Lesa meira

Á Huldubergi er gaman, þar leika allir saman...

20.06.2018 11:02

Leikskólinn Hulduberg í Mosfellsbæ óskar eftir að ráða til starfa leikskólakennara og/eða leiðbeinendur í fullt starf frá og með 7. ágúst.

Hulduberg er sex deilda leikskóli með 112 börn. Fjórar deildir eru aldursblandaðar og tvær deildir eru með yngstu börnin, en mikið samstarf er á milli deilda. Áherslur í starfi leikskólans eru umhverfismennt og að njóta og nýta náttúruleg gæði. Leikskólinn Hulduberg er staðsettur við Lágafellsskóla og íþróttamiðstöðina Lágafelli.

Starfssvið: Starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla og stefnu viðkomandi sveitarfélaga. Vinnur að uppeldi og menntun leikskólabarna þar með talið að taka þátt í skipulagningu faglegs starfs og foreldrasamstarfs í samstarfi við deildastjóra.

Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Menntunar- og hæfnikröfur:

  • Leikskólakennaramenntun eða önnur uppeldismenntun
  • Ef ekki fæst fólk með réttindi er annað skoðað
  • Reynsla af starfi með börnum
  • Frumkvæði og faglegur metnaður
  • Sjálfstæð og skipulögð vinnubrögð
  • Færni í samskiptum

Umsóknarfrestur er til og með 8. júlí 2018.

Umsóknir ásamt starfsferilsskrá og kynningarbréfi sem greinir frá reynslu, menntun og fyrri störfum ásamt rökstuðningi fyrir hæfni í starfið skulu berast á netfangið hulduberg@mos.is. Nánari upplýsingar um starfið veita Þuríður Stefánsdóttir leikskólastjóri eða Guðrún Viktorsdóttir aðstoðarleikskólastjóri í síma 586-8170.

Um framtíðarstarf er að ræða. Öllum umsóknum verður svarað. Laun eru samkvæmt kjarasamningi Sambands ísl. sveitarfélaga og viðkomandi stéttarfélags.

Við hvetjum fólk af báðum kynjum til að sækja um starfið.

Sjá auglýsingu (.pdf 182 kb)
Til baka