Bæjarlistamenn

BæjarlistamaðurMenningarmálanefnd Mosfellsbæjar útnefnir ár hvert bæjarlistamann Mosfellsbæjar. Nefndin óskar árlega eftir tilnefningum eða ábendingum frá Mosfellingum um einstakling eða samtök listamanna í Mosfellsbæ, sem til greina koma að bera sæmdarheitið bæjarlistamaður ársins.

Bæjarlistamaður hlýtur styrk frá Mosfellsbæ og kynnir sig og verk sín innan Mosfellsbæjar á því ári sem hann er tilnefndur. 

Einungis einstaklingar, sem búsettir eru í Mosfellsbæ og hópar og samtök, sem starfa í bæjarfélaginu koma til greina. Þá setur menningarmálanefnd það einnig sem skilyrði að tilnefndir einstaklingar eða hópar hafi verið virkir í listgrein sinni.

Davíð Þór
Davíð Þór bæjarlistamaður Mosfellsbæjar 2017

Menningarmálanefnd Mosfellsbæjar hefur útnefnt Davíð Þór Jónsson píanóleikara og tónskáld bæjarlistamann Mosfellsbæjar. Viðurkenningin var afhent við hátíðlega athöfn í Hlégarði á bæjarhátíðinni Í túninu heima. 

Davíð Þór hefur verið búsettur í Álafosskvos síðan 2013 en er fæddur á Seyðisfirði 1978. Davíð Þór er fjölhæfur og skapandi listamaður með sérstaka ástríðu fyrir spunatónlist. Hann hefur frá unga aldri leikið með allflestum þekktari tónlistarmönnum landsins og spilað á tónlistarhátíðum um heim allan. Hann stundaði nám í Tónlistarskóla FÍH og útskrifaðist vorið 2001. Árið eftir gaf hann út sína fyrstu sólóplötu, Rask. 

Auk þess að vera afkastamikill sem hljófæraleikari á margvísleg hljóðfæri, píanóleikari, tónskáld, útsetjari og upptökumaður fyrir fjölda tónlistamanna hefur hann einnig unnið náið með sviðslistafólki, myndlistarmönnum, fyrir leikhús, við útvarpsleikrit og sjónvarpsverk. 

Vill láta gott af sér leiða í heimabyggð.
Davíð Þór hefur hlotið margvísleg veðlaun, til dæmis Íslensku tónlistarverðlaunin og Grímuverðlaunin, auk þess sem tónlist hans úr kvikmyndinni Hross í oss hefur verið verðlaunuð á kvikmyndahátíðum í Evrópu. 

Í umsögn menningarmálanefndar Mosfellsbæjar segir að Davíð Þór sé vel að viðurkenningunni kominn og nefndin hlakkar til samstarfs við hann. Hann sé fjölhæfur og hæfileikaríkur tónlistarmaður sem vill gjarnan hafa áhrif og láta gott af sér leiða í heimabyggð.

Davíð Þór í nærmynd
Eins og áður sagði er Davíð Þór meðal fjölhæfustu tónlistarmönnum landsins, jafnvígur á píanóleik, spuna, tónsmíðar og hljómsveitarstjórn auk þess sem hann leikur á ógrynni hljóðfæra. Hann hefur leikið með flestum tónlistarmönnum landsins og spilað á tónlistarhátíðum um allan heim.

Davíð Þór Jónsson er fæddur á Seyðisfirði 27. júní 1978. Foreldrar hans eru þau Jenný Ásgerður Magnúsdóttir listakona, húsfreyja og skautritari og Jón Þórir Leifsson vélsmiður og lögreglumaður. Davíð á þrjá bræður, Daníel, Leif og Arnar.

Fékk að vera frjálst barn
„Ég flutti frá Seyðisfirði til Akraness þegar ég var þriggja ára gamall. Þegar ég hugsa til æskuáranna á Skaganum þá er það brimið við Traðarbakkakletta, rauðmagi, hrogn og lifur, mamma syngjandi og þríhjólareiðtúr á Kothúsatúninu sem stendur upp úr.
Frá unga aldri sinnti ég heimilis- og ­bústörfum ásamt því að leggja net með föður mínum.
Ég fékk að vera frjálst barn þar sem ég gat leikið lausum hala um götur og fjörur bæjarins. Ég fór líka mörg sumur í sveit í Andakíl í Borgarfirði og átti það mjög vel við mig í alla staði.
Ég gekk í Brekkubæjarskóla og fór þaðan í Fjölbrautaskóla Vesturlands.“

Starfið hefur margar birtingamyndir
„Tónlist var hluti af daglegu lífi þar sem var sungið, spilað á gítar eða leikið á potta og pönnur. Ég var níu ára þegar ég fór í fyrsta píanótímann í Tónlistarskóla Vesturlands. Ég fékkst ekki til að fara fyrr en ég frétti að Sveinn Rúnar æskuvinur minn ætlaði að skella sér í tíma, þá fór ég líka. Í kjölfarið lærði ég svo á saxafón í 10 ár. Þarna var ekki aftur snúið því líf mitt hefur meira og minna snúist um tónlist síðan.
Ég byrjaði að vinna fyrir mér sem tónlistarmaður þegar ég var 14 ára gamall og hef starfað við það síðan. Starf mitt hefur margar birtingarmyndir, allt frá því að leika á harmonikkuballi í Dölunum yfir í það að leika í kvikmynd í Úkraínu.“

Gaf út sína fyrstu sólóplötu
Davíð Þór stundaði nám í Tónlistarskóla FÍH og fór í skiptinám til Þrándheims á vegum skólans og útskrifaðist vorið 2001. Árið eftir gaf hann út sína fyrstu sólóplötu, Rask.
Hann hefur gert tónlist og hljóðmyndir fyrir fjölda leiksýninga, Tengdó, Hrærivélina, söngleikinn Leg, Baðstofuna, Héra Hérason, Manntafl, Mýs og menn, Dagbók djasssöngvarans og síðast Húsið sem sett var upp í Þjóðleikhúsinu. Hann hefur einnig tónsett útvarpsleikrit og sjónvarpsverk af ýmsu tagi auk þess að semja tónlist fyrir dansverk.
Davíð Þór hefur frá unga aldri leikið með flestum þekktari tónlistarmönnum landsins. Hann hefur einnig unnið náið með sviðslistafólki og myndlistarmönnum og mætti þar helst nefna Ragnar Kjartansson, en saman sköpuðu þeir tónlistar- og myndbandsverkin „The End“, framlag Íslands á Feneyjartvíæringnum árið 2009 og „Guð“. Davíð samdi og útsetti tónlistina og flutti ásamt Ragnari og hljómsveit.
Davíðs Þór hefur hlotið margvísleg verðlaun, til dæmis Íslensku tónlistarverðlaunin og Grímuverðlaunin, auk þess sem tónlist hans úr kvikmyndinni Hross í oss hefur verið verðlaunuð á kvikmyndahátíðum í Evrópu.

Nýtur lífsins í Álafosskvosinni

Davíð Þór er kvæntur Birtu Fróðadóttur arkitekt og saman eiga þau dótturina Silfru sem er átján mánaða gömul. Ég spyr Davíð út í föðurhlutverkið. „Það er bæði stærsta verkefnið og jafnframt það dásamlegasta í lífi mínu og kemur manni sífellt á óvart.“
Fjölskyldan er búsett í Álafosskvosinni þar sem Davíð er einnig með vinnustofu. Davíð segir Kvosina vera dásamlegt lítið þorp þar sem fólk talar mannamál, verkar fugl og fisk á víxl og tekur einn dag í einu.
„Við Birta erum forvitnir eldhugar og elskum að ferðast og nema ný lönd, kynnast nýju fólki og læra af því. Við höfum mikið dálæti á að vera undir Snæfellsjökli og þar höfum við átt töfrastundir. Aðráttaraflið þar er það sama og á við um tónlist, það er hið ósýnilega. Við göngum einnig til rjúpna saman í leit að kyrrðinni.“
Minnir mann á að halda áfram að skapa
Mosfellsbær útnefndi Davíð Þór bæjarlistamann Mosfellsbæjar 2017 á dögunum en viðurkenningin var afhent við hátíðlega athöfn í Hlégarði. En hvaða þýðingu hefur það að vera bæjarlistamaður Mosfellsbæjar? „Það er mikill heiður og vissulega hefur það jákvæða þýðingu í hvívetna. Þetta minnir mann á að halda áfram að skapa og gefa af sér eins og kostur er á.
Ég mun láta gott af mér leiða áfram og munu nokkrir viðburðir líta dagsins ljós hér í bæ nú í vetur á hinum ýmsu vel völdu stöðum. Nánari staðsetning og tími kemur í ljós síðar.“

Kona fer í stríð
Um þessar mundir er Davíð Þór að vinna að tónlist fyrir nýjustu kvikmynd Benedikts Erlingssonar sem ber heitið Kona fer í stríð, en hún er um konu sem vill bjarga heiminum og hefur fundið lausnina til þess. Tónlistin er meðal annars unninn í Sundlauginni, hljóðveri í Álafosskvos, en þar vinnur Davíð mikið að listsköpun sinni.
„Þrátt fyrir allt þetta hafarí þá er ég samt veiðimaður og bóndi í hjarta mínu og tel að æðsta markmiðið sem maður hefur í lífinu sé að verða góð manneskja,“ segir Davíð að lokum.

