtilegu.
Meira ...

Hlaðhamrar í Brúarlandi

08.02.2014Hlaðhamrar í Brúarlandi
Við á Hlaðhömrum vorum svo heppin að fá tímabundin afnot af Brúarlandi, þar sem það þurfti að ráðast í endurbætur á Hlaðhömrum. Ákveðið var með stuttum fyrirvara að nýta þetta frábæra og nýuppgerða hús og fara með tvo elstu árgangana þangað. Börn og starfsfólk tóku þessum breytingum vel, börnunum finnst þetta algert ævintýri og eru mjög sátt. Starfið gengur því mjög vel enda góður andi í húsinu og fullt af skemmtilegum útivistarsvæðum í kring sem við erum dugleg að nýta okkur.
Meira ...

Dagur leikskólans

06.02.2014Dagur leikskólans
Haldið var upp á Dag leikskólans víða þann 6. febrúar. Í flestum leikskólum landsins er dagsins minnst með einhverjum hætti. Í Mosfellsbæ er haldið upp á daginn í leikskólum bæjarins með ýmsu góðgæti og skemmtilegum leikjum og uppákomum. Foreldrar ásamt öðrum gestum voru velkomnir að kíkja við og fá sér kaffisopa og kynna sér starfið.
Meira ...

Starf stuðningsfulltrúa í búsetukjarna fatlaðs fólks í Mosfellsbæ

05.02.2014Starf stuðningsfulltrúa í búsetukjarna fatlaðs fólks í Mosfellsbæ
Mosfellsbær auglýsir eftir stuðningsfulltrúa í 50-80% starf í búsetukjarna fatlaðs fólks í bænum. Um er að ræða vaktavinnu.
Meira ...

Leynist fjársjóður í þínum fórum ?

05.02.2014Leynist fjársjóður í þínum fórum ?
Skjöl Héraðsskjalasafns Mosfellsbæjar eru mikill viskubrunnur um sögu og menningu héraðsins. Héraðsskjalasafnið varðveitir gögn frá stofnunum, félögum, fyrirtækjum og einstaklingum, Safnið óskar eftir að fá gögn afhent í stað þess að þeim sé eytt. Glötuð gögn er glötuð saga
Meira ...

Framhaldsskólinn í Mosfellsbæ býður í heimsókn

04.02.2014Framhaldsskólinn í Mosfellsbæ býður í heimsókn
Fimmtudaginn 6. febrúar milli kl. 16:00 og 19:00 býður Framhaldsskólinn í Mosfellsbæ öllum í heimsókn. Viljum við hvetja bæjarbúa til að kíkja við og skoða hið glæsilega nýja hús og kynnast lífinu í FMOS. Tilvalið tækifæri til að skoða þennan glæsilega skóla.10.bekkingar og foreldrar/forráðamenn þeirra eru boðnir sérstaklega velkomnir.
Meira ...

Gæðaeftirlit í þjónustu við fatlað fólk

03.02.2014Gæðaeftirlit í þjónustu við fatlað fólk
Óskað er eftir starfsmanni með þroskaþjálfamenntun eða aðra háskólamenntun sem nýtist í starfi til að annast gæðaeftirlit á starfsstöðvum fyrir fatlað fólk í Hafnarfirði, Garðabæ, Kópavogi og Mosfellsbæ/Kjósarhreppi. Um er að ræða tilraunaverkefni til eins árs. Vinnustöð verður í Hafnarfirði.
Meira ...

Síða 0 af Infinity