05.01.2011

Mosfellsbær auglýsir hér með skv. 1. mgr. 26. gr. laga nr. 73/1997 tillögu að breytingum á gildandi deiliskipulagi Leirvogstungu, síðast breyttu  24. júní 2009.

Meginefni breytinganna er að mörk skipulagssvæðisins færast nær Vesturlandsvegi við mislæg gatnamót, lega tengigötu frá gatnamótum inn í hverfið er ákveðin nokkru sunnar en í gildandi skipulagi, sett er inn lóð fyrir leikskóla til bráðabirgða sunnan tengigötunnar og tvær lóðir fyrir atvinnu-/þjónustustarfsemi norðan hennar.

Tillagan verður til sýnis í þjónustuveri Mosfellsbæjar, Þverholti 2, 1. hæð, frá 5. janúar 2011 til og með 16. febrúar 2011, svo að þeir sem þess óska geti kynnt sér hana og gert við hana athugasemdir. Tillagan er einnig birt hér á heimasíðunni:

Tillöguuppdráttur með greinargerð (pdf, 1,2 MB)

Athugasemdir skulu vera skriflegar og hafa borist skipulags- og byggingarnefnd Mosfellsbæjar, Þverholti 2, 270 Mosfellsbæ, eigi síðar en 16. febrúar 2011. Hver sá sem ekki gerir athugasemd við tillöguna innan þessa frests telst vera henni samþykkur.

30. desember 2010,
Skipulagsfulltrúi Mosfellsbæjar

Til baka