Fréttir eftir mánuðum

Tónlistarmenn framtíðar

27.03.2015Tónlistarmenn framtíðar
Flottur hópur ungmenna í B-sveit skólahljómsveitar við Listaskóla Mosfellsbæjar spiluðu nokkur lög þegar ný og glæsileg slökkvistöð í Mosfellsbæ var formlega vígð við hátíðlega athöfn þann 20.mars síðast liðinn. Þessir ungu upprennandi tónlistarmenn stóðu sig með stakri prýði og fagmennsku og léku af fingrum fram eins og þau hefðu aldrei gert neitt annað en þess má geta að þessi hópur var að spila í fyrsta sinn opinberlega og óhætt að segja að spilað var við mikinn fögnuð frá áheyrendum. Krakkarnir standa nú í æfingum fyrir stóra Vortónleika sem haldnir verða þriðjudaginn 21. apríl í Varmárskóla.
Meira ...

Miðhverfi Helgafellshverfis, 2 tillögur að breytingum á deiliskipulagi

27.03.2015
Tillögurnar varða lóðirnar Vefarastræti 1-5, 32-38 og 40-46, og felast aðallega í breytingum á ákvæðum um bílastæði. Athugasemdafrestur er t.o.m. 11. maí.
Meira ...

Úrslit í Stóru upplestrarkeppninni 2015

27.03.2015Úrslit í Stóru upplestrarkeppninni 2015
Stóra upplestrarkeppnin í 7. bekk fór fram í hátíðarsal Lágafellsskóla fimmtudagskvöldið 26. mars. 10 nemendur úr grunnskólum Mosfellsbæjar, Lágafellsskóla og Varmárskóla kepptu til úrslita. Úrslitin urðu þannig að Úlfur Ólafsson úr Lágafellsskóla varð í fyrsta sæti, Kría Sól Guðjónsdóttir úr Lágafellsskóla varð í öðru sæti og Máni Hákonarson úr Varmárskóla varð í þriðja sæti.
Meira ...

Íslandsmeistaramót í Dodgeball

27.03.2015 Íslandsmeistaramót í Dodgeball
Laugardaginn 28. mars mun fyrsta Íslandsmeistaramótið í Dodgeball fara fram. Verður það haldið í íþróttahúsinu Varmá í Mosfellsbæ og hefst mótið kl 17:30. Þátttökugjald er 2500 kr á lið og mun sú upphæð renna óskert til styrktar Mottumars Til þess að skrá liðið sitt og fyrir frekari upplýsingar sendið tölvupóst á baldursson92@gmail.com með nafni liðsins og fjölda þátttakenda. Það eru 6 leikmenn inná í einu enn hægt er að vera með tvo varamenn ef fólk vill skipta.
Meira ...

Sumarstörf fyrir 17 ára og eldri í Mosfellsbæ

27.03.2015 Sumarstörf fyrir 17 ára og eldri í Mosfellsbæ
Umsóknarfrestur til að sækja um sumarstörf hjá Mosfellsbæ fyrir ungmennir 17 ára og eldri er til og með sunnudagsins 29. mars, ert þú búin/nn að sækja um ? HEFÐBUNDIN SUMARSTÖRF eru ætluð ungu fólki, 18 ára og eldri. SUMARÁTAKSSTÖRF er eingöngu fyrir 17 til 20 ára. Sækja skal um í gegnum Íbúagátt Mosfellsbæjar
Meira ...

Átak gegn heimilisofbeldi í Mosfellsbæ

26.03.2015Átak gegn heimilisofbeldi í Mosfellsbæ
Haraldur Sverrisson bæjarstjóri í Mosfellsbæ og Sigríður Björk Guðjónsdóttir lögreglustjóri á höfuðborgarsvæðinu undirrituðu í dag samstarfsyfirlýsingu um átak gegn ofbeldi á heimilum. Mosfellsbær er annað sveitarfélagið af sveitarfélögunum á höfuðborgarsvæðinu til að undirrita slíka yfirlýsingu, en Reykjavík staðfesti þátttöku með undirritun 12. janúar sl.
Meira ...

Íbúar í Stórakrika athugið

25.03.2015Íbúar í Stórakrika athugið
Vegna viðgerðar á heitavatnslögn verður heitavatnslaust í Stórakrika, fimmtudaginn 26.mars frá kl. 10 og fram eftir degi. Hitaveita Mosfellsbæjar.
Meira ...

Stóra upplestrarkeppnin

25.03.2015Stóra upplestrarkeppnin
Stóra upplestrarkeppnin verður haldin í Lágafellsskóla fimmtudaginn 26. mars kl. 20.00. Á hátíðinni munu nemendur í 7. bekk, sem valdir hafa verið úr grunnskólum Mosfellsbæjar, lesa brot úr skáldverki og flytja ljóð. Dómnefnd velur þrjá bestu upplesarana og veitir verðlaun. Hljóðfæraleikarar og skólakór Varmárskóla.
Meira ...

