Byggingarmál

Starfssvið byggingarfulltrúa og embættis hans er skilgreint í IV. kafla byggingarlaga nr.73/1997 og í byggingarreglugerð. Byggingarfulltrúi sér um sérstakar afgreiðslur byggingarmála á afgreiðslufundum í hverri viku samkvæmt samþykkt Mosfellsbæjar staðfest af umhverfisráðuneytinu - Lög um mannvirki nr. 160/2010,  sem byggir á 1.gr í lögum um breytingu nr. 117/1999 á skipulags- og byggingarlögum nr.73/1997 og byggingareglugerð nr. 112/2012.


Byggingarfulltrúi áritar uppdrætti og gefur út byggingarleyfi. Embætti byggingarfulltrúa vakir yfir því að hús og önnur mannvirki séu byggð í samræmi við samþykkta uppdrætti, lög og reglur. Embættið sér um úttekt einstakra þátta byggingarframkvæmda og lokaúttekt fullbyggðs mannvirkis og gefur út vottorð þar um áður en mannvirki skal tekið í notkun.

Á skrifstofu byggingarfulltrúa eru gefnar upplýsingar um ýmis mál, sem lúta að byggingarmálum. Þá eru á skrifstofunni geymd afrit af öllum þeim uppdráttum, sem þar hafa verið lagðir inn og samþykktir.

Embættið tilkynnir Fasteignadeild Þjóðskrá Íslands samþykktir í byggingarmálum og skráir fasteignir í fasteignaskrá.

Byggingarfulltrúi er Ásbjörn Þorvarðarson
Síma- og viðtalstími: mánudaga til föstudaga 
Símatími frá kl: 10:00-11:00 í síma 525 6700
Viðtalstími frá kl: 11:00-12:00 í Kjarna, Þverholti 2. 2.hæð

Ný kortasjá – aukin þjónusta

Mosfellsbær hefur tekið í notkun nýja kortasjá. Í kortasjánni eru aðgengilegar margvíslegar upplýsingar um fasteignir, umhverfi og veitur. Markmiðið með kortasjánni er að bæta enn frekar þjónustuna við íbúa og aðra viðskiptavini. Þarna eru aðgengilegar upplýsingar allan sólarhringinn.

Samhliða er einnig ábendingakerfi ef íbúar hafa orðið varir við eitthvað í nærumhverfi sínu sem þarfnast lagfæringar eða skoðunar hjá starfsmönnum Mosfellsbæjar má senda ábendingu með staðsetningu og hnitum af þeirri ábendingu sem þarfnast lagfæringar eða athugunar.
Kortasjá - Teikniasafn húsa í Mosfellsbæjar

TEIKNINGAR

Kortasjá - Teikniasafn húsa í Mosfellsbæjar

KORTASJÁ

Kortasjá - Teikniasafn húsa í Mosfellsbæjar

ÁBENDINGAKERFI


 

GAGNLEGAR SLÓÐIR

Atvinnu- og iðnaðarsvæði

Það eru engar atvinnu- og iðnaðarlóðir í eigu Mosfellsbæjar í sölumeðferð á þessari stundu.

Íbúðarlóðir

Það eru engar íbúðalóðir í eigu Mosfellsbæjar í sölumeðferð á þessari stundu. 

Kynningarblað um möguleika í Mosfellsbæ.

Mosfellsbær er fallegt sveitarfélag í jaðri höfuðborgarsvæðisins, með fjöll og dali, fell og heiðar, sjávarströnd og fjórar ár sem liðast um bæjarlandið. 

Hér er öflug fjölskylduþjónusta og tengsl við einstaka náttúru ásamt blómstrandi ríkulegu tómstundalífi.

Mikil uppbygging og gróska er í atvinnu- og mannlífi.