Breyting á Aðalskipulagi Mosfellsbæjar 2011-2030 og Þingvallavegur – nýtt deiliskipulag

16/12/2016

Þingvallavegur – nýtt deiliskipulag

Mosfellsbær auglýsir hér með skv. 1. mgr. 43.gr. skipulagslaga nr. 123/2010 tillögu að deiliskipulagi Þingvallavegar.

Meginmáherslan við gerð skipulagsins er að móta og ákveða gerð umferðarmannvirkja og umhverfis þeirra með þeim hætti að stuðlað sé að auknu öryggi allra þátttakenda í umferðinni á svæðinu og ásættanlegri sambúð byggðar og vegar. Sérstaklega er hugað að öruggum gönguleiðum fyrir börn á leið í og úr skóla og ráðstöfunum til að draga úr hraðakstri.

GÖGN: Tillaga að deiliskipulagi Þingvallvegar des. 2016

Breyting á Aðalskipulagi Mosfellsbæjar

Samhliða gerð nýs deiliskipulags Þingvallavegar er gerð tillaga að breytingu á Aðalskipulagi Mosfellsbæjar 2011-2030 skv. 31.gr. skipulagslaga nr. 123/2010. Tillaga felst í því að felldur er út reiðstígur meðfram Þingvallavegi og gerð er breyting á nokkrum tenginum við Þingvallaveg.

GÖGNTillaga að aðalskipulagsbreytingu Þingvallavegur des. 2016

Deiliskipulag Þingvallvegur greinargerð

Ofangreindar tillögur verða til sýnis í þjónustuveri Mosfellsbæjar Þverholti 2, frá 17. desember 2016 til og með 28.janúar 2017 en einnig hér í pdf skjali, svo að þeir sem þess óska geti kynnt sér þær og gert við þær athugasemdir. Tillögurnar eru einnig birtar á heimasíðu Mosfellsbæjar á slóðinni:


Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbæ, eða í tölvupósti til undirritaðs eigi síðar en 28. janúar 2017.

17. desember 2016,
Skipulagsfulltrúi Mosfellsbæjar

 

Til baka