Verkefnislýsing deiliskipulags - alifuglabú Syðri-Reykjum

17.07.2014

Mosfellsbær auglýsir hérmeð til kynningar verkefnislýsingu skv. 40. gr. skipulagslaga fyrir gerð deiliskipulags fyrir reit úr landi Suður-Reykja, sem merktur er 320-L á aðalskipulagi og skilgreindur þar sem landbúnaðarsvæði. Markmið með deiliskipulaginu er að gera það mögulegt að bæta aðstöðu núverandi alifuglabús með frekari byggingum á lóðinni, en aðeins verður um óverulega aukningu á umfangi starfseminnar að ræða.

Í verkefnislýsingunni kemur lögum samkvæmt fram „hvaða áherslur sveitarstjórn (hefur) við deiliskipulagsgerðina og upplýsingar um forsendur og fyrirliggjandi stefnu og fyrirhugað skipulagsferli, s.s. um kynningu og samráð við skipulagsgerðina gagnvart íbúum og öðrum hagsmunaaðilum.“

Verkefnislýsingin liggur frammi í Þjónustuveri Mosfellsbæjar á 2. hæð Þverholts 2, 270 Mosfellsbæ, og hér á heimasíðunni:

Alifuglabú - lýsing (pdf-skjal)

Athugasemdum og ábendingum varðandi skipulagslýsinguna má skila til þjónustuversins eða undirritaðs og er æskilegt að þær berist fyrir 1. ágúst n.k.

17. júlí 2014,
Skipulagsfulltrúi Mosfellsbæjar

finnur@mos.is

Til baka