16.05.2014

Bæjarstjórn Mosfellsbæjar hefur á fundi sínum 23. apríl 2014 samþykkt eftirtald­ar deiliskipulagstillögur, sem athugasemdir höfðu verið gerðar við í auglýsingu eða grenndarkynningu:

Deiliskipulag Varmárskólasvæðis
Tillaga að deiliskipulaginu var auglýst skv. 41. gr. skipulagslaga 30.9.2013 með athugasemdafresti til 11.11.2013. Ein athugasemd barst og leiddi hún til nokk­urra breytinga á skipulaginu, sem var samþykkt í bæjarstjórn svo breytt ásamt svörum við athugasemdinni. Skipulagsstofnun hefur haft deili­skipu­lagið til yfirferðar og tók það gildi með auglýsingu í B-deild Stjórnartíðinda 19. maí 2014.

Miðhverfi Helgafellshverfis - deiliskipulagsbreyting
Tillaga að breytingu á deiliskipulagi varðandi lóðir milli Gerplu- og Vefara­strætis austan skólalóðar var auglýst skv. 43. gr. skipulagslaga 12.2.2014 með athugasemdafresti til 26.3.2014. Ein athugasemd barst og leiddi hún ekki til breytinga á tillögunni, sem var samþykkt óbreytt í bæjarstjórn ásamt svörum við athugasemdinni. Skipulagsstofnun hefur haft deili­skipu­lags­breytinguna til yfirferðar og tók hún gildi með auglýsingu í B-deild Stjórnartíðinda 19. maí 2014.

Dalsbú, Helgadal - deiliskipulagsbreyting
Tillaga að breytingu á deiliskipulagi minkabúsins Dalsbús var grenndarkynnt sem óveruleg breyting skv. 2. mgr. 43. gr. skipulagslaga 3.3.2014 með athuga­semdafresti til 2.4.2014. Ein athugasemd barst og leiddi hún ekki til breytinga á tillögunni, sem var samþykkt óbreytt í bæjarstjórn ásamt svörum við athugasemdinni. Deili­skipu­lagsbreytingin hefur verið send  Skipulags­stofn­un og tók gildi með auglýsingu í B-deild Stjórnartíðinda 7. maí 2014.

Þeir sem óska eftir nánari upplýsingum um ofangreindar skipulagsáætlanir snúi sér til undir­rit­aðs.

Hér má sjá auglýsingu í pdf formi

16. maí 2014,
skipulagsfulltrúi Mosfellsbæjar.

Til baka

Myndir með frétt