Lágafellslaug

LágafellslaugÍþróttamiðstöðin Lágafell, Lágafellslaug (Sundlaugin Lækjarhlíð)

Íþróttamiðstöðin Lágafell
Lækjarhlíð 1a, 270 Mosfellsbæ
Sími í afgreiðslu 517 6080
Netfang: sg[hja]mos.is

Íþróttamiðstöðin á facebook

Sundlaugin er opin alla daga frá kl. 06:30 til 21:30

Helgaropnun frá 08:00 til 19:00

Sundlaugarsvæðið í Lágafelli er fjölbreytt og ættu flestir að finna sér eitthvað sem hentar hverju sinni. Svæðið skartar 25 metra sundlaug, sem er glæsileg í alla staði. Fyrir þá sem vilja gera meira en að synda er hægt að velja um 3 mismunandi heita potta.

Tveir þeirra eru hefðbundnir heitir pottar með hitastig á bilinu 40-42 gráður.  Sá þriðji er nuddpottur sem gott er að sitja í og slaka á og láta nudda þreytta vöðva. Hann er ekki eins heitur og hinir pottarnir. Á svæðinu er einnig eimbað og sauna.

kaldur potturNú hefur enn ein nýjungin bæst við en það er kaldur pottur sem inniheldur vatn sem er aðeins 4-5 gráður. Sírennsli er í pottinum sem gerir það að verkum að ekki þarf að setja klór í hann. Frá því potturinn var settur upp um miðjan febrúar hefur hann notið mikilla vinsælda allra aldurshópa en sér í lagi hjá íþróttafólki.

Ástæðan liggur í því að eftir erfiðar æfingar er líkaminn og vöðvarnir miklu fljótari að ná sér ef farið er í kalt vatn eftir erfiðið. Einnig er það viðurkennd aðferð við að auka blóðflæðið að fara í heitt og kalt vatn til skiptis, svokölluð skiptiböð.

Fyrir börnin og líka auðvitað hina fullorðnu er vaðlaug sem er tiltölulega grunn, hlý og hentar fyrir smáfólkið og þá sem vilja liggja útaf og slaka og njóta sólarinnar, sé hún í boði.

Fyrir þá allra hressustu á öllum aldi, eru þrjár rennibrautir á svæðinu, ein opin breið um 12 metra og tvær lokaðar, mislangar, eða frá 33-43 metrum. Farið er upp glerjaðan rennibrautarturn og ferðin endar í lendingarlaug fyrir neðan, sama laug fyrir allar brautir, svo það er best að vera varkár og fylgja reglum!

Starfsfólk sundlaugarinnar vill ítreka við forráðamenn barna að fylgjast vel með börnum sínum þegar þau eru á svæðinu.

Innilaugin er með stillanlegum botni og hentar því vel fyrir kennslu sem hún er óspart notuð í. Hún er einnig opin fyrir almenning meginhluta sumars (Skólasund er í innilauginni alla virka daga yfir vetrarmánuðina til kl. 18 og þriðju- og miðvikudaga til klukkan 20:00 ).

Fjölbreytt heilsuþjónusta er í boði í Lágafellslaug.
Fyrir nánari upplýsingar  veita þær María s: 861-8516 og Guðrún s: 848 9712