Fastir greiðsludagar fjárhagsaðstoðar

25.03.2015Fastir greiðsludagar fjárhagsaðstoðar
Frá og með 1. apríl n.k. verður fjárhagsaðstoð á vegum Mosfellsbæjar greidd út á föstum greiðsludögum; 1., 10. og 20. hvers mánaðar eða fyrsta virka dag á eftir. Umsókn um fjárhagsaðstoð þarf að berast með tilskyldum gögnum fyrir 20. hvers mánaðar þannig að tryggt sé að afgreiðslu hennar sé lokið fyrir næstu mánaðarmót á eftir. Vonast er til að fastir greiðsludagar auki skilvirkni í vinnslu umsókna um fjárhagsaðstoð.
Meira ...

Tónleikar í Kjarna

24.03.2015Tónleikar í Kjarna
Þrír kórar í Mosfellsbæ halda sameiginlega tónleika miðvikudaginn 25. mars kl. 20:00 í Kjarnanum í Mosfellsbæ. Kórarnir eru Kammerkór Mosfellsbæjar, Álafosskórinn og Barnakór Varmárskóla. Kórarnir syngja fjölbreytta kórtónlist frá ýmsum heimshornum og lokin syngja kórarnir saman. Stjórnendur kóranna eru Símon H. Ívarsson, Ástvaldur Traustason og Guðmundur Ómar Óskarsson.
Meira ...

Íbúar í Reykjahverfi athugið

23.03.2015Íbúar í Reykjahverfi athugið
Vegna viðgerðar verður lokað fyrir heitt vatn frá kl. 13 og fram eftir degi, þriðjudaginn 24.mars í Reykjahverfi. Hitaveita Mosfellsbæjar.
Meira ...

Opið hús hjá Skólaskrifstofu - Máttur tengslanna

20.03.2015Opið hús hjá Skólaskrifstofu - Máttur tengslanna
Fimmta og jafnframt síðasta opna hús vetrarins hjá Skólaskrifstofu Mosfellsbæjar verður haldið miðvikudaginn 25. mars klukkan 20 í Listasal Mosfellsbæjar. Að þessu sinni fjallar Valgerður Baldursdóttir geðlæknir, um mikilvægi öruggrar tengslamyndunar á fyrstu æviárunum og um góð tengsl milli foreldra og barna allan uppvöxtinn sem grunn að velferð þeirra almennt og þar með talið andlegu og líkamlegu heilbrigði.
Meira ...

Kaldavatnslaust í Mosfellsdal

19.03.2015Kaldavatnslaust í Mosfellsdal
Kaldavatnslaust verður í Mosfellsdal vegna viðgerðar á stofnæð, föstudaginn 20.mars frá kl 08:30 og frameftir degi.
Meira ...

Opnað fyrir umsóknir um vinnuskóla

18.03.2015Opnað fyrir umsóknir um vinnuskóla
Tekið verður á móti skráningum í Vinnuskólann frá 19. mars - 06. apríl í gegnum íbúagátt Mosfellsbæjar. Vinnuskóli Mosfellsbæjar er starfræktur fyrir nemendur í 8., 9. og 10. bekk í grunnskólum Mosfellsbæjar. Þeir sem sækja um fyrir þann tíma geta treyst því að fá vinnu í sumar, en ekki er víst að hægt sé að verða við öllum beiðnum um vinnutímabil.
Meira ...

Innritun nemenda

18.03.2015Innritun nemenda
Listaskóli Mosfellsbæjar - tónlistardeild - auglýsir eftir innritun nemenda fyrir skólaárið 2015 – 2016. Nemendur, sem eru í námi við Listaskóla Mosfellsbæjar – tónlistardeild, þurfa að staðfesta áframhaldandi nám fyrir 15. apríl 2015. Umsóknarfrestur fyrir nýja nemendur er til 15. apríl. Nýir nemendur þurfa að sækja um skólavist í gegnum íbúagáttina á vef Mosfellsbæjar,
Meira ...

Vatnstjón víða í Mosfellsbæ

16.03.2015Vatnstjón víða í Mosfellsbæ
Töluvert tjón varð í Mosfellsbæ í illviðrinu sem geisaði á laugardagsmorguninn. Líkja má ástandinu víða í bænum við náttúruhamfarir. Starfsmenn Mosfellsbæjar stóðu vaktina og vinna hófst þegar síðdegis á föstudag við að hreinsa frá ræsum og þess háttar. Mikill snjór í byggð og fjöllum og gríðarleg úrkoma varð þess valdandi að vatn flæddi upp úr ám og litlir lækir breyttust í stórfljót sem hrifu með sér varnargarða, hleðslur og göngubrýr. Fráveitukerfið hafði ekki undan og brunnar fylltust af vatni.
Meira ...

