Fréttir eftir árum

Lækkun á fasteignagjöldum og heitu vatni árið 2018

28.12.2017Lækkun á fasteignagjöldum og heitu vatni árið 2018
Fjárhagsáætlun Mosfellsbæjar fyrir árið 2018 sem samþykkt var á bæjarstjórnarfundi þann 29.nóvember síðastliðinn gerir ráð fyrir um 308 m.kr. rekstrarafgangi. Það má því segja að rekstur og starfsemi bæjarfélagsins sé í góðu horfi og mun það svigrúm sem þetta veitir nýtast íbúum með einum eða öðrum hætti. Þessi rekstrarafkoma skilar sér til að mynda með 11% lækkun á fasteignagjöldum til íbúa og fyrirtækja í Mosfellsbæ fyrir árið 2018. Auk þessarar lækkunar mun verð á heitu vatni einnig lækka um 5% til íbúa Mosfellsbæjar á nýju ári.
Meira ...

Breytingar á þjónustu og leiðakerfi Strætó 7. janúar 2018

27.12.2017Breytingar á þjónustu og leiðakerfi Strætó 7. janúar 2018
Umfangsmiklar breytingar verða gerðar á þjónustu og leiðakerfi Strætó, sunnudaginn 7.janúar næstkomandi. Leið 6 mun aka á 10 mínúta fresti á annatímum, en á móti verður leiðin stytt. Hún mun byrja og enda ferðir sínar í Spönginni í stað Háholts. Leið 7 kemur ný inn í leiðakerfið sem eflir verulega þjónustu við íbúa og gesti Helgafellshverfis og Leirvogstunguhverfis. Leiðin mun aka frá Spöng, framhjá Egilshöll, í gegnum Staðahverfið, inn í Helgafellshverfið, í Leirvogstunguhverfið og til baka. Leið 6 mun aka til klukkan 01:00 alla daga og leið 7 mun aka til miðnættis.
Meira ...

Áramótabrenna með hefðbundnu sniði

27.12.2017Áramótabrenna með hefðbundnu sniði
Áramótabrenna verður staðsett neðan Holtahverfis við Leirvog. Kveikt verður í brennunni kl. 20:30. Munið að öll meðferð skotelda á svæðinu er bönnuð, stjörnuljós og blys eru hættuminni en flugeldar og tertur skulu geymast heima fyrir. Bæjarbúar eru hvattir til að ganga vel um að fjarlægja flugeldarusl.
Meira ...

Útskriftarhátíð Framhaldsskólans í Mosfellsbæ 20.desember 2017

21.12.2017Útskriftarhátíð Framhaldsskólans í Mosfellsbæ 20.desember 2017
Útskriftarhátíð Framhaldsskólans í Mosfellsbæ fór fram miðvikudaginn 20. desember s.l. kl. 14 við hátíðlega athöfn í húsnæði skólans við Háholt 35 í Mosfellsbæ. Að þessu sinni voru alls þrjátíu og sex nemendur brautskráðir, fjórtán af félags- og hugvísindabraut og fjórir af náttúruvísindabraut. Af opinni stúdentsbraut brautskráðust átján nemendur.
Meira ...

Sorphirða um hátíðarnar

20.12.2017Sorphirða um hátíðarnar
Yfir jól og áramót fellur oft til meira sorp frá heimilum en á öðrum tíma ársins. Það getur því verið ágætt að vita hvenær tunnurnar eru tæmdar. En það verður sem hér segir: Bláa tunnan verður tæmd í Mosfellsbæ dagana 20. og 21. desember einnig dagana 29. og 30. desember. Almennt sorp verður hreinsað 22. desember og 23. desember eða þorláksmessu. Eftir áramót verður almenna sorpið svo hirt dagana 2. og 3. janúar. Þess má geta að jólapappír má fara í bláu tunnuna.
Meira ...

Íþrótta- og tómstundasetur fyrir yngstu börnin heillavænlegt

20.12.2017Íþrótta- og tómstundasetur fyrir yngstu börnin heillavænlegt
Sigurður Guðmundsson, íþróttafulltrúi Mosfellsbæjar, og Hlynur funduðu saman og fengu þá hugmynd sem má segja að sé enn við lýði í dag. Í henni fólst að bjóða börnum í fyrstu bekkjum grunnskóla upp á íþrótta- og tómstundastarf þar sem þau fengu kynningu á grunnatriðum í þeim íþróttagreinum sem Afturelding býður upp á og þeim tómstundum sem boðið er upp á í Mosfellsbæ. Ekki er um skipulagðar æfingar að ræða heldur kynningarstarf þar sem börn fá að kynnast ýmum íþróttagreinum og tómstundum og fá að prufa sig áfram og finna hvað hentar.
Meira ...

Flutningar fjölskyldusviðs og fræðslu- og frístundasviðs í Kjarna

19.12.2017Flutningar fjölskyldusviðs og fræðslu- og frístundasviðs í Kjarna
Þann 21. desember nk. munu fjölskyldusvið og fræðslu- og frístundasvið Mosfellsbæjar flytja að nýju á 3. hæð í Kjarna en unnið hefur verið að viðgerðum á húsnæðinu vegna rakaskemmda frá því í vor. Áætlað er að flutningarnir standi yfir frá kl 11:00-15:00 þann dag og því má búast við smávægilegri röskun á þjónustu sviðanna á því tímabili.
Meira ...

Nýi gervigrasvöllurinn stenst FIFA próf og því löglegur keppnisvöllur

19.12.2017Nýi gervigrasvöllurinn stenst FIFA próf og því löglegur keppnisvöllur
Bæjarráð Mosfellsbæjar tók ákvörðun þann 22.08.2016 að endurnýja gervigras og gúmmíkurl á öllum spark- og keppnisvöllum í bænum. Gervigrasvöllurinn á Varmársvæðinu hefur hlotið svokallaða FIFA Quality Pro gæðavottun sem er sameiginleg krafa FIFA og UEFA um keppnisvelli með gervigrasi. Mosfellsbær óskar bæjarbúum og Aftureldingu til hamingju með endurnýjaðan gervigrasvöll á íþróttasvæðinu við Varmá.
Meira ...

Tilkynning frá Vatnsveitu Mosfellsbæjar

18.12.2017Tilkynning frá Vatnsveitu Mosfellsbæjar
Lokað verður fyrir kaltvatn í Leirvogstunghverfi þriðjudaginn 19. desember 2017 vegna tengingar á stofnæð milli kl:10:00 og 12:00
Meira ...

Ábendingar um ljóslausa staura

18.12.2017Ábendingar um ljóslausa staura
Þar sem nú er svartasta skammdegi og mikilvægt að ljósastaurar lýsi okkur leiðina er rétt að minna á að verði íbúar varir við ljóslausa staura er rétt að koma ábendingum til þjónustuvers Orkuveitu Reykjavíkur sem í framhaldinu útbýr verkbeiðni til vinnuflokks á vegum Orku Náttúrunnar sem annast lýsingu í Mosfellsbæ. Hægt er að koma ábendingum á framfæri annars vegar með tölvupósti á netfangið on@on.is eða í síma 591-2700.
Meira ...

Síða 1 af 28