Miðsvæði við Sunnukrika, óveruleg breyting á aðalskipulagi 2011-2030

25.09.2015

Bæjarstjórn Mosfellsbæjar hefur þann 9. september 2015 samþykkt tillögu að óverulegri breytingu á Aðalskipulagi Mosfellsbæjar 2011-2030, sbr. 2. mgr. 36. gr. skipulagslaga nr. 123/2010.

Í breytingunni felst að á miðsvæði 401-M norðan Krikahverfis verða heimilar allt að 100 íbúðir auk annarrar starfsemi sem almennt er heimil á miðsvæðum, en samkvæmt fyrri skilgreiningu einskorðaðist landnotkunin við blandaða starfsemi atvinnu- og þjónustu­fyrirtækja á stórum lóðum. Breytingin ásamt rökstuðningi er sett fram á uppdrætti í A3 stærð, dagsettum 28. ágúst 2105.

(Uppdrátturinn á pdf-formi)

Breytingin hefur verið send Skipulagsstofnun til staðfestingar. Þeir sem óska nánari upp­lýsinga geta snúið sér til undirritaðs.

25. september 2015

Skipulagsfulltrúi Mosfellsbæjar
Til baka