Deiliskipulag Dalsgarður Mosfellsbæ

17.08.2019

Kynning á deiliskipulagslýsingu:
Dalsgarður Mosfellsbæ, deiliskipulag


Mosfellsbær auglýsir hér með til kynningar deiliskipulagslýsingu, skv. 40. gr. skipulagslaga nr. 123/2010:

Fyrir gerð deiliskipulags fyrir lóðirnar Dalsgarð lnr. 123627, gróðrastöðina Dalsgarð lnr. 123628, og Víðigerði lnr. 125133. Á svæðinu eru allnokkrar byggingar m.a. gróðurhús til ylræktar sem stunduð er þar, íbúðarhús og geymsluhúsnæði. Í aðalskipulagi eru lóðirnar skilgreindar fyrir blandaða landnotkun, 214-Íb/L.

Megin viðfangsefni við deiliskipulagsgerðina er að skipuleggja og móta byggð á svæðinu, skýra lóðamörk og aðkomu, setja skilmála fyrir hæðir húsa, skýra landnotkun og nýtingarhlutfall.

Í deiliskipulagslýsingum kemur lögum samkvæmt fram hvaða áherslur sveitastjórn hefur við skipulagsgerðina og upplýsingar um forsendur og fyrirliggjandi stefnu og
fyrirhugað skipulagsferli, s.s. um kynningu og samráð gagnvart íbúum og öðrum hagsmunaaðilum. Þeir sem vilja kynna sér málið nánar vinsamlegast hafið samband
við skipulagsfulltrúa. 

GÖGN: 
Dalsgarður deiliskipulagslýsing (.pdf 398 kb)
Auglýsing (.pdf 771 kb)

Deiliskipulagslýsingin liggur frammi í þjónustuveri Mosfellsbæjar á 2. hæð Þverholts 2, 270 Mosfellsbæ og á heimasíðu bæjarins á slóðinni: mosfellsbaer.is/skipulagsauglysingar

Athugasemdum og ábendingum varðandi lýsinguna má skila til þjónustuversins eða til undirritaðs fyrir 9. september 2019.

17. ágúst 2019
Skipulagsfulltrúi Mosfellsbæjar
olafurm@mos.is

Til baka