9. janúar 2009: Tillaga að breytingum á aðal- og deiliskipulagi í Leirvogstungu.

14.10.2009

Leirvogstunga

Tillögur að breytingum á aðal- og deiliskipulagi

Ath: Um er að ræða leiðréttingu á auglýsingu um breytingar á deiliskipulagi, sem birtist þann 5. janúar 2009 og fellur sú auglýsing þar með úr gildi.

Mosfellsbær auglýsir hérmeð skv. 2. mgr. 21. gr. skipulags- og byggingarlaga nr. 73/1997 tillögu að óverulegri breytingu á aðalskipulagi, sem felst í því að suðurhluti íbúðarsvæðis í Leirvogstungu stækkar til austurs og reiðleið færist vestur fyrir tengiveg vestan hverfisins.

Samhliða ofangreindri tillögu að breytingu á aðalskipulagi er einnig auglýst skv. 1. mgr. 26. gr. skipulags- og byggingarlaga tillaga að breytingum á gildandi deiliskipulagi Leirvogstungu, síðast breyttu 28. mars 2007. Meginbreytingar á deiliskipulaginu skv. tillögunni felast í stækkun skipulagssvæðisins til austurs og fjölgun lóða, breyttri vegtengingu hverfisins við Vesturlandsveg, afmörkun tveggja nýrra lóða fyrir atvinnustarfsemi, færslu reiðleiðar vestur fyrir tengiveg vestan hverfisins (Tunguveg) og breytingum á legu hans, auk ýmissa smærri breytinga á lóð­ar­mörkum, húsgerðum og skilmálum fyrir einstakar lóðir.

Frestur til að gera athugasemdir við ofangreinda tillögu að breytingum á aðalskipulagi er til og með 30. janúar 2009, en frestur til að gera athugasemdir við tillögu að breytingum á deiliskipulagi er til og með 20. febrúar 2009.

Tillögurnar verða til sýnis í þjónustuveri Mosfellsbæjar, Þverholti 2, 1. hæð, þar til ofangreindir athugasemdafrestir renna út, svo að þeir sem þess óska geti kynnt sér þær og gert við þær athugasemdir. Tillögurnar eru einnig birtar hér á heimasíðunni:

Tillaga að breytingum á aðalskipulagi, pdf, 1,6 MB

Breytingar á deiliskipulagi, till.uppdráttur, pdf, 2,6 MB

Athugasemdir skulu vera skriflegar og sendast skipulags- og byggingarnefnd Mos­fellsbæjar, Þverholti 2, 270 Mosfellsbæ. Hver sá sem ekki gerir athugasemd við auglýsta tillögu inn­an tilgreinds frests telst vera henni samþykkur.

5. janúar 2009,
Skipulagsfulltrúi Mosfellsbæjar

Til baka