Umhverfisviðurkenningar

Umhverfisnefnd Mosfellsbæjar veitir árlega viðurkenningar til þeirra sem taldir eru hafa skarað framúr í umhverfismálum á árinu að mati nefndarinnar.

Íbúum gefst kostur á að senda inn tilnefningar um þá einstaklinga, garða, götur, svæði, stofnanir, félagasamtök eða fyrirtæki, sem þeim finnst koma til greina .

Tilnefningar má senda rafrænt á heimasíðu Mosfellsbæjar eða með tölvupósti á mos@mos.is

Umhverfisviðurkenningarnar eru síðan afhentar á bæjarhátíðinni „Í túninu heima“.

Umhverfisviðurkenningar Mosfellsbæjar 2016

Verðlaunahafar 2016 
Umhverfisviðurkenningar Mosfellsbæjar fyrir árið 2016 voru afhentar við hátíðlega athöfn í Hlégarði á bæjarhátíð Mosfellsbæjar „Í túninu heima“. Umhverfisviðurkenningarnar eru veittar þeim aðilum sem taldir eru hafa skarað fram úr í umhverfismálum á árinu. Að þessu sinni bárust samtals 17 tilnefningar um garða, fyrirtæki og einstaklinga.

Umhverfisnefnd ákvað að í ár yrðu veittar viðurkenningar fyrir fallegan garð og til þriggja einstaklinga sem hafa skarað fram úr í umhverfismálum.

Hamratanga 8, garður Ásdís Hannesdóttir og Jón Ólafur Halldórsson Hamratanga 8 
Ásdís Hannesdóttir og Jón Ólafur Halldórsson fá viðurkenningu fyrir fallegan garð að Hamratanga 8. 
Þar er blandað skemmtilega saman gróðri og hönnun, aðkoma er sérstaklega snyrtileg og takmarkað svæði er einstaklega vel nýtt. 

Andrés Arnalds er virtur fræðimaður á sviði landgræðslumála og hefur lengi látið sig varða umhverfismál í Mosfellsbæ. Meðal annars starfaði hann mikið í grasrótarsamtökunum Mosa sem sinnti uppgræðslu og öðrum umhverfismálum í Mosfellsbæ.  Andrés og Guðrún 
Hjónin Ólafur Arnalds og Ása L. Aradóttir hafa starfað sem prófessorar við Landbúnaðarháskólann á Hvanneyri um langt skeið og miðlað þar sinni þekkingu á umhverfismálum á faglegan hátt. Bókin "Að lesa og lækna landið" kom út í fyrra og þar eru góðar leiðbeiningar um hvernig hægt er að hlúa að röskuðu landi. 

Mosfellsbær óskar þessum aðilum innilega til hamingju með viðurkenninguna. 
Ólafur Arnalds og Ása L. Aradóttir  
Hér má sjá viðurkenningar sem íbúar og fyrirtæki hafa hlotið í gegnum árin. Með því að ýta á hvert ártal má sjá vinningshafa hvers árs fyrir sig.

Umhverfisviðurkenningar Mosfellsbæjar fyrir árið 2015 voru afhentar við hátíðlega athöfn á bæjarhátíð Mosfellsbæjar „Í túninu heima“.

Matthildur í LitlakrikaLitlikriki 25
Hjónin Matthildur Elín Björnsdóttir og Karl Þór Baldvinsson hljóta viðurkenningu fyrir sérlega fallegan og vel hannaðan garð að Litlakrika 25. Garðinn hafa þau byggt upp frá grunni á skömmum tíma og er umhirða til mikillar fyrirmyndar.
  

Réttarhvol 15
Helgi Ólafsson Réttarhvoli 15Helgi Ólafsson að Hvammi, Réttarhvoli 15, hlýtur viðurkenningu fyrir einstök ræktunarstörf og góða umhirðu um áratugaskeið. Helgi hefur ræktað stóran og fallegan garð sem státar af fjölbreyttum gróðri sem er sérlega vel við haldið.

Alls bárust um 10 tilnefningar að þessu sinni og sá umhverfisnefnd Mosfellsbæjar um að heimsækja þau svæði sem tilnefnd voru og velja úr tilnefningum.