Mosfellingur 7. september 2017
Myndir og texti: Ruth Örnólfs
Davíð Þór Jónsson bæjarlistamaður 2017 

Bæjarlistamenn Mosfellsbæjar frá árinu 1995

Davíð Þór
Davíð Þór bæjarlistamaður Mosfellsbæjar 2017

Menningarmálanefnd Mosfellsbæjar hefur útnefnt Davíð Þór Jónsson píanóleikara og tónskáld bæjarlistamann Mosfellsbæjar. Viðurkenningin var afhent við hátíðlega athöfn í Hlégarði á bæjarhátíðinni Í túninu heima. 

Davíð Þór hefur verið búsettur í Álafosskvos síðan 2013 en er fæddur á Seyðisfirði 1978. Davíð Þór er fjölhæfur og skapandi listamaður með sérstaka ástríðu fyrir spunatónlist. Hann hefur frá unga aldri leikið með allflestum þekktari tónlistarmönnum landsins og spilað á tónlistarhátíðum um heim allan. Hann stundaði nám í Tónlistarskóla FÍH og útskrifaðist vorið 2001. Árið eftir gaf hann út sína fyrstu sólóplötu, Rask. 

Auk þess að vera afkastamikill sem hljófæraleikari á margvísleg hljóðfæri, píanóleikari, tónskáld, útsetjari og upptökumaður fyrir fjölda tónlistamanna hefur hann einnig unnið náið með sviðslistafólki, myndlistarmönnum, fyrir leikhús, við útvarpsleikrit og sjónvarpsverk. 

Vill láta gott af sér leiða í heimabyggð.
Davíð Þór hefur hlotið margvísleg veðlaun, til dæmis Íslensku tónlistarverðlaunin og Grímuverðlaunin, auk þess sem tónlist hans úr kvikmyndinni Hross í oss hefur verið verðlaunuð á kvikmyndahátíðum í Evrópu. 

Í umsögn menningarmálanefndar Mosfellsbæjar segir að Davíð Þór sé vel að viðurkenningunni kominn og nefndin hlakkar til samstarfs við hann. Hann sé fjölhæfur og hæfileikaríkur tónlistarmaður sem vill gjarnan hafa áhrif og láta gott af sér leiða í heimabyggð.

Davíð Þór í nærmynd
Eins og áður sagði er Davíð Þór meðal fjölhæfustu tónlistarmönnum landsins, jafnvígur á píanóleik, spuna, tónsmíðar og hljómsveitarstjórn auk þess sem hann leikur á ógrynni hljóðfæra. Hann hefur leikið með flestum tónlistarmönnum landsins og spilað á tónlistarhátíðum um allan heim.

Davíð Þór Jónsson er fæddur á Seyðisfirði 27. júní 1978. Foreldrar hans eru þau Jenný Ásgerður Magnúsdóttir listakona, húsfreyja og skautritari og Jón Þórir Leifsson vélsmiður og lögreglumaður. Davíð á þrjá bræður, Daníel, Leif og Arnar.

Fékk að vera frjálst barn
„Ég flutti frá Seyðisfirði til Akraness þegar ég var þriggja ára gamall. Þegar ég hugsa til æskuáranna á Skaganum þá er það brimið við Traðarbakkakletta, rauðmagi, hrogn og lifur, mamma syngjandi og þríhjólareiðtúr á Kothúsatúninu sem stendur upp úr.
Frá unga aldri sinnti ég heimilis- og ­bústörfum ásamt því að leggja net með föður mínum.
Ég fékk að vera frjálst barn þar sem ég gat leikið lausum hala um götur og fjörur bæjarins. Ég fór líka mörg sumur í sveit í Andakíl í Borgarfirði og átti það mjög vel við mig í alla staði.
Ég gekk í Brekkubæjarskóla og fór þaðan í Fjölbrautaskóla Vesturlands.“

Starfið hefur margar birtingamyndir
„Tónlist var hluti af daglegu lífi þar sem var sungið, spilað á gítar eða leikið á potta og pönnur. Ég var níu ára þegar ég fór í fyrsta píanótímann í Tónlistarskóla Vesturlands. Ég fékkst ekki til að fara fyrr en ég frétti að Sveinn Rúnar æskuvinur minn ætlaði að skella sér í tíma, þá fór ég líka. Í kjölfarið lærði ég svo á saxafón í 10 ár. Þarna var ekki aftur snúið því líf mitt hefur meira og minna snúist um tónlist síðan.
Ég byrjaði að vinna fyrir mér sem tónlistarmaður þegar ég var 14 ára gamall og hef starfað við það síðan. Starf mitt hefur margar birtingarmyndir, allt frá því að leika á harmonikkuballi í Dölunum yfir í það að leika í kvikmynd í Úkraínu.“

Gaf út sína fyrstu sólóplötu
Davíð Þór stundaði nám í Tónlistarskóla FÍH og fór í skiptinám til Þrándheims á vegum skólans og útskrifaðist vorið 2001. Árið eftir gaf hann út sína fyrstu sólóplötu, Rask.
Hann hefur gert tónlist og hljóðmyndir fyrir fjölda leiksýninga, Tengdó, Hrærivélina, söngleikinn Leg, Baðstofuna, Héra Hérason, Manntafl, Mýs og menn, Dagbók djasssöngvarans og síðast Húsið sem sett var upp í Þjóðleikhúsinu. Hann hefur einnig tónsett útvarpsleikrit og sjónvarpsverk af ýmsu tagi auk þess að semja tónlist fyrir dansverk.
Davíð Þór hefur frá unga aldri leikið með flestum þekktari tónlistarmönnum landsins. Hann hefur einnig unnið náið með sviðslistafólki og myndlistarmönnum og mætti þar helst nefna Ragnar Kjartansson, en saman sköpuðu þeir tónlistar- og myndbandsverkin „The End“, framlag Íslands á Feneyjartvíæringnum árið 2009 og „Guð“. Davíð samdi og útsetti tónlistina og flutti ásamt Ragnari og hljómsveit.
Davíðs Þór hefur hlotið margvísleg verðlaun, til dæmis Íslensku tónlistarverðlaunin og Grímuverðlaunin, auk þess sem tónlist hans úr kvikmyndinni Hross í oss hefur verið verðlaunuð á kvikmyndahátíðum í Evrópu.

Nýtur lífsins í Álafosskvosinni

Davíð Þór er kvæntur Birtu Fróðadóttur arkitekt og saman eiga þau dótturina Silfru sem er átján mánaða gömul. Ég spyr Davíð út í föðurhlutverkið. „Það er bæði stærsta verkefnið og jafnframt það dásamlegasta í lífi mínu og kemur manni sífellt á óvart.“
Fjölskyldan er búsett í Álafosskvosinni þar sem Davíð er einnig með vinnustofu. Davíð segir Kvosina vera dásamlegt lítið þorp þar sem fólk talar mannamál, verkar fugl og fisk á víxl og tekur einn dag í einu.
„Við Birta erum forvitnir eldhugar og elskum að ferðast og nema ný lönd, kynnast nýju fólki og læra af því. Við höfum mikið dálæti á að vera undir Snæfellsjökli og þar höfum við átt töfrastundir. Aðráttaraflið þar er það sama og á við um tónlist, það er hið ósýnilega. Við göngum einnig til rjúpna saman í leit að kyrrðinni.“
Minnir mann á að halda áfram að skapa
Mosfellsbær útnefndi Davíð Þór bæjarlistamann Mosfellsbæjar 2017 á dögunum en viðurkenningin var afhent við hátíðlega athöfn í Hlégarði. En hvaða þýðingu hefur það að vera bæjarlistamaður Mosfellsbæjar? „Það er mikill heiður og vissulega hefur það jákvæða þýðingu í hvívetna. Þetta minnir mann á að halda áfram að skapa og gefa af sér eins og kostur er á.
Ég mun láta gott af mér leiða áfram og munu nokkrir viðburðir líta dagsins ljós hér í bæ nú í vetur á hinum ýmsu vel völdu stöðum. Nánari staðsetning og tími kemur í ljós síðar.“

Kona fer í stríð
Um þessar mundir er Davíð Þór að vinna að tónlist fyrir nýjustu kvikmynd Benedikts Erlingssonar sem ber heitið Kona fer í stríð, en hún er um konu sem vill bjarga heiminum og hefur fundið lausnina til þess. Tónlistin er meðal annars unninn í Sundlauginni, hljóðveri í Álafosskvos, en þar vinnur Davíð mikið að listsköpun sinni.
„Þrátt fyrir allt þetta hafarí þá er ég samt veiðimaður og bóndi í hjarta mínu og tel að æðsta markmiðið sem maður hefur í lífinu sé að verða góð manneskja,“ segir Davíð að lokum.

