Helgafellshverfi – 2. og 3. áfangi, tillögur að breytingum á deiliskipulagi

03.03.2014
 Mosfellsbær auglýsir hér með samkvæmt 1. mgr. 43.gr. skipulagslaga nr. 123/2010 eina tillögu að breytingum á deiliskipulagi 2. áfanga Helgafellshverfis (samþ. 13.12.2006)  og tvær tillögur að breytingum á deiliskipulagi 3. áfanga hverfisins (samþ. 11.04.2007). Tillögurnar eru sem hér segir:

Breytingar við Efstaland, í 2. áfanga.
Fimm lóðir fyrir tveggja hæða einbýlishús ofan/norðan Efstalands (nr. 2-10) breytist í níu lóðir fyrir raðhús, tveggja hæða með einnar hæðar bílskúrum á milli. Raðhúsin verði í tveimur samstæðum,  4 og 5 saman. Bílastæði langsum við götu færist suður yfir götuna.

Breytingar við Uglugötu, í 3. áfanga
Sjö lóðir fyrir einnar hæðar einbýlishús norðan/austan Uglugötu (nr. 15-27) breytist í lóðir fyrir 10 einnar hæðar parhús (5 „pör“).

Breytingar við Sölkugötu, í 3. áfanga.
Fimm lóðir fyrir einnar- og tveggja hæða einbýlishús norðan/austan Uglugötu (nr. 16-22) breytist í sjö lóðir fyrir raðhús, tveggja hæða með einnar hæðar bílskúrum á milli. Raðhúsin verði í tveimur samstæðum,  3 og 4 saman. Jafnframt verði Sölkugata opnuð norður í safngötu í stað þess að enda sem botnlangi og almennum bílastæðum (gestastæðum) við Sölkugötu og safngötuna fjölgað.

Tillögurnar verða til sýnis í þjónustuveri Mosfellsbæjar Þver­holti 2, frá og með 5. mars 2014 til og með 16. apríl 2014, svo að þeir sem þess óska geti kynnt sér þær og gert við þær athugasemdir. Einnig má skoða tillögurnar hér á heimasíðunni:

Tillöguuppdráttur Efstaland (pdf, 1,2 MB)
Tillöguuppdráttur Uglugata (pdf, 4 MB)
Tillöguuppdráttur Sölkugata (3 MB)

Athugasemdir skulu vera skriflegar og skal senda þær til skipulagsnefndar Mos­fells­bæjar, Þverholti 2, 270 Mosfellsbæ, eigi síðar en 16. apríl 2014.

3. mars 2014,
Skipulagsfulltrúi Mosfellsbæjar

Til baka