6. júní 2007: Tillögur að deiliskipulagi tveggja frístundalóða

14.10.2009

Tillögur að deiliskipulagi tveggja frístundalóða

Mosfellsbær auglýsir hér með skv. 1. mgr. 25. gr. skipulags- og byggingarlaga nr. 73/1997 neðangreindar tvær tillögur að deiliskipulagi:

Frístundalóð norðan Hafravatns

Um er að ræða lóð úr landi Úlfarsfells, um 0,62 ha að stærð, landnúmer 190836. Tillagan gerir ráð fyrir því að byggja megi á lóðinni frístundahús allt að 70 m2 að stærð auk allt að 20 m2 geymsluhúss.

Tillöguuppdráttur, pdf - 1,7 MB

Frístundalóð milli Króka- og Silungatjarna

Um er að ræða lóð úr landi Miðdals, um 0,73 ha að stærð, landnúmer  125198. Tillagan gerir ráð fyrir því að byggja megi á lóðinni frístundahús allt að 110 m2 að stærð auk allt að 20 m2 geymsluhúss.

Tillöguuppdráttur, pdf - 0,8 MB

Ofangreindar tillögur verða til sýnis í þjónustuveri Mosfellsbæjar, Þverholti 2, 1. hæð, frá 6. júní til 4. júlí 2007, svo að þeir sem þess óska geti kynnt sér þær og gert við þær at­huga­semdir. Tillögurnar eru einnig birtar hér á heimasíðunni, sjá hér að ofan.

Athugasemdir skulu vera skriflegar og hafa borist skipulags- og byggingarnefnd Mosfellsbæjar eigi síðar en 18. júlí 2007. Hver sá sem ekki gerir athugasemd við auglýsta tillögu inn­an þessa frests telst vera henni samþykkur.

30. maí 2007,
Skipulagsfulltrúi Mosfellsbæjar

 

Til baka