Skólaakstur í Mosfellsbæ

26.09.2011

FRÆÐSLU- OG MENNINGARSVIÐ
SKÓLASKRIFSTOFA

 

Reglur um skólaakstur í Mosfellsbæ

566. fundi bæjarstjórnar þann 12. október 2011

Skólaakstur í Mosfellsbæ er skv. 22. gr. laga um grunnskóla og reglur menntamálaráðuneytis um skólaakstur (656/2009).

  1. Rétt á skólaakstri (í og úr skóla) eiga þeir nemendur sem eiga heima í 1,5 km fjarlægð eða fjær frá sínum hverfisskóla.  Skemmri vegalengd telst vera í göngufæri við skóla. Nánar má sjá um skiptingu skólasvæða í reglum á heimasíðu Mosfellsbæjar, hér
    a.   Eftirfarandi götur eru í 1,5 km. fjarlægð eða fjær frá Varmárskóla og eru á skólasvæði Varmárskóla skv. samþykkt bæjarstjórnar Mosfellsbæjar á 553. fundi þann 2. mars 2011.  Nemendur sem búa við þessar götur eiga rétt á skólaakstri:  Engjavegur, Furubyggð, Grenibyggð, Krókabyggð, Lindarbyggð, Reykjabyggð, Reykjamelur og Reykjavegur.  Einnig nemendur sem búa í húsum utan gatnakerfis og eru í meira 1,5 km. fjarlægð frá skólanum, þar með talið nemendur úr Leirvogstungu og Mosfellsdal.
  2. Skólaakstur fer fram samkvæmt tímatöflu sem unnin er á hverju hausti af Skólaskrifstofu Mosfellsbæjar í samvinnu við Varmárskóla.
  3. Skólaakstur fer fram með þrennum hætti.
    a.    Með sérstökum skólabílum í samræmi við 1. gr.
    b.    Með almenningsvögnum ef skólabíll gengur ekki samkvæmt tímatöflu og er þá útdeilt strætisvagnamiðum á skrifstofu skólans.
    c.    Með sérstökum greiðslum til foreldra fyrir eigin akstur, þegar um lengri vegalengdir er að ræða, utan  almenningssamgöngukerfis sveitarfélagsins.  Greiðslurnar taka mið af reglugerð Jöfnunarsjóðs sveitarfélaga, nr. 44/1999 með verðbreytingum.
  4. Akstur á skólatíma er fyrir þá nemendur Lágafellsskóla og Krikaskóla sem þurfa að sækja sérgreinar samkvæmt stundatöflu í Íþróttamiðstöðina að Varmá.
  5. Annar akstur á vegum skóla vegna ferða á skólatíma og frístundastarfs fellur ekki undir skilgreiningar ráðuneytis skv. reglugerð 656/2009 og gilda sérstakar reglur um hann.

 

Skólaskrifstofa Mosfellsbæjar.

Til baka