Umhverfisviðurkenningar Mosfellsbæjar fyrir árið 2014 voru afhendar við hátíðlega athöfn á bæjarhátíð Mosfellsbæjar „Í túninu heima“ 

Ásgarður handverkstæði sem staðsett er í Álafosskvos hlýtur viðurkenningu fyrir að vera umhverfisvænt fyrirtæki sem leggur áherslu á endurnýtingu og notkun umhverfisvænna hráefna. Umhverfi fyrirtækisins er mjög snyrtilegt og upplífgandi, enda prýða útskornir munir verkstæðisins Mosfellsbæ víðsvegar um bæinn.


Íbúar að Helgalandi 8 í Mosfellsbæ, Júlíana Grímsdóttir og Þórarinn Magnússon, hljóta viðurkenningu fyrir fallegasta garðinn.  Garðurinn þykir sérlega fallegur og vel hirtur, og sérstök áhersla hefur verið lögð á að gera aðkomu að garðinum sem glæsilegasta.


Edda Gísladóttir, íbúi að Hlíðartúni 12, hlýtur viðurkenningu fyrir einstök ræktunarstörf um áratuga skeið.  Edda hefur ræktað stóran og fallegan garð sem státar af fjölbreyttum gróðri og góðu úrvali af nytjaplöntum.  Umhirða gróðurs er til fyrirmyndar og lóðinni sérlega vel við haldið.

Alls bárust um 40 tilnefningar að þessu sinni og sá umhverfisnefnd Mosfellsbæjar um að heimsækja þau svæði sem tilnefnd voru og velja úr tilnefningum.

Umhverfisviðurkenningar Mosfellsbæjar fyrir árið 2013:

Hjallabrekka við SkálahlíðÍbúar á Hjallabrekku við Skálahlíð 45 í Mosfellsbæ hlutu viðurkenningu fyrir fallegasta garðinn. Garðurinn þykir sérlega fallegur og hlýlegur, og státar af fjölbreyttum gróðri í stórum útigarði sem og gróðurhúsi þar sem ræktaðar hafa verið fjölmargar tegundir og gott úrval af nytjaplöntum. Gróður er fjölbreyttur og garðurinn sérstaklega vel skipulagður þar sem hluti hans er utandyra en hluti innandyra í gróðurhúsi sem einnig hýsir íbúðahúsið. Umhirða gróðurs er til fyrirmyndar og lóðinni vel við haldið, utandyra jafnt sem innandyra. Jafnframt er lögð áhersla á notagildi garðsins og hafa eigendur m.a. komið sé upp fjölbreyttu safni nytjaplantna.

Golfklúbburinn KjölurGolfklúbburinn Kjölur
hlutu viðurkenningu fyrir sérlega snyrtilegan og vel hirtan golfvöll. Völlurinn er skemmtilega hannaður í góðri sátt við náttúruna og umhverfið í kring og lögð áhersla á að samtvinna legu hans við þá fjölþættu útivistarmöguleika sem eru til staðar meðfram strandlengju Mosfellsbæjar. Í nágrenni golfvallarins er að finna útivistarstíga meðfram ströndinni, reiðstíga, laxveiðiá, fuglaskoðunarhús og íbúabyggð, auk þeirrar fjölbreytta náttúru og dýralífs sem fær á njóta sín í þessu fallega umhverfi.

Olísstöðin við LangatangaÞjónustustöð Olís við Langatanga
hlutu viðurkenningu fyrir mjög snyrtilegt og fallegt umhverfi.
Mikil alúð er lögð í umhirðu og gróður í kringum stöðina. Auk þess hugar fyrirtækið vel að umhverfismálum s.s. varðandi mengunarvarnir og endurvinnslu, er með virka umhverfisstefnu og vinnur að umhverfisvottun fyrir starfsemina.

Alls bárust um 18 tilnefningar að þessu sinni og sá umhverfisnefnd Mosfellsbæjar um að heimsækja þau svæði sem tilnefnd voru og velja úr tilnefningum.

