4. desember 2008: Hulduhólasvæði (Lágahlíð/Brattahlíð).

14.10.2009

Hulduhólasvæði (Lágahlíð/Brattahlíð) 

Tillaga að breytingum á deiliskipulagi

Mosfellsbær auglýsir hér með skv. 1. mgr. 26. gr. skipulags- og byggingarlaga nr. 73/1997 tillögu að breytingum á deiliskipulagi Hulduhólasvæðis, en gildandi skipulag var upphaflega samþykkt  10. nóvember 2004. Samkvæmt tillögunni breytast fjórar einbýlislóðir sunnan Bröttuhlíðar í lóðir fyrir tveggja hæða parhús. Þá er gert ráð fyrir því að húsið Lágahlíð víki en í staðinn komi lóðir fyrir tvö fjögurra íbúða, tveggja hæða raðhús og eitt tveggja hæða parhús. Grænt svæði sunnan Bröttuhlíðar minnkar við þetta lítillega og íbúðum fjölgar um 9.

Tillöguuppdrátturinn verður til sýnis í þjónustuveri Mosfellsbæjar, Þverholti 2, 1. hæð, frá 4. desember 2008 til og með 15. janúar 2009, svo að þeir sem þess óska geti kynnt sér tillöguna og gert við hana at­huga­semdir. Tillagan er einnig birt hér á heimasíðunni:

Tillöguuppdráttur (pdf, 0,5 mB)

Athugasemdir skulu vera skriflegar og hafa borist skipulags- og byggingarnefnd Mosfellsbæjar, Þverholti 2, 270 Mosfellsbæ, eigi síðar en 15. janúar 2009. Hver sá sem ekki gerir athugasemd við tillöguna inn­an þessa frests telst vera henni samþykkur.

28. nóvember 2008,
Skipulagsfulltrúi Mosfellsbæjar
Til baka