Mosfellingur 7. september 2017
Myndir og texti: Ruth Örnólfs
Davíð Þór Jónsson bæjarlistamaður 2017 

Mosfellsbær hefur útnefnt Gretu Salóme Stefánsdóttur tónlistarkonu bæjarlistamann Mosfellsbæjar 2016. Viðurkenningin var afhent við hátíðlega athöfn í Hlégarði sunnudaginn 28. ágúst. 
  
Greta Salóme hefur frá barnsaldri verið virkur þátttakandi í tónlistarlífi Mosfellsbæjar. Hún sýndi snemma einstaka tónlistarhæfileika og er ein af þekktustu tónlistarkonum Íslands í dag.
Greta Salóme er með BA og MA gráður í tónlist. Hún kemur fram sem fiðluleikari, söngkona og lagahöfundur. Greta nýtir klassískan bakgrunn sinn til að flytja ýmis konar tónlist bæði sem einleikari og einnig sem hluti af hljómsveitum eða sönghópum. 

Greta Salóme hefur verið meðlimur í Sinfóníuhljómsveit Íslands. Hún er einnig konsertmeistari Sinfóníuhljómsveitar Norðurlands. Greta hefur í tvígang verið fulltrúi Íslands í Eurovision keppninni og fór nú á þessu ári með sitt eigið lag. Hún hefur unnið hjá Disney samsteypunni og komið fram á tónleikum út um allan heim. 

Mosfellsbær er Heilsueflandi samfélag og Greta Salóme hefur sýnilega lagt áherslu á heilbrigðan lífstíl og hefur ávallt verið stoltur fulltrúi Mosfellsbæjar þar sem hún hefur komið. Sú framkoma er hvetjandi fyrir íbúa sveitarfélagsins, unga sem aldna, og í takti við þær áherslur sem lagðar hafa verið í stefnu þess. 

Menningarmálanefnd Mosfellsbæjar telur Gretu Salóme vera vel af þessari viðurkenningu komna. Nefndin hlakkar til samstarfs á komandi ári og óskar Gretu innilega til hamingju með góðan árangur í sínum störfum og óskar henni jafnframt velfarnaðar í framtíðinni.

Greta Salóme bæjarlistamaður Mosfellsbæjar 2016 
  

 



Leikfélag Mosfellssveitar heiðrað sem Bæjarlistamenn Mosfellsbæjar 2015

Leikfélag Mosfellssveitar hefur verið útnefnt sem bæjarlistamaður Mosfellsbæjar árið 2015 við hátíðlega athöfn á bæjarhátíðinni Í túninu heima.

Leikfélagið hefur verið starfrækt síðan 8. nóvember 1976 og hefur sett svip sinn á menningarlíf í sveitarfélaginu allt frá stofnun. Leikfélagið setur reglulega upp sýningar í bæjarleikhúsinu sem eru jafnan vel sóttar. Auk þess stendur leikfélagið fyrir barna- og unglinganámskeiðum reglulega og hafa þau notið mikilla vinsælda.

Síðasta ár hefur verið farsælt í starfsemi leikfélagsins en leiksýningin Ronja var frumsýnd í september 2014 og var sýningin valin athyglisverðasta áhugaleiksýning ársins 2015 af dómnefnd Þjóðleikhússins.

Frábært leikár hjá Leikfélagi Mosfellssveitar þar sem Ronja ræningjadóttir sló í gegn.
Ronja var sýnd 22 sinnnum í Bæjarleikhúsinu og þrisvar sinnum í Þjóðleikhúsinu fyrir fullu húsi.

Leikfélagið heiðrað í annað sinn sem bæjarlistamaður Mosfellsbæjar.
Leikfélag Mosfellssveitar hefur áður verið tilnefnt Bæjarlistamaður Mosfellsbæjar en það var á 20 ára starfsafmæli félagsins árið 1996.

Á mynd má sjá nokkra félagar úr leikfélaginu.
Bæjarlistamenn 2015


Hljómsveitin KALEOHljómsveitin KALEO eru bæjarlistamenn Mosfellsbæjar 2014 

Hljómsveitin KALEO skaust upp á stjörnuhimininn á árinu 2013. Hljómsveitina skipa Mosfellingarnir Jökull Júlíusson, Davíð Antonsson, Daníel Ægir Kristjánsson og Rubin Pollock.

Hljómsveitin Kaleo hefur tekið þátt í Músíktilraunum, spilað á risatónleikum Rásar 2 á Menningarnótt, komu fram á Airwaves ásamt því að spila á tónleikum í Mosfellsbæ og víða um land.

Ávallt hefur hljómsveitin verið sérstaklega kynnt sem mosfellsk hljómsveit og piltarnir sem skipa hana verið kallaðir Mosfellingar.

Kaleo, kom, sá og sigraði á Hlustendaverðlaununum 2014 sem fram fóru í Háskólabíói. Kaleo vann þar til þrennra verðlauna. Hljómsveitin hefur notið mikilla vinsælda frá því hún kom fram og borið heiður Mosfellsbæjar víða.

Ólafur Gunnarsson, rithöfundur er Bæjarlistamaður Mosfellsbæjar 2013. 

Ólafur Gunnarsson, Bæjarlistamaður 2013.

Ólafur Gunnarsson er einn helsti rithöfundur Íslands. Ólafur dregur upp lifandi og litsterka mynd af sögutíma og persónum og er ósmeykur við að velta upp þeim stóru siðferðilegu spurningum sem spurt er í alvöru skáldskap. Hann hefur nýtt sögu Íslands á mjög áhugaverðan hátt í skáldskap. Ólafur er afkastamikill rithöfundur og skáldsögur hans hafa fengið góðar viðtökur og viðurkenningar.

Tröllakirkja (1992) var tilnefnd til Íslensku bókmenntaverðlaunanna. Íslensku bókmenntaverðlaunin hlaut Ólafur fyrir sögulegu skáldsöguna Öxin og jörðin (2003). Ferðasagan Úti að aka (2006), sem hann skrifaði í samstarfi við Einar Kárason, fékk góðar viðtökur gagnrýnenda. Skáldsagan Milljón prósent menn hefur komið út í enskri þýðingu.

Ólafur Gunnarsson rithöfundur kosinn bæjarlistamaður Mosfellsbæjar 2013. Meðal merkra verka Ólafs eru Blóðakur, Gaga, Heilagur andi og englar vítis, Höfuðlausn, Ljóstollur, Milljón prósent menn, Sögur úr Skuggahverfinu : Tvær sögur, Tröllakirkja, Vetrarferðin og Öxin og jörðin.

Hann hefur einnig skrifað barnabækur eins og Fallegi flughvalurinn, Fallegi flughvalurinn og sagan af litla stjörnukerfinu og Snjæljónin. Þá hefur Ólafur þýtt bækur eins og Á vegum úti og Ólafur Gunnarsson rithöfundur kosinn bæjarlistamaður Mosfellsbæjar 2013. Möltufálkinn. Hann hefur gert leikritið Regnbogastrákurinn og ljóðabækur hans eru Hrognkelsin: Cyclopteri Lumpi, Ljóð og Upprisan eða undan ryklokinu.

Ólafur var sæmdur viðurkenningunni á bæjarhátíðinni Í túninu heima.

Páll Helgason tónlistarmaður Páll valinn bæjarlistamaður

Páll Helgason tónlistarmaður hefur verið valinn bæjarlistamaður Mosfellsbæjar 2012. Páll hefur átt langan, fjölbreyttan og farsælan feril í tónlist. Hann hóf tónlistarferilinn í fæðingarbæ sínum Akureyri rétt eftir tvítugt. Þá spilaði hann á gítar og bassa m.a. með hljómsveit Ingimars Eydal á hótel KEA. Páll stundaði síðar nám við Tónlistarskóla Mosfellshrepps undir stjórn Ólafs Vignis Albertssonar og lauk þaðan 8.stigi í tónfræðum. Hann kenndi ennfremur tónlist við Klébergsskóla um árabil.

Páll hefur verið afkastamikill í kórastarfi og komið að stofnun fjölda kóra. Þar má nefna Álafosskórinn, Mosfellskórinn, Vorboða – kór eldri borgara í Mosfellsbæ, Landsvirkjunarkórinn og Karlakór Kjalnesinga. Blómlegt söngstarf þrífst í öllum þessum kórum í dag. Páll söng í Karlakórnum Stefni undir stjórn Lárusar heitins Sveinssonar um nokkra hríð. Þá hefur hann verið organisti meðal annars í Brautarholtskirkju og Saurbæjarkirkju og Reynivallakirkju.

Páll var sæmdur viðurkenningunni á bæjarhátíðinni Í túninu heima.
Bergsteinn Björgúlfsson, kvikmyndagerðarmaður, Bergsteinn valinn bæjarlistamaður 2011 

Bergsteinn Björgúlfsson, kvikmyndagerðarmaður, hefur verið valinn bæjarlistamaður Mosfellsbæjar 2011. Bergsteinn hefur komið að gerð fjölda sjónvarpsþátta og kvikmynda, sem kvikmyndatökumaður.

Bergsteinn var sæmdur viðurkenningunni á bæjarhátíðinni Í túninu heima.

