Helgafellshverfi, ný lóð við Vefarastræti, tillaga

09.10.2014

Mosfellsbær auglýsir hér með samkvæmt 1. mgr. 43. gr. skipulagslaga nr. 123/2010 tillögu að breytingum á deiliskipulagi 1. áfanga Helgafellshverfis sem samþykkt var 13.12.2006 og síðast breytt 7.5.2014.

Samkvæmt tillögunni stækkar skipulagssvæði áfangans um áður óskipulagt svæði sunnan Vefarastrætis vestan Sauðhóls, þar sem í ramma­skipu­lagi var gert ráð fyrir „stofnanalóð.“ Tillagan gerir ráð fyrir að á þessu svæði verði lóð fyrir tvö fjölbýlishús með allt að 55 íbúðum. Húsin verði að mestu fjögurra hæða en þriggja hæða að hluta. Helmingur bílastæða verði í bílakjöllurum með aðkomu annars vegar um botnlanga útfrá Vefarastræti og hinsvegar frá Snæfríðargötu.

Tillagan verður til sýnis í þjónustuveri Mosfellsbæjar Þver­holti 2, frá 9. október 2014 til og með 20. nóvember 2014, svo að þeir sem þess óska geti kynnt sér hana og gert við hana athugasemdir. Tillagan er einnig birt hér á heimasíðunni:

Tillöguuppdráttur, pdf - 1,3 MB 

Athugasemdir skulu vera skriflegar og skal senda þær til skipulagsnefndar Mos­fells­bæjar, Þverholti 2, 270 Mosfellsbæ, eigi síðar en 20. nóvember 2014.

6. október 2014,

Skipulagsfulltrúi Mosfellsbæjar

Til baka