Miðhverfi Helgafellshverfis, 2 tillögur að breytingum á deiliskipulagi

27.03.2015

Mosfellsbær auglýsir hér með skv. 1. mgr. 43.gr. skipulagslaga nr. 123/2010 eftir­taldar tvær tillögur að breytingum á deili­skipulagi 1. áfanga (miðhverfis) Helgafells­hverfis:

Vefarastræti 1-5
Tillagan er um fjölgun íbúða úr 21 í 23, fækkun stigahúsa úr þremur í tvö, tilslökun á kröfum um bílastæði þannig að fyrir hverja íbúð 70 m2 og minni (var 60 m2) skuli vera 1,5 stæði innan lóðar sem megi öll vera ofan­jarðar og loks stækk­un lóðar um 130 m2 og fjölgun bílastæða ofanjarðar á lóð.                    

Vefarastræti 32-38 og 40-46.
Tillagan er um tilslökun á kröfum um bílastæði þannig að fyrir hverja íbúð 70 m2 og minni (var 60 m2) skuli vera 1,5 stæði innan lóðar sem megi öll vera ofanjarðar. Sýndir eru byggingarreitir fyrir bílakjallara og gerð grein fyrir fjölgun bílastæða ofanjarðar innan lóða.

Ofangreindar tillögur verða til sýnis í þjónustuveri Mosfellsbæjar Þver­holti 2, frá 30. mars 2015 til og með 11. maí 2015, svo að þeir sem þess óska geti kynnt sér þær og gert við þær athugasemdir. Tillögurnar eru einnig birtar hér á heimasíðunni:

Vefarastræti 1-5, tillöguuppdráttur (pdf)
Vefarastræti 32-38 og 40-46, tillöguuppdráttur (pdf)

Athugasemdir skulu vera skriflegar og skal senda þær til skipulagsnefndar Mos­fells­bæjar, Þverholti 2, 270 Mosfellsbæ, eigi síðar en 11. maí 2015.

25. mars 2015,
Skipulagsfulltrúi Mosfellsbæjar
Til baka