Hann hefur hlotið Eddu verðlaunin fimm sinnum, fjórum sinnum fyrir kvikmyndatökustjórn og einu sinni fyrir bestu heimildarmyndina en Bergsteinn framleiddi myndina Syndir feðranna sem fjallaði um drengi sem voru vistaðir á upptökuheimilinu Breiðavík á árunum 1955-1974. Myndin vakti gríðarlega mikla athygli í íslensku samfélagi þar sem löngu grafin leyndarmál voru dregin fram í dagsljósið.
Bergsteinni veittur titillinn
Mynd:
Með Bergsteini á myndinni er Bryndís Brynjarsdóttir formaður menningarmálanefndar og Haraldur Sverrisson bæjarstjóri.

Jón Kalman Stefánsson rithöfundurJón Kalman Stefánsson rithöfundur var kosin Bæjarlistamaður Mosfellsbæjar árið 2010


Jón Kalman Stefánsson fæddist í Reykjavík 17. desember 1963 og bjó þar til 12 ára aldurs en flutti þá til Keflavíkur og bjó þar til ársins 1986. Hann lauk stúdentsprófi frá Fjölbrautaskóla Suðurnesja og flutti svo aftur til Reykjavíkur árið 1986. Frá 1975 til 1982 var Jón í sveit vestur í Dölum og vann í sláturhúsinu þar þrjú haust.

Jón Kalman lagði stund á bókmenntafræði við Háskóla Íslands á árunum 1986 til 1991. Hann kenndi bókmenntir við Fjölbrautaskóla Vesturlands á Akranesi og við Fjölbrautaskóla Suðurnesja. Einnig skrifaði hann greinar og gagnrýndi bækur fyrir Morgunblaðið í nokkur ár.
Jón bjó í Kaupmannahöfn 1992 til 1995 og sinnti ýmsum störfum þar. Hann flutti í Mosfellsbæ árið 1996 og starfaði sem bókavörður við Bókasafn Mosfellsbæjar frá hausti það ár til vors 2000. Síðan þá hefur hann verið starfandi rithöfundur.

Jón Kalman hefur sent frá sér fjölda bóka; ljóð, skáldsögur, þýðingar og smásagnasafn. Fyrsta bók hans, ljóðabókin Með byssuleyfi á eilífðina, kom út árið 1988. Ári síðar sendi hann frá sér ljóðabókina Úr þotuhreyflum guða og árið 1993 Hún spurði hvað ég tæki með mér á eyðieyju. Jón sendi frá sér fyrsta prósaverk sitt árið 1996, smásagnasafnið Skurðir í rigningu, og fyrstu skáldsöguna, Sumarið bak við brekkuna, árið 1997. Síðan hafa komið út skáldsögurnar Birtan á fjöllunum 1999, Ýmislegt um risafurur og tímann 2001, Snarkið í stjörnunum 2003, Sumarljós, og svo kemur nóttin 2005, Himnaríki og helvíti 2007 og Harmur englanna 2009.

Ónefnt er þýðingarstarf Jóns Kalmans. Hann hefur þýtt talsvert af bókmenntum, aðallega ljóð, m.a. eftir Charles Bukowski, írakska skáldið Sa'di Yusuf, Sýrlendinginn Muhammad Al-Maghut, Pólverjann Adam Zagajewski og tyrkneska skáldið Nâzim Hikmet. Einnig hefur Jón þýtt sögur eftir Martin A. Hansen og skáldsögurnar Loftskeytamanninn eftir Knut Hamsun og Umskiptinginn eftir Selmu Lagerlöf.

Jóni Kalman hafa hlotnast ýmsar viðurkenningar fyrir ritstörf. Þrjár af bókum hans hafa verið tilnefndar til Bókmenntaverðlauna Norðurlandaráðs: Sumarið bak við brekkuna 2001, Ýmislegt um risafurur og tímann 2004 og Sumarljós, og svo kemur nóttin 2007. Hann hlaut Íslensku bókmenntaverðlaunin 2005 fyrir skáldsöguna Sumarljós, og svo kemur nóttin. Jón hlaut Bókmenntaverðlaun starfsfólks bókaverslana fyrir Himnaríki og helvíti 2007 og Harm englanna 2009 sem valdar voru besta skáldsaga ársins. Þá fékk hann viðurkenningu Rithöfundasjóðs Ríkisútvarpsins árið 2006.

Bækur Jóns Kalmans hafa verið þýddar á þýsku, sænsku, dönsku, norsku, ensku, hollensku og frönsku og fengið góðar viðtökur.

Segja má að helsta höfundareinkenni og aðalstyrkleiki Jóns Kalmans sé frásagnarstíll hans. Þormóður Dagsson segir um stíl hans að sjá megi; „nokkur keimlík stef í ljóðum hans og skáldsögum en þar ber sérstaklega á vangaveltum um tímann og tungumálið. Auk þess er textinn í skáldsögum hans oft á tíðum afar ljóðrænn og lífsspekilegur“.
Sigurður Ingvi Snorrason tónlistarmaður Sigurður Ingvi Snorrason tónlistarmaður hefur verið virkur í menningarlífi bæjarins með tónleikahaldi af ýmsu tagi. Hann hlaut á dögunum titilinn Bæjarlistamaður Mosfellsbæjar árið 2009

Úr popptónlist í háklassík
Þegar maður skoðar ferilskrá Sigurðar Ingva er ekki hægt að segja annað en að hann hafi komið víða við í íslensku tónlistarlífi. Hann hóf námsferil sinn í tónlist aðeins níu ára gamall í Drengjalúðrasveit Austurbæjar og lék þar á althorn. Síðan þá hefur hann leikið á hin ýmsu hljóðfæri en klarínettan varð fyrir valinu á endanum og hefur Sigurður Ingvi sótt nám í klarínettuleik bæði hér heima sem og erlendis. Hann var ráðinn til Sinfóníuhljómsveitar Íslands árið 1973 og hefur margsinnis leikið einleik með hljómsveitinni.

„Ég er fæddur í Reykjavík 22. apríl 1950 og er alinn upp í Vogahverfinu, nánar tiltekið í Karfavoginum,“ segir Sigurður Ingvi. „Foreldrar mínir voru þau Sigurást (Ásta) Sigurðardóttir húsmóðir og verslunarmaður og Snorri Daníel Halldórsson bílstjóri og frístundamálari en þau eru bæði látin. Ég á tvo eldri bræður þá Snorra Örn og Gunnar Pál. Ég hóf skólagöngu í Vogaskóla og lauk gagnfræðaprófi þaðan.
Það var mikið sungið og spilað á heimili okkar, gítar, tvær harmónikkur og gamalt fótstigið orgel voru þar til staðar. Pabbi og Gunnar bróðir léku á gítar og nikku og spiluðu þeir stundum dúetta á nikkurnar. Þegar fjölskylduboð voru haldin heima, gjarnan á stórhátíðum, var lúinn belgur orgelgarmsins gjarnan troðinn og sálmar sungnir enda mikið um gott söngfólk í fjölskyldunni.“

Níu ára í lúðrasveit
„Ungir að árum höfðum við bræðurnir mikinn áhuga á tónlist og þegar ég var átta ára fékk Snorri Örn að fara í Drengjalúðrasveit Austurbæjar. Þetta vakti hjá mér mikla öfund og ég linnti ekki látum fyrr en pabbi sótti um fyrir mig líka og ég var settur á biðlista. Ári seinna rættist von mín og ég hóf nám á althorn hjá Karli Ottó Runólfssyni tónskáldi sem kenndi mér jafnframt tónfræði og ég fékk að byrja strax í lúðrasveitinni. Ég get ekki sagt að önnur áhugamál hafi komist að á þessum tíma, pabbi var mikill Valsari og ég prófaði að fara á æfingar hjá knattspyrnudeildinni en þær æfingar urðu ekki fleiri en tvær,“ segir Sigurður Ingvi hlæjandi, „tónlistin átti hug minn allan.“

Stofnaði hljómsveit 12 ára
„Árið 1962 stofnuðum við Snorri bróðir minn popphljómsveitina Orion ásamt Eysteini Jónassyni sem var trompetleikari í Drengjahljómsveitinni og við byrjuðum fljótlega að spila opinberlega. Fyrsti trommuleikarinn var Björn Björnsson en síðan tók Stefán Jökulsson sæti hans. Fyrsta söngkonan okkar var Rósa Ingólfsdóttir en eftirmaður hennar var Sigrún Harðardóttir sem söng lengst með okkur. Þetta var alveg frábær tími sem skilur eftir sig góðar minningar. Þessu samhliða sótti ég nám í klarínettuleik og píanóleik í Tónlistarskólanum í Reykjavík en árið 1967 hóf ég nám við Tónlistarháskólann í Vínarborg og lauk þaðan prófi fjórum árum síðar.“

Fyrsti skólastjóri F.Í.H.
Sigurður Ingvi starfar í dag með Sinfóníuhljómsveit Íslands og hefur farið með hljómsveitinni víða um heim. Hann hefur starfað í hljómsveit Þjóðleikhússins frá árinu 1973 og í hljómsveit Íslensku Óperunnar frá stofnun hennar auk þess að vera virkur í kammertónlist. Hann hefur kennt í hinum ýmsu tónlistarskólum og er nú deildarstjóri blásaradeildar Tónlistarskólans í Reykjavík. Hann stóð að uppbyggingu Tónlistarskóla F.Í.H. og var fyrsti skólastjóri skólans. Hann hefur hlotið margvíslegar viðurkenningar á sínum langa ferli og er þá helst að nefna verðlaun frá ráðherra vísinda og rannsókna í Austuríki fyrir framúrskarandi námsárangur við Tónlistarskólann í Vínarborg og gullmerki Félags Íslenskra hljómlistarmanna. Á bæjarhátíðinni „Í túninu heima“ var Sigurður útnefndur bæjarlistamaður Mosfellsbæjar.
Undanfarin ár hefur Sigurður Ingvi starfrækt eigin Salonhljómsveit sem spilar vínartónlist og aðra tónlist í léttari kantinum.

