10. júní 2009: Grund við Varmá, tillaga að breytingum á deiliskipulagi.

14.10.2009

Grund við Varmá

Tillaga að breytingum á deiliskipulagi

Mosfellsbær auglýsir hér með skv. 1. mgr. 26. gr. skipulags- og byggingarlaga nr. 73/1997 tillögu að breytingum á „deiliskipulagi frá Reykjalundarvegi að Húsadal“ frá 2004, síðast breyttu 27. ágúst 2008. Með úrskurði Úrskurðarnefndar skipulags- og byggingarmála 16. mars 2005 var samþykkt bæjarstjórnar á deiliskipulaginu felld úr gildi að því er tók til lóðar Grundar, landnúmer 125419.

Tillagan fjallar um ofangreinda lóð og gerir ráð fyrir að henni verði skipt upp í þrjár lóðir; tvær fyrir ný heilsárshús og eina fyrir núverandi sumarbústað. Einnig er lagt til að lega brúar yfir Varmá og göngustígs að henni breytist lítillega. Aðkoma að lóðunum verði um Lerkibyggð. Kvöð verði á fremstu lóðinni um aðkomu að hinum tveimur og kvöð verði um gönguleið yfir lóðirnar frá Lerkibyggð að brú yfir Varmá.

Tillöguuppdráttur með greinargerð verður til sýnis í þjónustuveri Mosfellsbæjar, Þver­holti 2, 1. hæð, frá 10. júní 2009 til og með 22. júlí 2009, svo að þeir sem þess óska geti kynnt sér tillöguna og gert við hana at­huga­semdir. Tillagan er einnig birt hér á heima­síðunni:

Tillöguuppdráttur, PDF-skjal, 1,3 MB

Athugasemdir skulu vera skriflegar og hafa borist skipulags- og byggingarnefnd Mos­fellsbæjar, Þverholti 2, 270 Mosfellsbæ, eigi síðar en 22. júlí 2009. Hver sá sem ekki gerir athugasemd við tillöguna inn­an þessa frests telst vera henni samþykkur.

3. júní 2009,
Skipulagsfulltrúi Mosfellsbæjar

 

Til baka