Tilnefning Bæjarlistamanns

Ábending um Bæjarlistamann Mosfellsbæjar 2017

*Stjörnumerkta reiti þarf að fylla út.

Ábending um bæjarlistamann Mosfellsbæjar

Menningarmálanefnd Mosfellsbæjar auglýsir eftir ábendingu um bæjarlistamann Mosfellsbæjar 2017.

Bæjarlistamanni er jafnframt veittur menningarstyrkur og verður útnefning að vanda tilkynnt í tengslum við bæjarhátíð Mosfellsbæjar, Í túninu heima.

Nefndin óskar hér með eftir tilnefningum eða ábendingum frá Mosfellingum um einstakling eða samtök listamanna í Mosfellsbæ, sem til greina koma að bera sæmdarheitið bæjarlistamaður ársins 2017.

Menningarmálanefnd Mosfellsbæjar útnefnir ár hvert bæjarlistamann Mosfellsbæjar. Bæjarlistamaður hlýtur styrk frá Mosfellsbæ. Bæjarlistamaður kynnir sig og verk sín innan Mosfellsbæjar á því ári sem hann er tilnefndur.

Einungis einstaklingar, sem búsettir eru í Mosfellsbæ og hópar og samtök, sem starfa í bæjarfélaginu koma til greina. Þá setur menningarmálanefnd það einnig sem skilyrði að tilnefndir einstaklingar eða hópar hafi verið virkir í listgrein sinni. 

Menningarmálanefnd samþykkti breytingar á reglum um bæjarlistamann Mosfellsbæjar. Nú geta listamenn sem búsettir hafa verið í sveitarfélaginu síðustu tvö ár sótt um sæmdarheitið bæjalistamaður Mosfellsbæjar. Menningarmálanefnd vonast með því til að tilnefningum fjölgi og að listamenn sjálfir hafi meiri tök á því að hafa áhrif á það hver er útnefndur hverju sinni. Bæjarlistamaður Mosfellsbæjar er útnefndur árlega síðustu helgina í ágúst. Ásamt því að bera sæmdarheitið hlýtur viðkomandi listamaður eða listahópur peningafjárhæð allt að 1,2 milljónum króna. 

Áfram verður tekið við tillögum frá bæjarbúum um útnefningu bæjarlistamanns.


Ábendingar þurfa að hafa borist Menningarmálanefnd Mosfellsbæjar í síðasta lagi 1. júní 2017. Ábendingar skulu berast rafrænt í gegnum heimasíðu bæjarins.

Menningarsvið Mosfellsbæjar.