Árlegir aðventutónleikar
Sigurður Ingvi og fjölskylda hans hafa búið í Mosfellsbæ frá árinu 1990. Hann er giftur Önnu Guðnýju Guðmundsóttur píanóleikara og eiga þau tvö börn þau Ástu fædda 1989 og Guðmund Snorra fæddan 1992. Fyrir átti Sigurður Ingvi tvo syni þá Marían fæddan 1975 og Daníel fæddan 1976 með Manuelu Wiesler flautuleikara. Barnabörnin eru tvö þeir Bergvin Máni og Bjarki Freyr.
Sigurður Ingvi hefur staðið fyrir og tekið þátt í menningarlífi bæjarins með tónleikahaldi af ýmsu tagi og hefur hlotið mikið lof fyrir. Hann er einn af stofnendum Tónlistarfélags Mosfellsbæjar og hefur setið í stjórn þess frá upphafi. Sigurður Ingvi hefur einnig staðið fyrir árlegum aðventutónleikum sem haldnir hafa verið í Mosfellskirkju frá árinu 1997 með félögum sínum í tónlistarhópnum „Diddú og drengirnir“ og eiga þeir tónleikar miklum vinsældum að fagna og er viðburður sem tónlistarunnendur mega ekki láta framhjá sér fara.

Viðtalið er eftir Ruth Örnólfsdóttur og birtist í Mosfellingi 11. september 2009.
Guðný HalldórsdóttirGuðný Halldórsdóttir kvikmyndagerðarmaður hlaut titilinn Bæjarlistamaður Mosfellsbæjar árið 2008.

Guðný Halldórsdóttir er fædd og uppalin í Mosfellsbæ og hefur á 25 ára ferli verið áberandi listamaður í íslensku samfélagi bæði sem handritshöfundur og kvikmyndaleikstjóri.

Það sem einkennir verk hennar er ákveðin breidd í verkefnavali. Þær kvikmyndir sem hún hefur unnið að spanna vítt svið mannlífsflórunnar og hefur Guðný verið jafnvíg í gerð gamanmynda sem og dramatískra kvikmynda á borð við Ungfrúin góða og húsið. Veðramót er hennar nýjasta kvikmynd þar sem umfjöllunarefni er viðkvæmt og flókið. Að koma slíku efni í kvikmynd er einungis á færi áræðins og þroskaðs listamanns sem Guðný er.

Guðný hefur sannarlega borið hróður Mosfellsbæjar víða með kvikmyndum sínum og markað djúp spor í sögu íslenskrar kvikmyndagerðar. Listaverk hennar munu án efa lifa áfram um ókomin ár.
Ólöf Oddgeirsdóttir myndlistarmaður hlaut titilinn Bæjarlistamaður Mosfellsbæjar árið 2007Ólöf Oddgeirsdóttir myndlistarmaður hlaut titilinn Bæjarlistamaður Mosfellsbæjar árið 2007.

Ólöf Oddgeirsdóttir er fædd árið 1953. Hún lagði stund á myndlistarnám við Myndlistaskólann í Reykjavík og Handíða og myndlistaskóla Íslands á árunum 1989 til 1994.
Frá árinu 1995 hefur Ólöf haldið fjölda sýninga á verkum sínum og hlotið listamannalaun.

Verk Ólafar eru fjölbreytt og skapandi, m.a. innsetningar, myndbönd, málverk og teikningar.Ólöf er búsett í Mosfellsbæ og er með gallerí í Þrúðvangi sem hefur vakið mikla athygli á síðust árum. Þar hefur hún sýnt á síðustu árum, auk þess að hafa haldið sýningar í Listasal Mosfellsbæjar á sl. 2 árum, ein og með öðrum. Þá hefur hún verið þátttakandi í og driffjöður á bak við samsýningu erlendra listamanna hér í Mosfellsbæ.

Hún hefur um árabil sett mark sitt á menningarlíf og unnið markvisst að uppbyggingu myndlistar í Mosfellsbæ, bæði með sýningum og kennslu. Ólöf Oddgeirsdóttir er vel að titlinum Bæjarlistamaður Mosfellsbæjar kominn og mun án efa bera hróður bæjarins sem listabæjar víða, nú sem fyrr.
Jóhann HjálmarssonJóhann Hjálmarsson rithöfundur og ljóðskáld hlaut titilinn Bæjarlistamaður Mosfellsbæjar árið 2006.

Jóhann Hjálmarsson er fæddur 2. júlí 1939 í Reykjavík. Hann lauk gagnfræðaprófi frá Gagnfræðaskóla Austurbæjar 1956 og var við prentnám í Iðnskóla Reykjavíkur til 1959. Sama ár fór hann í spænskunám við Háskólann í Barcelona og svo aftur árið 1965. Jóhann starfaði hjá Póst- og símamálastofnun frá 1954-1985 og gegndi m.a. stöðu póstfulltrúa og útibússtjóra og síðan blaðafulltrúa frá 1985 til 1990.

Hann var bókmenntagagnrýnandi Morgunblaðsins frá 1966 og leiklistargagnrýnandi sama dagblaðs 1967 til 1988. Jóhann hafði umsjón með bókmenntaþáttum í Ríkisútvarpinu en frá 1990 hefur Jóhann verið bókmenntagagnrýnandi að aðalstarfi. Jóhann var í stjórn Félags íslenskra rithöfunda og Rithöfundasambands Íslands 1968 til 1972. Hann sat í frímerkjaútgáfunefnd frá 1982 til 1988.

Jóhann var í dómnefnd bókmenntaverðlauna Norðurlandaráðs 1981 til 1990 og formaður nefndarinnar frá 1987 til 1989. Hann var formaður Samtaka gagnrýnenda 1986 til 1988 og íslenskur ritstjóri Nordisk Posttidskrift, tímaris norrænu póststjórnanna árin 1986 til 1990. Jóhann var einn af ritstjórum Forspils 1958 til 1959 og í ritstjórn Birtings 1958 til 1961. Auk þess gegndi hann ýmsum nefndarstörfum hjá Pósti og síma og Samgönguráðuneytinu 1985-1990.

Jóhann hefur gefið út fjölda ljóðabóka og kom fyrsta bókin, Aungull í tímann út árið 1956. Ljóð Jóhanns hafa verið þýdd á mörg tungumál og birst í safnritum víðs vegar um heiminn. Ljóðabókin Hljóðleikar (2000) er tilnefnd til Bókmenntaverðlauna Norðurlandaráðs 2003.

Jóhann hefur einnig þýtt ljóð fjölmargra erlendra höfunda.Að mati menningarmálanefndar er Jóhann vel kominn að titlinum Bæjarlistamaður Mosfellsbæjar 2006. Ljóð hans og þýðingar njóta mikillar virðingar og jafnframt hefur hann samið einstakar fræðibækur um bókmenntir og ljóð. Jóhann hefur verið búsettur í Mosfellsbæ í fjölda ára og verður fyrsti ritlistamaður sem fengi sæmdarheitið Bæjarlistamaður Mosfellsbæjar.
Símon H. Ívarsson gítarleikari Símon H. Ívarsson gítarleikari hlaut titilinn Bæjarlistamaður Mosfellsbæjar árið 2005.

Símon H. Ívarsson hóf gítarnám við Tónskóla Sigursveins D. Kristinssonar hjá Gunnari H. Jónssyni. Vorið 1975 lauk hann fullnaðarprófi frá skólanum en þá um haustið hóf hann nám við Hochschule für Musik und darstellende Kunst í Vínarborg hjá prof. Karl Scheit. Þaðan lauk hann einleikaraprófi vorið 1980.

Símon starfaði síðan sem gítarkennari við Tónlistarskólann í Luzern í Sviss, en hefur síðastliðin 13 ár kennt á gítar við Tónskóla Sigursveins D. Kristinssonar. Hann kennir auk þess kennslufræði og kammertónlist við sama skóla. Símon hefur sótt námskeið, m. a. til Spánar, Ítalíu, Sviss og Austurríkis, þar sem kennarar hans hafa m. a. verið J. Tomas, M. Gangi, A. Batista, M, Barrueco, T, Korhonen, O. Ghighlia og D. Russel.

Hann hefur einnig sérhæft sig í Flamencotónlist og farið sérstakar námsferðir til Spánar í þeim tilgangi. Símon hefur farið í margar tónleikaferðir bæði hér heima og erlendis. Hann fór meðal annars í nokkrar tónleikaferðir ásamt austurríska gítarleikaranum Siegfried Kobilza, og síðar með sænska gítarleikaranum Torvald Nilsson.