Umhverfisviðurkenningar Mosfellsbæjar 2012
„Reykjalundur fær umhverfisviðurkenningu“

Umhverfisviðurkenningar Mosfellsbæjar fyrir árið 2012 voru afhendar við hátíðlega athöfn á bæjarhátíð Mosfellsbæjar „ Í túninu heima“. Eigendur tveggja húsalóða hlutu umhverfisviðurkenningu fyrir sérlega fallega garða; eigendur Arnartanga 51 fyrir fallegan rótgróinn garð og eigendur Kvíslartungu 3 fyrir glæsilegan garð í nýju hverfi bæjarins. Auk þess fékk Reykjalundur viðurkenningu fyrir sérlega fallegt umhverfi um árabil og Varmárskóli viðurkenningu fyrir áherslu á umhverfismál í sinni starfsemi.

Alls bárust um 24 tilnefningar að þessu sinni og sá umhverfisnefnd Mosfellsbæjar um að heimsækja þau svæði sem tilnefnd voru og velja úr tilnefningum.

Umhverfisnefnd Mosfellsbæjar í garðaskoðun 2012

Þeir garðar sem fengu viðurkenningu :

Kvíslartunga 3 
Umhverfisvidurkenningar_2012 003_Kvislartunga3Um er að ræða nýlegan garð í nýju hverfi í Leirvogstungu. 
Garðurinn er opinn og bjartur, og er sérlega vel skipulagður. 
Gróður er fjölbreyttur og umhirða til fyrirmyndar.  Jafnframt er lögð áhersla á notagildi garðsins og hafa eigendur m.a. komið sé upp matjurtargarði og litlum kofa sem hvoru tveggja fellur sérlega vel að umhverfinu. 

Sérstaka athygli vakti hversu íbúum hefur tekist vel að gera garðinn glæsilegan á skömmum tíma í þessu nýja hverfi bæjarins.

Arnartangi 51
Umhverfisvidurkenningar_2012 013_Arnartangi51Garðurinn við Arnartanga þótti sérlega fallegur og hlýlegur þótt rými sé takmarkað.  Garðurinn er mjög gróðurmikill en þannig skipulagður að rýmið er vel nýtt þannig að hver planta fær að njóta sín. 

Umhirða gróðurs er til fyrirmyndar og lóðinni vel við haldið.


Þau fyrirtæki sem hlutu viðurkenningu :

Reykjalundur
Umhverfisvidurkenningar_2012 055_ReykjalundurReykjalundur, endurhæfingarmiðstöð SÍBS, hlýtur viðurkenningu fyrir sérlega snyrtilegt og vel hirt umhverfi og lóð sem hefur verið til fyrirmyndar í áratugi.  Svæðið er gríðarlega stórt og umfangsmikið en forsvarsmönnum hefur með eljusemi tekist að viðhalda sérlega fallegu og snyrtilegu umhverfi. 

Reykjalundur fékk áður viðurkennningu árið 1997 og hefur lóð og nágrenni stofnunarinnar verið sérlega glæsilegt og vel hirt allar götur síðan

Varmárskóli
Varmarskoli_Graenfaninn 005_lagfaertVarmárskóli hlýtur viðurkenningu fyrir sérstaka áherslu á umhverfismennt í innra starfi þar sem starfsfólk og nemendur hafa náð að nýta náttúruna og umhverfi skólans í kennslu.  

Varmárskóli fékk sérstök hvatningarverðlaun hjá um- hverfisnefnd Mosfellsbæjar árið 2009 og sama ár hóf skólinn markvissa vinnu við að fá grænfánavottun með þáttöku í verkefninu „Skólar á grænni grein“.  Varmárskóli fékk grænfánavottun í maí 2012 og er lögð mikil áherslu á flokkun úrgangs og endurvinnslu meðal starfsfólks og nemenda, auk þess sem skólinn hefur sett sér stefnu í umhverfismálum. 
Varmárskóli er fyrsti skólinn í Mosfellsbæ sem tekur á móti þessari alþjóðlegu viðurkenningu fyrir góða frammistöðu í menntun til sjálfbærrar þróunnar  og fyrir að efla og bæta umhverfismál innan skólans og nær- samfélagsins. 

Varmárskóli hefur komið sér upp glæsilegu útikennslu- svæði neðan við íþróttahúsið við Varmá og verið leiðandi  í útinámi í Mosfellsbæ.

