3 Skipulagstillögur: Hestaíþróttasvæði, Reykjavegur 62, Gerplustræti 7-11

13.10.2015

Mosfellsbær auglýsir hér með skv. 1. mgr. 43.gr. skipulagslaga nr. 123/2010 eftirtaldar tvær tillögur að breytingum/endurskoðun á deili­skipulagi:

Hestaíþróttasvæði á Varmárbökkum

Um er að ræða tillögu að endurskoðun deiliskipulags á svæðinu, sem er frá ýmsum tímum á árabilinu 1981-2000. Deiliskipulagið er sett fram sem ein heild en með nokkrum viðbótum, uppfærslum og breytingum á skilmálum, s.s. varðandi viðbyggingar við hesthús, stækkunarmöguleika reiðhallar og félagsheimilis, nýjar reiðleiðir austan og vestan hesthúsa og stækkun bílastæða og kerrustæðis sunnan reiðhallar. Ekki er um að ræða fjölgun hesthúsa.

Hestaíþróttasvæði tillöguuppdráttur  -  skýringaruppdráttur  -  greinargerð

Gerplustræti 7-11, miðhverfi Helgafellshverfis

Tillagan er um fjölgun íbúða úr 22 í 25, og tilslökun á kröfum um bílastæði þannig að fyrir hverja íbúð 70 m2 og minni (var 60 m2) skuli vera 1,5 stæði innan lóðar sem megi öll vera ofan­jarðar. Sýndir eru byggingarreitir fyrir bílakjallara og gerð grein fyrir fjölgun bílastæða ofanjarðar innan lóðar.

Gerplustræti 7-11 tillöguuppdráttur

Einnig er auglýst skv. 40. gr. skipulagslaga tillaga að nýju deiliskipulagi:

Lóð við Reykjaveg fyrir raðhús.

Tillaga um að óbyggður skiki með landnúmeri 123781 úr landi Sólvalla vestan/sunnan Reykjavegar verði að þrískiptri lóð fyrir þriggja íbúða, einnar hæðar raðhús sem verði nr. 62A-C við Reykjaveg. Gerður er byggingarreitur 10 m frá lóðarmörkum að götu, hámarksstærð íbúða sett 170 m2 og hámarksmænishæð sett 5,5 m.

Reykjavegur 62 tillöguuppdráttur

Ofangreindar tillögur verða til sýnis í þjónustuveri Mosfellsbæjar Þverholti 2, frá 13. október 2015 til og með 24. nóvember 2015, svo að þeir sem þess óska geti kynnt sér þær og gert við þær athugasemdir. Tillögurnar eru einnig birtar hér á heimasíðunni (sjá ofar)

Athugasemdir skulu vera skriflegar og skal senda þær til skipulagsnefndar Mosfells­bæjar, Þverholti 2, 270 Mosfellsbæ, eigi síðar en 24. nóvember 2015.

8. október 2015,
Skipulagsfulltrúi Mosfellsbæjar
Til baka