Ráðningar í sumarstörf

07.03.2016
Reglur um ráðningar í hefðbundin sumarstörf 2017
  1. Umsjón og upplýsingar
    Tómstundafulltrúi Mosfellsbæjar hafa yfirumsjón með ráðningum í sumarstörf 2017. Forstöðumenn sjá um ráðningar í störf hjá sinni stofnun. Þjónustuver Mosfellsbæjar veitir frekari upplýsingar í síma 525 6700 milli kl. 8:00 og 16:00.

  2. Auglýsingar og umsóknarfrestur
    Alls eru 50 störf í boði. Störfin eru auglýst á heimasíðunni þann 23. febrúar og í Mosfellingi sama dag með umsóknarfresti til og með 23.mars 2016. Þeir sem sækja um eftir að umsóknarfresti lýkur geta ekki vænst þess að fá sumarstarf hjá Mosfellsbæ.

  3. Að sækja um
    Upplýsingar um auglýst störf, starfsheiti, starfssvið, hæfnikröfur, laun og vinnutímabil er að finna á www.mos.is. Einungis er hægt að sækja um rafrænt, í gegnum Íbúagátt Mosfellsbæjar. Hver umsækjandi sendir inn eina umsókn en getur valið að sækja um allt að þrjú störf.
    Ef umsækjendur hafa ekki aðgang að tölvu er velkomið að koma í Þjónustuver Mosfellsbæjar á 2. hæð í Kjarna og sækja um í tölvu sem er staðsett þar.

  4. Ráðning
    Ráðið verður í öll hefðbundin sumarstörf í samræmi við tilgreindar hæfnikröfur. Ekki verður gengið frá neinum ráðningum fyrr en eftir að umsóknarfrestur rennur út.

  5. Umsóknum svarað
    Þeir sem sækja um sumarstarf innan tilskilins umsóknarfrests fá svar við umsókn sinni eigi síðar en 20. apríl 2017

  6. Heimild til öflunar upplýsinga úr sakaskrá
    Allir sumarstarfsmenn sem vinna með börnum eða unglingum þurfa fyrir ráðningu að skrifa undir heimild þess efnis að Mosfellsbær megi afla upplýsinga úr sakaskrá.

  7. Um breytingar
    Mosfellsbær áskilur sér rétt til að breyta þessum reglum án fyrirvara. Þær reglur eru í gildi sem birtast á heimasíðu Mosfellsbæjar hverju sinni.
Til baka