Umhverfisvidurkenningar_2011_vinningshafarÁ bæjarhátíðinni „Í túninu heima“ veitti umhverfisnefnd Mosfellsbæjar umhverfisviðurkenningar fyrir árið 2011 fyrir:
  • Fallegasta húsagarðinn,
  • Fyrir fyrirtæki sem skarar fram úr í umhverfismálum
  • Fallegustu götuna.
Umhverfisvidurkenningar_2011_vinningshafar_Brekkuland10_03Að þessu sinni hlutu hjónin Úlfar Finnbjörnsson og Sigrún Hafsteinsdóttir viðurkenningu fyrir fallegan og hlýlegan garð að Brekkulandi 10, þar sem lögð er áhersla á frumlega hönnun og fjölbreytilegan gróður.

Ákveðið var að veita tveimur fyrirtækjum umhverfisviðurkenningu

Umhverfisvidurkenningar_2011_vinningshafar_Bilapartar_01Bílapartar ehf., Grænumýri 3, fyrir snyrtilegt umhverfi og sérstaka áherslu á umhverfismál, þar sem flokkun og endurnýtin er höfð að leiðarljósi

Umhverfisvidurkenningar_2011_vinningshafar_Dalur_078Hestamiðstöðinni Dal, Dallandi, fyrir margra ára ræktunarstarf í tengslum við starfsemi sína þar sem aðbúnaður fyrir dýr og menn er til fyrirmyndar.

 

 

 

 

Umhverfisvidurkenningar_2011_vinningshafar 059Að lokum hlaut Hrafnshöfði viðurkenningu sem fallegasta gata Mosfellsbæjar 2011 þar sem heildaryfirbragð götu er snyrtilegt og margir garðar fallegir og gróðursælir.

Á bæjarhátíðinni „Í túninu heima“ voru afhentar umhverfisviðurkenningar Mosfellsbæjar fyrir árið 2010.

Íbúum gafst kostur á að senda inn tilnefningar í þremur aðskildum flokkum; fyrir fallegasta húsagarðinn, fyrir það fyrirtæki sem skaraði fram úr í umhverfismálum og fyrir fallegustu götuna.  Umhverfisnefnd Mosfellsbæjar heimsótti þá garða, fyrirtæki og götur sem tilnefnd voru og skoðaði með tilliti til umhirðu, umgengni, hönnunar, skipulags og áherslu á umhverfismál.

Alls bárust 11 tilnefningar um fallega garða í bænum, tvær tilnefningar um fyrirtæki og fjórar tilnefningar um fallegar götur. 

Eftir vandlega yfirlegu var nefndin sammála um að umhverfisviðurkenningu Mosfellsbæjar 2010
skyldu hljóta að þessu sinni:

Leirutangi4_2010 019_Mynd_XBæjarhátíð 2010 024_Leirutangi4_MYND_X
Hjónin Elísa Ólöf Guðmundsdóttir og Vignir Kristjánsson fyrir fallegan og hlýlegan garð að Leirutanga 4, þar sem hönnun og notagildi sameinast, s.s. með mat- og kryddjurtaræktun.

Bæjarhátíð 2010 022_Borgarplast_MYND_XUmhverfisvidurkenningar_2010_Borgarplast 035_X
Fyrirtækið Borgarplast, Völuteig 31-31a, fyrir mikla áherslu á umhverfismál, þar sem fyrirtækið er með virka umhverfisstefnu og umhverfisstjórnunarkerfi og er sérstaklega meðvitað um flokkun og endurnýtingu úrgangs.

Umhverfisvidurkenningar_2010_Svoluhofdi 040_X

Umhverfisvidurkenning_2010_Svoluhofdi_  030_MYND

Svöluhöfði sem fallegasta gata Mosfellsbæjar 2010 þar sem heildaryfirbragð er snyrtilegt, hönnun og skipulag til fyrirmyndar og margir garðar fallegir og gróðursælir.

Bæjarhátíð 2010 025_Svoluhofdi_MYND_XBæjarhátíð 2010 019

Umhverfisviðurkenningarnar 2009

Á bæjarhátíðinni Í túninu heima voru afhentar umhverfisviðurkenningar Mosfellsbæjar fyrir árið 2009. Á hverju ári býðst almenningi að tilnefna þau svæði, garða, götur, fyrirtæki eða einstaklinga sem þeim þykir hafa skarað framúr í umhverfismálum í bæjarfélaginu.  Að þessu sinni voru tilnefndir sjö garðar og tvö fyrirtæki.

