4. nóvember 2008: 6 frístundalóðir norðan Selvatns.

14.10.2009

6 frístundalóðir norðan Selvatns

Mosfellsbær auglýsir hér með skv. 25. gr. skipulags- og byggingarlaga nr. 73/1997 tillögu að deiliskipulagi 6 frístundalóða í landi Miðdals, austan Selvatnsvegar norðan Selvatns.

Lóðirnar eru frá 4.300 – 38.200 m2 að stærð og hafa fimm þeirra aðkomu úr suðvestri frá Selvatnsvegi en ein hefur aðkomu að norðan um vegi útfrá Nesjavallavegi. Tillagan gerir ráð fyrir því að á hverri lóð megi reisa frístundahús allt að 100 m2 að stærð auk 10 m2 geymsluhúss innan sama byggingarreits.

Tillöguuppdráttur með greinargerð verður til sýnis í þjónustuveri Mosfellsbæjar, Þver­holti 2, 1. hæð, frá 4. nóvember til 16. desember 2008, svo að þeir sem þess óska geti kynnt sér tillöguna og gert við hana at­huga­semd­ir. Tillagan er einnig birt hér á heima­síðunni:

Tillöguuppdráttur (pdf, 1,4 MB) ...

Athugasemdir skulu vera skriflegar og hafa borist skipulags- og byggingarnefnd Mos­fellsbæjar eigi síðar en 16. desember 2008. Hver sá sem ekki gerir at­huga­semd við auglýsta tillögu inn­an þessa frests telst vera henni samþykkur.

29. október 2008,
Skipulagsfulltrúi Mosfellsbæjar

Til baka