Fréttir eftir mánuðum

Sundlauganótt í Lágafellslaug

30.01.2015Sundlauganótt í Lágafellslaug
Mosfellsbær tekur þátt í Vetrarhátíð og laugardaginn 7. febrúar milli kl. 19:00 - 22:30 verður sundlauganótt í Lágafellslaug. Hin sívinsæla Wipe-Out braut verður opin. Einar Einstaki með töfrabrögð, Íþróttaálfurinn mætir með spriklandi fjör, Hljómsveitin Víó spilar og Basic House Effect sjá um fjörið fram eftir kvöldi. Frítt inn frá kl. 19:00. Frábært fyrir fjölskylduna að eiga saman notalega kvöldstund í sundi.Pylsur og gos á spottprís og ís í boði á leiðinni heim. Nú drífa allir krakkar og ungmenni foreldrana með sér í sund!
Meira ...

Laus staða leikskólakennara í leikskólanum Hlíð

26.01.2015Laus staða leikskólakennara í leikskólanum Hlíð
Leikskólakennari óskast til starfa í leikskólann Hlíð frá 1. mars n.k. Hlíð er sex deilda leikskóli þar sem lögð er áhersla á einingakubba, umhverfismennt og skapandi starf. Unnið er með PALS sem er markviss undirbúningur lestrarnáms. Leikskólinn Hlíð er staðsettur í miðbæ Mosfellsbæjar í fallegu umhverfi og stutt í fjölbreytta náttúru.
Meira ...

Íþróttamaður og íþróttakona Mosfellsbæjar 2014

23.01.2015Íþróttamaður og íþróttakona Mosfellsbæjar 2014
Kjör íþróttamanns og íþróttakonu Mosfellsbæjar fór fram í Íþróttamiðstöðinni að Varmá í gærkvöldi fimmtudaginn 22. jan. Ásamt því að heiðra íþróttakarl og íþróttakonu Mosfellsbæjar voru veittar viðurkenningar fyrir Íslandsmeistaratitla, bikameistara,deildameistara, landsmótsmeistara og fyrir þátttöku í landsliði. Einnig voru veittar viðurkenningar fyrir efnilegasta dreng og stúlku 16 ára og yngri í hverri íþróttagrein. Sjö konur og fjórir karlar voru tilnefnd í kjörinu að þessu sinni.
Meira ...

Álagning fasteignagjalda 2015

23.01.2015Álagning fasteignagjalda 2015
Álagning fasteignagjalda 2015 hefur farið fram. Álagningarseðlar eru birtir rafrænt á www.island.is og íbúagátt Mosfellsbæjar. Fasteignagjöld skiptast á níu gjalddaga frá 15. janúar til 15. september. Fasteignagjöld má inna af hendi með greiðsluseðlum, í heimabanka og í bönkum. Einnig er hægt að greiða með beingreiðslum eða boðgreiðslum. Nánari upplýsingar um greiðslumöguleika fást í Þjónustuveri Mosfellsbæjar. Greiðsluseðlar eru ekki sendir nema þess hafi verið óskað sérstaklega í íbúagátt Mosfellsbæjar eða í Þjónustuveri
Meira ...

Kjör íþróttakarls- og íþróttakonu Mosfellsbæjar 2014

21.01.2015Kjör íþróttakarls- og íþróttakonu Mosfellsbæjar 2014
Fimmtudaginn 22. janúar nk. kl.19:00 verður haldið hóf í Íþróttamiðstöðinni að Varmá þar sem lýst verður kjöri íþróttakarls- og íþróttakonu Mosfellsbæjar árið 2014. Við sama tilefni er þeim einstaklingum sem hafa orðið Íslands- deildar-, bikar- eða landsmótsmeistarar 2014 veittar viðurkenningar ásamt þeim sem hafa tekið þátt í og/eða æft með landsliði á liðnu ári.
Meira ...

Opið hús hjá Skólaskrifstofu - Kerru og keyrða kynslóðin

21.01.2015Opið hús hjá Skólaskrifstofu - Kerru og keyrða kynslóðin
Fyrsta opna hús ársins hjá Skólaskrifstofu Mosfellsbæjar verður haldið miðvikudaginn 28. janúar klukkan 20 í Listasal Mosfellsbæjar. Að þessu sinni fjalla Halla Karen Kristjánsdóttir og Hjalti Kristjánsson um mikilvægi hreyfingar í daglegu lífi.
Meira ...