Einnig starfaði hann nokkur ár með austurríska orgelleikaranum Orthulf Prunner en þeir gáfu út plötu með samleik gítars og orgels og síðar geisladisk með gítar og klavikord. Einnig gáfu þeir út myndband með leik sínum. Undanfarin ár hefur Símon starfað með fiðluleikaranum Hlíf Sigurjónsdóttur auk þess að spila einleikstónleika. Símon hefur komið margsinnis fram í útvarpi og sjónvarpi og hefur stjórnað útvarpsþáttum um gítar og gítartónlist og hlotið námsstyrk frá ítalska ríkinu.

Hann var kosinn til formennsku fyrir hagsmunsamtök tónlistarmanna "Tónlistarbandalag Íslands" 1990 sem stóð m. a. fyrir "Ári söngsins" og gefið var út í tengslum við það söngbækurnar "Hvað er svo glatt" og geisladiskurinn "Góðra vina fundur".

Símon stofnaði Kammerkór Mosfellsbæjar árið 2003 og hefur verið stjórnandi hans síðan. Síðast en ekki síst gaf hann út geisladiskinn Glíman við Glám með tónlist eftir Gunnar Reyni Sveinsson, en hann var tilnefndur til Íslensku tónlistarverðlaunanna fyrir þann disk.
Guðrún Tómasdóttir söngkona og Frank Ponzi, listsagnfræðingur og rithöfundur, voru  útnefnd Bæjarlistamenn Mosfellsbæjar 2004.Hjónin Guðrún Tómasdóttir söngkona og Frank Ponzi, myndlistarmaður og listfræðingur hlutu titilinn Bæjarlistamaður Mosfellsbæjar 2004.

Guðrún Tómasdóttir er ættuð úr Mosfellssveit og ólst hér upp í bernsku. Hún hneigðist ung til tónlistar og söng mikið með ýmsum kórum og tónlistarmönnum áður en hún hóf reglulegt söngnám í Bandaríkjunum skömmu eftir stúdentspróf 1948. Árið 1958 kom hún heim eftir söngnám og eftir það hélt hún fjölda einsöngstónleika, auk tónleika með öðrum tónlistarmönnum. Síðar fór hún í framhaldsnám til Bandaríkjanna. Þegar heim kom árið 1964 festu þau hjónin kaup á Brennholti í Mosfellsdal og búa þar enn. Ásamt tónleikahaldi og söng við ýmis tækifæri hefur Guðrún starfað mikið við söngkennslu og raddþjálfun kóra. Gefin hefur verið út hljómplata með söng Guðrúnar og hefur hún hlotið listamannalaun og fálkaorðu fyrir störf sín að tónlist. Guðrún hefur um árabil verið einn virtasti söngvari og söngfræðari Íslands.

Frank Ponzi fæddist í Pennsylvaníu í Bandaríkjunum. Foreldrar hans voru af ítölskum ættum og fluttust til Ameríku 1911. Frank er menntaður listfræðingur og starfað sem listamaður, einkum sem myndlistarmaður og rithöfundur. Ævistarf hans hefur verið helgað listum og menningarmálum í víðum skilningi. Einstakt og trúlega merkilegasta framlag hans er bókaflokkur sem hann hefur skrifað og safnað efni í með áralöngum rannsóknum og fjallar um útlendinga sem hafa sótt Ísland heim á fyrri öldum og túlkað land og þjóð í myndlist.

Frank og Guðrún hafa verið nokkurskonar menningarlegir sendiherrar í sinni sveit um árabil í þau 40 ár sem þau hafa búið í Mosfellsbæ. Tilnefning menningarmálanefndar er hugsuð sem heiður fyrir langt ævistarf til marghæfra listamanna.
Steinunn Marteinsdóttir listamaður Steinunn Marteinsdóttir listamaður hlaut titilinn Bæjarlistamaður Mosfellsbæjar árið 2003 við hátíðlega athöfn.
Listar Steinunnar Marteinsdóttur er fyrst getið í pistli sem Málfríður Einarsdóttir rithöfundur skrifaði í Þjóðviljann um sýningu á verkum nemenda og kennara í Handíða- og Myndlistaskólanum árið 1957. Málfríður bölsótast yfir yfirmáta ljótleika í Reykjavík, ljótum kvikmyndum, húsum, dagblöðum, ljótum kirkjum húsgögnum og því “billega dóti” sem menn hafa í kringum sig til heimilisprýði og ætti að fara beint á öskuhauga eða vera sökkt í sjó. Svo fagnar Málfríður því að verkin á sýningunni séu stór huggun og liðsauki í baráttunni við ljótleikann og tekur dæmi af skissu að gulri skál eftir Steinunni og segir: “á þeirri skál óx einn dropi úr hinu óendanlega dropatali eilífðarinnar, varðaður þverrákum tímans.
Þessi umsögn má heita góður spádómur um list Steinunnar og hlutverk hennar í samtímanum. Hún átti eftir að gera skálar margar og aðra gripi sem urðu fljótt annað og meira en nytjahlutir og kölluðust á við “dropatal eilífðarinnar”. Og hún átti mikilsverðan þátt í því starfi sem vann gegn ofríki smekklausrar ef ekki ljótrar “gjafavöru,” sem svo var kölluð, með því að skapa leirlist sem sótti í krafti frumleika og fágaðrar formgleði fram til aðildar og réttar í íslenskri menningu - síðar meir við hlið glerlistar, veflistar og annarra áður vanmetinna greina myndrænnar sköpunar.

Verk eftir Steinunni Marteinsdóttir

Steinunn Marteinsdóttir fæddist í Reykjavík 1936 í húsi afa síns Bjarna Sæmundssonar náttúrufræðings. Móðir hennar, Kristín Bjarnadóttur, kenndi á píanó, faðir hennar Marteinn Guðmundsson starfaði sem myndskeri og myndhöggvari - og gerði reyndar mjög fallega höggmynd af Steinunni barnungri. Marteinn var frá Merkinesi í Höfnum og þar dvaldi fjölskyldan einatt á sumrin, þar vann Steinunn ung við rófnarækt og í frystihúsi. Föður sinn missti Steinunn fimmtán ára. Eftir stúdentspróf var hún einn vetur í Handíða- og Myndlistaskólanum en hélt síðan með manni sínum Sverri Haraldssyni listmálara til Berlínar og var þar við nám á árunum 1957-1960 við Hochschule für Bildende Künste. Hún ætlaði í fyrstu að læra allt mögulegt - en kaus svo að efla sig til dáða á keramikdeild skólans. Leggja stund á einhverja elstu list heimsins, sem fyrir meira en fjögur þúsund árum skapaði keröld og könnur í Grikklandi og öðrum Miðjarðarhafslöndum sem ekki hafa úr gildi fallið síðan vegna fágaðs samspils gagnsemi og fegurðar sem í þeim birtist.
Þessi forna list átti þá svo skamma sögu á Íslandi að menn vissu varla af henni. Guðmundur frá Miðdal hafði gerst brautryðjandi í greininni, Gestur Þorgrímsson og Sigrún Guðjónsdóttir og fleiri höfðu lagt margt gott til mála með Laugarnesleir, verkstæði sem byrjaði 1948 og starfaði um nokkurra ára skeið. Ragnar Kjartansson stofnaði síðan leirmunagerðina Glit og þangað réðist Steinunn til starfa þegar hún kom heim frá Berlín; fóru verk þeirra Steinunnar á sýningu í Smithsoniansafninu í Washington 1961 og var vel tekið. Steinunn rak svo eigið verkstæði á árunum 1961-66. Hún talar um það í viðtali frá þeim árum, að hún búi til hluti sem hún reyni að gefa gildi umfram nytjahlutverk þeirra. Hún vill einnig að keramik sín “hvíli fólk frá þessari óskaplegu fjöldaframleiðslu sem er allt í kringum okkur ”2). Steinunn tók síðar fram, að hún hafi stundum orðið þreytt á að framleiða á markað, það sem selst best er ekki alltaf það sem mann langar til að gera, segir hún 3) - og það er sem hún óttist að list hennar verði að bráð endurtekningunni sem markaðseftirspurnin ýtir eftir. Nema hvað: Steinunn hættir sínum rekstri um hríð og fæst á árunum 1967-73 mest við að kenna keramik á námskeiðum. Síðan þá hefur hún oft haldið uppi kennslu í lengri og skemmri tíma.

Árið 1969 höfðu þau Sverrir Haraldsson keypt Hulduhóla í Mosfellsveit og komið þar upp vinnustofum í endurbyggðri hlöðu og fjósi. Þar vinnur Steinunn að nýjum verkum og safnar til mikillar sýningar sem haldin var á Kjarvalsstöðum 1975 - og markaði tímamót á hennar ferli og í sögu íslenskrar leirlistar.

