31. ágúst 2007: Lækjarnes í Mosfellsdal, tillaga að deiliskipulagi

14.10.2009

Lækjarnes í Mosfellsdal,
Tillaga að deiliskipulagi

Mosfellsbær auglýsir hér með skv. 25. gr. skipulags- og byggingarlaga nr. 73/1997 tillögu að deiliskipulagi fyrir land Lækjarness í Mosfellsdal.

Landið er norðan Köldukvíslar, milli Laxness og golfvallar, um 1,4 ha að stærð. Á suðurhluta þess gilda hverfisverndarákvæði og norðurhlutinn er innan fjarsvæðis vatnsverndar. Tillagan gerir ráð fyrir tveimur byggingarreitum, annars vegar fyrir íbúðarhús allt að 400 m2 á sama stað og íbúðarhús stendur nú, og hinsvegar fyrir hesthús allt að 200 m2 á suðausturhluta landsins. Kvaðir eru settar um umferð að golfvelli, reiðleið meðfram Köldukvísl og raflínu (Skálholtslínu).

Tillöguuppdráttur með greinargerð og skipulagsskilmálum verður til sýnis í þjón­ustu­veri Mosfellsbæjar, Þverholti 2, 1. hæð, frá 31. ágúst 2007 til 28. september 2007, svo að þeir sem þess óska geti kynnt sér tillöguna og gert við hana at­huga­semdir. Tillagan er einnig birt hér á heimasíðunni:

Tillöguuppdráttur  (pdf-skjal, 1,1 MB)

Athugasemdir skulu vera skriflegar og hafa borist skipulags- og byggingarnefnd Mosfellsbæjar eigi síðar en 12. október 2007. Hver sá sem ekki gerir athugasemd við auglýsta tillögu innan þessa frests telst vera henni samþykkur.

27. ágúst 2007,

Skipulagsfulltrúi Mosfellsbæjar
Til baka