Útboð á rekstri félagsheimilisins Hlégarðs í Mosfellsbæ

25.09.2014 08:41

Mosfellsbær leitar eftir áhugasömum aðilum til að gera tilboð í leigu á félagsheimilinu Hlégarði í Mosfellsbæ. Leigutaki skal standa fyrir öflugri og fjölbreyttri menningarstarfsemi, félagsstarfi, veitingarekstri og salarleigu í húsinu samkvæmt skilgreiningu í útboðsgögnum.

Öll gögn, þ.e. nánari lýsing húsnæðis og fylgifé ásamt tilboðsblaði fást send í tölvupósti eða afhent í þjónustuveri Mosfellsbæjar dagana 10. - 23. september 2014.

Nauðsynlegt er að þeir sem fá útboðsgögn gefi upp nafn og netfang til að hægt verði að koma viðbótarupplýsingum til allra komi þær fram á útboðstímabilinu.

Hafi aðilar spurningar varðandi gögn eða markmið Mosfellsbæjar, er æskilegt að þær séu sendar í tölvupósti á netfangið mos[hja]mos.is merkt Hlégarður. Skal það gert eigi síðar en 30. september. 

Meginmáli spurninga og svörum verður dreift til allra sem sótt hafa gögn verkefnisins eins fljótt og auðið er og eigi síðar en 5. október næstkomandi.

Til baka