Allir verðlaunahafar þóttu vel að verðlaununum komnir og fengu að launum vænan blómvönd, skrautritað viðurkenningarskjal og viðurkenningaskjöld til að festa á hús sitt.

Eftir mikla yfirlegu og heimsóknir á alla staðina var umhverfisnefnd Mosfellsbæjar sammála um að umhverfisviðurkenningu Mosfellsbæjar skyldu hljóta að þessu sinni:

Hjónin Margrét Ragnarsdóttir og Sigurður H. Þórólfsson, fyrir stílhreinan og  fallegan garð að Svöluhöfða 11.



Hólmfríður Díana Magnúsdóttir, fyrir fallegan og vel skipulagðan garð að Dalatanga 7 þar sem umhirða gróðurs er til fyrirmyndar.
Bílaverkstæði Sigurbjörns Árnasonar og Réttingaverkstæði Jóns B.  fyrir áherslu á umhverfismál og snyrtilegt umhverfi að Flugumýri  

Þrír hlutu umhverfisviðurkenningu Mosfellsbæjar 2008.

Auglýst var eftir tilnefningum frá almenningi og voru alls átta garðar tilnefndir en umhverfisnefnd Mosfellsbæjar veitir umhverfisviðurkenningarnar árlega. Meðal þess sem nefndin horfir til við veitingu umhverfisviðurkenninganna er ásýnd umhverfis, umhirða lóðar og gróðurs, hönnun og skipulagning lóðar, ásýnd byggingar, áhersla á umhverfismál og ennfremur staða úrgangsmála og mengunarvarna.

Tómas G. Gíslason, umhverfisstjóri Mosfellsbæjar segir: “Mosfellsbær er orðinn mjög grænn og gróinn bær enda hefur áhugi á garðrækt í bæjarfélaginu aukist ár frá ári og má sjá það á þeim tilnefningum sem nú komu fram. Hér eru margir glæsilegir garðar og eru sigurgarðarnir í ár vitnisburður um það. Mosfellsbær státar jafnframt af óvenjumörgum grænum svæðum og leiksvæðum innan bæjarmarkanna og fjölmörgum útivistarperlum við bæjardyrnar.”

Umhverfisvidurkenningar_sigurvegarar_2008 079Á efstu myndinni eru verðlaunahafar, frá vinstri til hægri:

Davíð Gunnlaugsson, f.h. Leirutanga 27, Anna Hlíf Svavarsdóttir, og dóttir hennar Alexandra Eik Októsdóttir, f.h. Hamratanga 15, Kristleifur Guðbjörnsson og Margrét Ólafsdóttir að Arkarholti 4

Þrír garðar í Mosfellsbæ hlutu umhverfisviðurkenningar Mosfellsbæjar 2008,
Arkarholt 4, Hamratangi 15 og Leirutangi 27.

Arkarholt4Arkarholti 4
Kristleifur Guðbjörnsson og Margrét Ólafsdóttir að Arkarholti 4 fengu viðurkenningu fyrir áratuga ræktunarstarf og eru að hljóta viðurkenningu í þriðja sinn en þau fengu síðast viðurkenningu fyrir garð sinn fyrir fjórtán árum.

Hamratangi15Hamratanga 15
Rannveig Reymondsdóttir og Svavar S. Tómasson að Hamratanga 15 hlutu viðurkenningu fyrir sérstaklega fallega hönnun og skipulag lóðar.

Leirutangi27Leirutanga 27
Gunnlaugur Júlíusson og Jónína S. Jónsdóttir að Leirutanga 27 fengu viðurkenningu fyrir fallegan og vel hirtan garð þar sem umhirða gróðurs er til fyrirmyndar.

Umhverfisnefnd

Aðalmenn nefndar
Starfsfólk nefndar

Fundargerðir umhverfisnefndar

Fundir eru haldnir að jafnaði einu sinni í mánuði, kl. 17:00 næsta fimmtudag fyrir fund bæjarstjórnar.

GÁTLISTI

Það sem umhverfisnefnd Mosfellsbæjar hefur til hliðsjónar við val á tilnefningum er GÁTLISIT sem má skoða hér (.pdf skjal 34 kb)