29.10.2010: Bókfell, tillaga að deiliskipulagi

28.10.2010
Mosfellsbær auglýsir hér með skv. 25. gr. skipulags- og byggingarlaga nr. 73/1997 tillögu að deiliskipulagi fyrir land Bókfells við Helgadalsveg, úr landi Hraðastaða.
Landið er 1,18 ha að stærð og gerir tillagan ráð fyrir að það verði nýtt til íbúðar og landbúnaðarstarfsemi. Heimilt verði að byggja á því eitt einnar til tveggja hæða íbúðarhús og einnar hæðar landbúnaðarbyggingar, hámarksnýtingarhlutfall = 0,1. Byggja megi við núverandi hús (Bókfell), eða rífa það og byggja nýtt hús í þess stað.
Tillöguuppdráttur með greinargerð og skipulagsskilmálum verður til sýnis í þjónustuveri Mosfellsbæjar, Þverholti 2, 1. hæð, frá 29. október 2010 til 10. desember 2010, svo að þeir sem þess óska geti kynnt sér tillöguna og gert við hana athugasemdir. Tillagan er einnig birt hér á heimasíðunni:
Tillöguuppdráttur (pdf; 1 MB)
Athugasemdir skulu vera skriflegar og hafa borist skipulags- og byggingarnefnd Mosfellsbæjar eigi síðar en 10. desember 2010. Hver sá sem ekki gerir athugasemd við auglýsta tillögu innan þessa frests telst vera henni samþykkur.
25. október 2010,
Skipulagsfulltrúi Mosfellsbæjar
Til baka