Álafoss - Ull og ævintýri

20.01.2015Álafoss - Ull og ævintýri
Nýverið sýndi RÚV Íslenska heimildarmynd sem gerir grein fyrir hluta iðnsögu Íslendinga og fyrstu árum Íslands sem fjölmenningarsamfélags. Ullarvinnsla hófst á Álafossi seint á 19. öld og einstakt verksmiðjuþorp varð til. Sveitastúlkur, erlendir farandverkamenn, íslenskir uppgjafabændur og erlendir sérfræðingar mönnuðu vinnsluna. Ákaflega áhugaverður þáttur um sveitina okkar fögru.
Meira ...

Umsókn um styrk til greiðslu fasteignaskatts til félaga og félagasamtaka

19.01.2015Umsókn um styrk til greiðslu fasteignaskatts til félaga og félagasamtaka
Mosfellsbær auglýsir eftir umsóknum um styrk til greiðslu fasteignaskatts til félaga og félagasamtaka. Um er að ræða styrki til greiðslu fasteginaskatts af fasteignum þar sem fram fer starfsemi sem ekki er rekin í ágóðaskyni. Umsóknum um styrki skal skilað fyrir 28. febrúar á þar til gerðum eyðublöðum ásamt þeim fylgigögnum sem þar kann að vera beðið um hverju sinni.
Meira ...

Þingvallavegur í Mosfellsdal - deiliskipulag

14.01.2015Þingvallavegur í Mosfellsdal - deiliskipulag
Opinn kynningarfundur um verkefnislýsingu skv. 40. gr. skipulagslaga fyrir ofangreint verkefni verður haldinn að Reykjadal í Mosfellsdal (í húsi Styrktarfélags lamaðra og fatlaðra) fimmtudaginn 15. janúar og hefst hann kl. 17:00. Á fundinum verður gerð grein fyrir verkefnislýsingunni, sem liggur frammi á heimasíðu bæjarins
Meira ...

Tímasetning á þrettándabrennu í Mosfellsbæ

12.01.2015Tímasetning á þrettándabrennu í Mosfellsbæ
Þrettándabrennan í Mosfellsbæ er einn af stærstu viðburðum ársins. Mörg þúsund manns, íbúar og aðrir gestir, koma á brennuna ár hvert. Mosfellsbær skipuleggur og stendur fyrir brennunni í samstarfi við aðila eins og Björgunarsveitina Kyndil, Skátafélagið Mosverja, Leikfélag Mosfellssveitar og Skólahljómsveit Mosfellsbæjar. Eins og með alla viðburði þá þróast hún með tímanum. Síðustu tvö ár hefur brennan verið haldin á laugardegi en ekki á Þrettándanum sjálfum. Það er við hæfi að kanna hug íbúa til þessarar nýjungar og í því skyni hefur verið sett könnun á heimasíðuna. Íbúar eru eindregið hvattir til að taka þátt.
Meira ...

ALMENNAR OG SÉRSTAKAR HÚSALEIGUBÆTUR

12.01.2015ALMENNAR OG SÉRSTAKAR HÚSALEIGUBÆTUR
Athygli er vakin á að samkvæmt lögum um húsaleigubætur nr. 138/1997 skal endurnýja umsókn um húsaleigubætur árlega í upphafi árs og gildir umsóknin til ársloka eða jafnlengi og gildistími húsaleigusamnings. Samkvæmt reglum Mosfellsbæjar um sérstakar húsaleigubætur skal endurnýja umsóknir um sérstakar húsaleigubætur samhliða almennum húsaleigubótum,
Meira ...

Jóhanna valin Mosfellingur ársins

08.01.2015Jóhanna valin Mosfellingur ársins
Jóhanna Elísa Engelhartsdóttir, fyrsti sigurvegari Biggest Loser á Íslandi, hefur verið valin Mosfellingur ársins 2014. „Það hefur orðið kúvending í mínu lífi og árið 2014 var vægast sagt viðburðaríkt. Ég fór að hugsa um heilsuna og setti sjálfa mig í fyrsta sætið. Ég hugsaði mig ekki tvisvar um þegar ég skráði mig í The Biggest Loser og ætlaði mér frá byrjun að vinna þetta,“ segir Jóhanna í viðtali við Mosfelling.
Meira ...