Þetta var stór sýning - gripirnir fleiri en 400, aðsókn mjög mikil og öll athygli eftir því. Enda gaf hér á að líta. Víst voru hér hefðbundnir nytjahlutir, stórir og smáir, t.d. skálar á borð, bollar að drekka úr, meira að segja eggjabikarar. En þegar á heildina er litið stefndi listakonan af einbeitni og frjálsu hugviti burt frá nytjagildinu. Einn gagnrýnandinn sagði það bjarga nytjahlutunum frá því að verða “offínir dauðir skrauthlutir” að beitt væri “leikandi léttri kímni” í notkun ýmissa aukaforma á þeim 4). Í stærri verkum var sótt enn lengra frá skál og vasa til “frjálsrar ummyndunar sýnilegra forma” 5). Og þessi sýnilegu form voru sótt til náttúru landsins. Á sýningarborðum stóðu stórir vasar úr brenndum leir, en þeir voru um leið skáldskapur ortur um klettabelti Esjunnar með snjó í giljum og um hvítan koll Snæfellsjökuls sem leikur við himin sjálfan eða þá að leikið var á strengi fossins Glyms í Hvalfirði. Hin ævaforna leirlist var gengin í fagurt og frjósamt samband við fjöll og önnur undur, nálæg, traust og um leið síbreytileg. Ísland er svo keramískt, sagði Steinunn - og það hefur hún staðið við síðan með margvíslegri tjáningu á þeim áhirfum sem birtast í jöklastefjum hennar og Esjustefjum og kannski í krukkum sem líkjast “því andartaks formi sem myndast þegar leirhverinn ropar”6). Eða þá - og svo varð í vaxandi mæli síðar meir - að verk hennar sögðu með öllu skilið við form vasa og skálar og urðu rismyndir á vegg, sumar mjög stórar eins og t.d. steinblómin dularfullu á fyrrum Pósthúsi í Ármúlanum.

Gagnrýnendur voru nokkuð beggja lands um þessi nýmæli: að flytja landslagsáhrif inn í keramík. Þeir fóru þá og síðar, t.d. þegar kom að næstu einkasýningum Steinunnar á Kjarvalsstöðum (1981 og 1984) með drjúgt lof um persónulegan stíl listakonunnar, um “yndisþokka upprunaleikans”7) og um “ljóðræn og tilfinningarík verk.” 8) En um leið mátti oftar en ekki heyra vissa fyrirvara eins og gagnrýnendur gætu ekki sætt sig við að verk úr leir gerðust myndlist á næsta bæ við málverk og skúlptúr og teldu farsælast að leirskáld eins og Steinunn Marteinsdóttir legði mest stund á hreinræktun á formum, litbrigðum og áferð nytjahluta. Og stillti sig þá um að vísa með augljósum hætti í fjall og foss, fugl og blóm - eða þá hendur og andlit mannsins.
Sjá meira um Steinunni hér

Anna Guðný GuðmundsdóttirAnna Guðný Guðmundsdóttir píanóleikari hlaut titilinn Bæjarlistamaður Mosfellsbæjar árið 2002.

ANNA GUÐNÝ GUÐMUNDSDÓTTIR er fædd í Reykjavík. Hún brautskráðist frá Tónlistarskólanum í Reykjavík árið 1979 og stundaði Post Graduate-nám við Guildhall School of Music and Drama í London með sérstaka áherslu á kammertónlist og meðleik með söng.

Hún hefur starfað á Íslandi í rúma tvo áratugi og komið fram sem einleikari meðal annars með Sinfóníuhljómsveit Íslands. Anna Guðný hefur verið píanóleikari Kammersveitarinnar um langt árabil; ferðast víða með henni og leikið inn á geisladiska, meðal annars píanókonserta eftir Leif Þórarinsson, Atla Heimi Sveinsson og Þorkel Sigurbjörnsson. Samstarf hennar og Sigrúnar Hjálmtýsdóttur, sópransöngkonu hefur staðið síðan á námsárunum í London.

Sumarið 2004 starfaði Anna sem píanóleikari við tónlistarakademíuna í Sion í Sviss. Hún hefur komið fram á Listahátíð í Reykjavík og leikur reglulega innan raðar TÍBRÁR-tónleikanna í Salnum í Kópavogi.

En eins og áður sagði varAnna bæjarlistamaður Mosfellsbæjar 2002. Hún var tilnefnd til Íslensku tónlistarverðlaunanna 2004 sem flytjandi ársins. Hún kenndi við tónlistardeild Listaháskóla Íslands frá stofnun hennar 2001 til 2005, en það haust var hún ráðin píanóleikari við Sinfóníuhljómsveit Íslands. Hún fékk Íslensku Tónlistarverðlaunin 2009 fyrir flutning sinn á "Tuttugu tillit til Jesúbarnsins"eftir Olivier Messiaen í Langholtskirkju 6. september 2008. Þann 1. júlí síðastliðinn kom síðan út geisladiskur með leik hennar á þessu verki.
Sigur RósHljómsveitin Sigur Rós hlaut titilinn Bæjarlistamaður Mosfellsbæjar árið 2001.

Hljómsveitin Sigur Rós var stofnuð undir nafninu Victory Rose í desember 1994. Stofnendur voru þeir Jón Þór Birgisson, gítarleikari og söngvari, og Ágúst Ævar Gunnarsson trommuleikari.

Hljómsveitin Sigur Rós var stofnuð undir nafninu Victory Rose í desember 1994. Stofnendur voru þeir Jón Þór Birgisson, gítarleikari og söngvari, og Ágúst Ævar Gunnarsson trommuleikari. Nafngiftina fengu þeir af Sigurrós systur Jóns Þórs, sem fæddist skömmu áður en hljómsveitin var stofnuð. Þegar þeir Jón Þór og Ágúst Ævar fóru í stúdíó með sitt fyrsta lag, Fljúgðu, bættist þriðji maðurinn í hópinn, Georg Hólm bassaleikari. Þeir fóru fljótt að vinna að stórri plötu, en vinnan gekk hægt; - bæði þurftu þeir tíma til að móta stíl sinn og stefnu og höfðu að auki ekki mikla peninga milli handanna til að kaupa stúdíótíma. Haustið 1997 kom loks fyrsta plata Sigur Rósar út hjá Smekkleysu. Platan hét Von, fékk prýðis viðtökur. Fjórði maðurinn, Kjartan Sveinsson, bættist við, maður sem spilaði á allt mögulegt, en átti eftir að setja svip sinn á sveitina sem hljómborðsleikari. Strax var farið að vinna að næstu plötu, Ágætis byrjun, sem Smekkleysa gaf út sumarið 1999, en í millitíðinni var Von endurútgefin mikið endurunnin og með einu nýju lagi, undir nafninu Von-brigði.
Haustið 1999 hófst samstarf Sigur Rósar við Steindór Andersen kvæðamann, eftir að sjónvarpskonan Eva María Jónsdóttir leiddi þá Jón Þór og Steindór saman í þætti sínum Stutt í spunann. Jónsi fékk mikinn áhuga á að vinna meira með kvæðamönnum og sótti um styrk til borgarinnar til þessháttar verkefnis, en var synjað.

Ágætis byrjun fékk frábæra dóma og Sigur Rós fór í tónleikaferð um landið. Þá var Ágúst hættur, en Orri Páll Dýrason tekinn til við trommusláttinn. Smekkleysa gekkst fyrir því að semja við enska útgáfufyrirtækið Fat Cat um útgáfu á Sigur Rós þar í landi, og smáskífan Svefn-g-Englar kom út þar í september 1999. Það var strax ljóst að Sigur Rós ætti erindi á enskan markað, því í vikunni áður en platan kom út, valdi tónlistartímaritið New Musical Express hana smáskífu vikunnar. Það var kominn tími til að spila erlendis og um haustið var haldið í tónleikaferð til Danmerkur og Englands. Umsagnir erlendra blaða um leik Sigur Rósar voru á einn veg - frábær hljómsveit, og Sigur Rós var spáð mikilli velgengni. Það jók hróður Sigur Rósar enn, að henni var boðið að hita upp fyrir bresku rokksveitina Radiohead á tíu tónleikum. Ágætis byrjun kom út ytra og hefur nú selst í nálægt 400.000 eintökum, þar af helmingurinn vestanhafs, en þar kom hún út á vegum MCA útgáfunnar vorið 2001. Árið 2001 var bæði ferðast um Evrópu og Bandaríkin og með í för voru Steindór Andersen og strengjakvartettinn Anima. Árið 2000 vann Sigur Rós tvö lög fyrir kvikmynd Friðriks Þórs Friðrikssonar, Engla alheimsins, írska lagið Bíum bíum bambaló og útvarpsstef Jóns Múla Árnasonar við dánarfregnir og jarðarfarir og ári síðar voru þrjú lög Ágætis byrjunar notuð í kvikmynd Cameron Crowes, Vanilla Sky. Árið 2002 lögðu Sigur Rós, Steindór og Hilmar Örn Hilmarsson saman krafta sína að frumkvæði Listahátíðar og sköpuðu stórvirkið Hrafnagaldur Óðins, frumfluttu það í London og endurtóku á Listahátíð þá um vorið. Fyrir það feiknargóða spilverk voru Sigur Rós, Steindór og Hilmar tilnefnd til Tónlistarverðlauna Norðurlandaráðs í ár. Reyndar hefur Sigur Rós hlotið alls kyns viðurkenningar, útnefningar og tilnefningar, þar á meðal Íslensku tónlistarverðlaunin.