Kjör íþróttamanns og íþróttakonu Mosfellsbæjar árið 2014

08.01.2015Kjör íþróttamanns og íþróttakonu Mosfellsbæjar árið 2014
Nú stendur fyrir dyrum kjör um hverjir hljóti sæmdarheitið íþróttamaður og íþróttakona Mosfellsbæjar 2014. Eins og síðustu ár kjósa aðal- og varamenn í Íþrótta- og tómstundanefnd ásamt bæjarbúum íþróttakarl og íþróttakonu Mosfellsbæjar ársins 2014. Íbúar Mosfellsbæjar kjósa íþróttafólk ársins inni á íbúagáttinni
Meira ...

FORELDRANÁMSKEIÐ - Ertu að verða foreldri ? Næsta námskeið 21. janúar

06.01.2015FORELDRANÁMSKEIÐ - Ertu að verða foreldri ? Næsta námskeið 21. janúar
Fjölskyldu- og fræðslusvið hefur ákveðið að að styrkja foreldra í nýju hlutverki og bjóða styrk í eflandi foreldranámskeið sem auðveldar og undirbýr verðandi foreldra fyrir breytingar sem verða í parasambandinu við að eignast barn. Næsta námskeið er haldið 21. janúar. Námskeiðið hefur verið vel sótt, foreldrar ánægðir og flestir telja sig færari við uppeldið eftir námskeiðið en áður. Tilgangur verkefnisins Ertu að verða foreldri? er einkum að rétta foreldrum hjálparhönd í nýju hlutverki og styrkja sem best foreldra í uppeldishlutverki sínu.
Meira ...

Þrettándinn haldinn laugardaginn 10. janúar

05.01.2015Þrettándinn haldinn laugardaginn 10. janúar
Hin árlega þrettándabrenna Mosfellsbæjar verður haldin laugardaginn 10. janúar. Blysför leggur af stað frá Miðbæjartorginu kl. 18:00. Skólahljómsveit Mosfellsbæjar og Stormsveitin sjá um tónlistina. Álfakóngur, álfadrottning, Grýla, Leppalúði og þeirra hyski verða á svæðinu. Björgunarsveitin Kyndill sér um glæsileg flugeldasýning. Við viljum biðja alla um að fara gætilega með eld og ekki vera að skjóta upp flugeldum eða öðru nálagt brennustað, því það getur skapað mikla hættu þar sem margt fólk kemur saman
Meira ...

Krakkarnir úr Listaskólanum senda þrettándakveðju

05.01.2015Krakkarnir úr Listaskólanum senda þrettándakveðju
Nokkrir samspilsnemendur Listaskóla Mosfellsbæjar settu saman skemmtilegt myndband þar sem þau leika jólalagið "Jólin eru að koma". Nemendurnir eru allir í hljómsveitarsamspili undir stjórn Ólafs Elíassonar, píanókennara. Hópurinn saman stendur af nemendum frá 11 til 13 ára sem hafa lagt stund á tónlistanám síðast liðin ár.
Meira ...

Mosfellsbær hirðir jólatré 7.-9. janúar

05.01.2015Mosfellsbær hirðir jólatré 7.-9. janúar
Starfsmenn þjónustustöðvar Mosfellsbæjar munu, eins og undanfarin ár, aðstoða íbúa við að losa sig við jólatré sín eftir jólahátíðina með því að aka um bæinn og hirða þau jólatré sem sett hafa verið út fyrir lóðarmörk frá miðvikudeginum 7. janúar til föstudagsins 9. janúar. Íbúar geta einnig losað sig við jólatré á endurvinnslustöð Sorpu bs. við Blíðubakka án þess að greiða fyrir.
Meira ...

Laus störf við Lágafellsskóla Mosfellsbæ

02.01.2015Laus störf við Lágafellsskóla Mosfellsbæ
Vegna forfalla auglýsum við eftir bókasafnsfræðingi til starfa fram í júní. Vinnutími 08:00 – 15:00. Starfið felst í umsjón með bókasafni skólans. Einnig viljum við bæta við okkur stuðningsfulltrúa/frístundaleiðbeinanda. Meginverkefni er aðstoð við nemenda í kennslustundum, frímínútum, matartímum, í búningsklefum drengja og í frístundastarfi.
Meira ...

Síða 0 af Infinity