Ein af tíu bestu hljómsveitum heims - ein af fjörutíu bestu hljómsveitum fyrr og síðar ..., vegsemdin er mikil. Næsta plata Sigur Rósar, ( ) kom út í október í fyrra, og ekki olli hún gagnrýnendum vonbrigðum. Í dag hafa á fimmta hundrað þúsund eintaka verið seld. Frá útmánuðum hefur Sigur Rós enn verið að spila í útlöndum; í Bandaríkjunum, Evrópu og nú síðast í Japan. Nú á vordögum kom líka út plata hljómsveitarinnar með tónlist við heimildamynd Ólafs Sveinssonar, Hlemm. Næst er ferðinni heitið á Hróarskelduhátíðina sem hefst í næstu viku
Karlakórinn StefnirKarlakórinn Stefnir hlaut titilinn Bæjarlistamaður Mosfellsbæjar árið 2000.

Karlakórinn Stefnir var stofnaður þann 15. janúar 1940. Fyrsta söngskemmtunin var að Brúarlandi í Mosfellssveit 7. febrúar það ár. Stofnfélagar voru 20, en þeim hefur nú fjölgað í rúmlega 50. Fyrsti söngstjóri var Oddur Andrésson á Hálsi í Kjós, en síðar tóku við þeir Gunnar Sigurgeirsson, Páll Halldórsson og Birgir Halldórsson og voru æfingar haldar í Brúarlandi. Lárus Sveinsson tók við stjórn kórsins árið 1975 og stjórnaði honum í 25 ár, að undanskildum fjórum árum, en þá stjórnaði Helgi R. Einarsson. Lárus lést árið 2000, og þá tók Atli Guðlaugsson við. 2007 lét hann af störfum og Gunnar Ben tók við og stjórnaði til árisis 2012, þá tók Julian Hewlet og stjórnaði hann kórnum í 2 ár eða til 2014, núverandi stjórnandi er Árni Heiðar Karlsson.
Kórinn hefur starfað af nokkrum þrótti flest þessi ár og haft mikla breidd í verkefnavali, allt frá léttum slögurum upp í sígilda tónlist eftir Mozart, Wagner, Beethoven og Liszt.

Kórinn hefur ferðast nokkuð, bæði innanlands og utan. Við reynum að enda starfsárið með helgarferð út á land í apríl/mai, þar sem við höldum tónleika, aðalfund, og síðan skemmtun. Stefnir hefur einnig farið í nokkrar utanlandsferðir, til Kanada, Danmerkur og Noregs. Til Austurríkis og Ungverjalands 1997 þar sem flutt var Sálumessa eftir Frans Liszt í fæðingarborg tónskáldsins, Búdapest, og einnig í Vínarborg. Í júlí 2002 fór Stefnir til Llangollen í Wales þar sem kórinn tók þátt í árlegu kóramóti þar. Í lok maí 2007 fór kórinn svo í ferð til St. Pétursborgar í Rússlandi þar sem tekið þar þátt í norrænni tónlistarhátíð en einnig var sungið í Helsinki í Finnlandi.

Stefnir hefur alla tíð notið velvildar bæjaryfirvalda í Mosfellsbæ, bæði hvað varðar fjárhagslegan stuðning og aðstöðu til æfinga. Í júní árið 2000 hlaut Karlakórinn Stefnir starfsstyrk til menningarmála árið 2000, og þar með sæmdarheitið: Bæjarlistamaður Mosfellsbæjar 2000. Um áramótin 2001 - 2002 fékk Stefnir kjallarann í Brúarlandi afhentann til umráða. Rættist þar langþráður draumur Stefnismanna um eigið húsnæði undir starfsemina en við höfðum verið á hrakhólum með allar eignir kórsins eins og söngpalla og skerma eftir að þrengja tók um okkur í Varmárskóla. Sá draumur rann út á miðju söngári um áramótin 2007 - 8 en þá var ákveðið að taka Brúarland að nýju til nota sem skólahúsnæði þegar framhaldsskóli tók til starfa. Í dag hefur Stefnir fengið skrifstofu aðstöðu í Hlégarði
Sigurður hlaut titilinn Bæjarlistamaður Mosfellsbæjar árið 1999.

Sigurður Þórólfsson er fæddur árið 1939. Hann fékk áhuga á gullsmíði snemma á áttunda áratungnum og smíðaði fyrsta stykkið sitt árið 1972. Sigurður er að mestu sjálfmenntaður í faginu en naut leiðsagnar Sigmars Maríussonar og Stefáns B. Stefánsonar gullsmiða þegar á þurfti að halda. Sigurður lauk sveinsprófi í gullsmíði árið 1992.

Sigurður hélt fyrstu einkasýningu sína í Hlégarði árið 1987 í boði menningarmálanefndar Mosfellsbæjar. Síðan þá hefur Sigurður haldið fjölmargar einkasýningar. Hann hefur einnig tekið þátt í samsýningum og unnið til verðlauna í alþjóðlegum samkeppnum. Verk eftir Sigurð í eru meðal annars í eigu Forsetaembættisins.

Verk eftir Sigurð Þórólfsson í eigu Mosfellsbæjar:
Nafn listaverks: Liljur vallarins 1993
Efni – aðferð: Silfur og slípað blágrýti
Stærð: 30x15 cm
Hvenær keypt: 1993
Staðsetning: Kjarni, 4. hæð
Lilljur Vallarins 1993  Nafn listaverks: Tunglið, tunglið 1993
Efni – aðferð: Silfur og slípað blágrýti
Stærð: 30x15 cm
Hvenær keypt: 1993
Staðsetning: Kjarni, 4. hæð 
Tunglið, tunglið - 1993 

 

Sigrún HjálmtýsdóttirSigrún Hjálmtýsdóttir söngkona hlaut titilinn Bæjarlistamaður Mosfellsbæjar árið 1998.
Inga Elín Kristinsdóttir er fædd 1957. Hún stundaði nám við Myndlistaskólann í Reykjavík á árunum 1972 til 1974, og síðar við Myndlista- og handíðaskóla Íslands með hléum frá árinu 1974 til 1982. Árin 1983-1988 nam hún síðan leirlist og glerlist við Skolen for Brugskunst í Kaupmannahöfn. Frá árinu 1989 hefur Inga Elín haldið fjölda einkasýninga á verkum sínum hér á landi auk þess að hafa haldið sýningu í London árið 1992. Að auki hefur hún tekið þátt í fjölda samsýninga, bæði hér á landi og annars staðar á Norðurlöndum. Inga Elín hefur starfað í fulltrúaráði Sambands íslenskra myndlistarmanna og verið þar í stjórn á árunum 2000 til 2002. Hún starfaði sem myndmenntakennari í Mosfellsbæ um nokkurra ára skeið og rak um árabil listhúsið Gallerí Inga Elín í Reykjavík. Ingu Elínu hafa hlotnast margvíslegar viðurkenningar fyrir störf sín, meðal annars var hún bæjarlistamaður Mosfellsbæjar árið 1997.
Nánari upplýsingar um listamanninn er að finna hjá Upplýsingamiðstöð myndlistar.

Nafn listaverks:
Eva og eplið.1992
Efni – aðferð:
Málmur, steinn og brætt myndskreytt gler
Stærð:
115 cm
Hvenær keypt:
1992
Staðsetning:
Kjarni, 3. hæð
 
Eva og eplið 1992      Nafn listaverks:
Þruma úr heiðskýru lofti. 
Efni – aðferð:
Brætt myndskreytt gler
Stærð:
66x49 cm
Hvenær keypt:
1992
Staðsetning:
Kjarni, 4. hæð
 
Nafn listaverks:
Kona. 1993
Efni – aðferð:
Myndskreytt gler
Stærð:
43x32 cm
Hvenær keypt:
1994
Staðsetning:
Bókasafn Mosfellsbæjar
Eign Bókasafns Mosfellsbæjar

Kona    Nafn listaverks:
Varða
Efni – aðferð:
Gler og steinsteypa
Stærð:
180 cm
Hvenær keypt:
1997
Staðsetning:
Leikskólinn á Hlaðhömrum

Varða 
Nafn listaverks:
Skál. 1992
Efni – aðferð:
Myndskreytt glerskál
Stærð:
29x29 cm, 4.5 cm á hæð
Staðsetning:
Bókasafn Mosfellsbæjar
Gjöf listamannsins til Bókasafns Mosfellsbæjar

Skál
  Nafn listaverks: 
Efni – aðferð:
Gler 
Stærð:
180 cm
Hvenær keypt:
1995
Staðsetning:
Bókasafni Mosfellsbæjar
Gjöf bæjarstjórnar Mosfellsbæjar til Bókasafns Mosfellsbæjar

1995

 

Leikfélag Mosfellssveitar hlaut titilinn Bæjarlistamaður Mosfellsbæjar árið 1996.

Leikfélag Mosfellssveitar

Skólahljómsveit Mosfellsbæjar varð fyrir valinu sem bæjarlistamaður Mosfellsbæjar árið 1995.

Skólahljómsveit Mosfellsbæjar