Hagir og líðan unglinganna okkar

16.03.2015Hagir og líðan unglinganna okkar
Hver er staða á vímuefnanotkun unglinga í Mosfellsbæ? Hvernig líður unglingunum okkar? Nú í ársbyrjun 2015 var könnuð vímuefnaneysla í 8.- 10. bekk og almennt hagir og líðan unglinga. Niðurstöður þeirra könnunar verða kynntar foreldum unglinga í Mosfellsbæ dagana 17. mars og 19. mars og er kynningin í höndum fyrirtækisins Rannsókn og greining. Áhugaverð kynning á þeim árangri sem náðst hefur og á því sem við, sem samfélag, þurfum að rýna í og gera betur.
Meira ...

Tjón í Mosfellsbæ vegna óveðurs

14.03.2015Tjón í Mosfellsbæ vegna óveðurs
Talsvert tjón hefur orðið í Mosfellsbæ vegna vatnsflaums í óveðri sem gekk yfir höfuðborgarsvæðið í nótt og í morgun. Tjónið tekur til gatna, stíga, bílakjallara og húsa. Ekki er ljóst á þessari stundu nákvæmlega hversu mikið tjón hefur orðið.
Meira ...

Mottudagurinn á Bæjarskrifstofu.

13.03.2015Mottudagurinn á Bæjarskrifstofu.
Mottumarsdagurinn er í dag 13. mars og auðvitað tökum við á Bæjarskrifstofu þátt í að sýna þessu þarfa átaki stuðning. Dömurnar á Bæjarskrifstofu Mosfellsbæjar mættu í sínu fínasta pússi og velmottaðar að sjálfsögðu í tilefni dagsins. Boðið var upp á mottutertu með morgunkaffinu. ‪Tökum öll þátt og gerum eitthvað skemmtilegt í tilefni dagsins.
Meira ...

Matráður í Höfðaberg, útibú Lágafellsskóla

13.03.2015Matráður í Höfðaberg, útibú Lágafellsskóla
Óskum eftir að ráða aðstoðarmatráð í eldhús Höfðabergs. Staðan er laus nú þegar. Vinnutími 08:00 – 16:00. Við hvetjum fólk af báðum kynjum til að sækja um
Meira ...

Huga þarf að frárennslislögnum og niðurföllum

13.03.2015Huga þarf að frárennslislögnum og niðurföllum
Veðurstofan hefur sent frá sér viðvörun vegna vatnavaxta og hláku, en spáð er mikilli rigningu sunnan og suðaustanlands með hlýindum síðdegis á morgun, föstudaginn 13. mars fram á sunnudag 15. mars auk hlýinda um allt land. Mosfellingar eru hvattir til að huga vel að frárennslislögnum og niðurföllum við hús sín og hreinsa ís o.þ.h. ef við á til að fyrirbyggja vatnstjón.
Meira ...

Úthlutun leikskólavistar barna fædd 2013 eða fyrr

13.03.2015Úthlutun leikskólavistar barna fædd 2013 eða fyrr
Sú nýbreytni var gerð sl vor að í stað þess að senda út bréf þegar barn fær úthlutað leikskólavist, eru upplýsingar settar inn á Íbúagátt um hvar barn fær úthlutað. Þegar þessar upplýsingar eru komnar inn, fær umsóknin stöðuna "úthlutað" í stað "mál í vinnslu" Smella verður á flipann MÁLIN MÍN og þar á málsnúmer umsóknar til að sjá í hvaða leikskóla barnið hefur fengið leikskólavist.
Meira ...

Sumarstörf hjá Mosfellsbæ 2015

13.03.2015Sumarstörf hjá Mosfellsbæ 2015
Mosfellsbær auglýsir laus til umsóknar sumarstörf. Umsóknarfrestur er til og með 29. mars 2015. Sækja skal um í gegnum Íbúagátt Mosfellsbæjar. Allar nánari upplýsingar um störf, starfsheiti, starfssvið, hæfnikröfur, laun og vinnutímabil er að finna á heimasíðu Mosfellsbæjar. Þeir ganga fyrir um sumarstörf sem eiga lögheimili í Mosfellsbæ.
Meira ...

Tillögur að breytingum á deiliskipulagi Miðbæjar og við Æðarhöfða

12.03.2015
Stækkun byggingarreits og hækkun nýtingarhlutfalls á lóð fyrir færanlegar kennslustofur við Æðarhöfða, og breytingar á fjölbýlislóðum við Þverholt, m.a. vegna leiguíbúða. Athugasemdafrestur til 24. apríl 2015.
Meira ...

Þátttaka í unglingaverkefni norrænna vinabæja Mosfellsbæjar

06.03.2015Þátttaka í unglingaverkefni norrænna vinabæja Mosfellsbæjar
Auglýst er til umsóknar fyrir ungmenni í 9. bekk í grunnskólum Mosfellsbæjar að taka þátt í unglingaverkefni norrænna vinabæja Mosfellsbæjar. Vinabæirnir eru Thisted, Uddevalla, Mosfellsbær, Loimaa og Skien. Staðsetning unglingaverkefnisins í ár er í Loimaa vinabæ okkar í Finnlandi dagana 11.-16. júní 2015
Meira ...

Góð heimsókn á Bæjarskrifstofu

06.03.2015Góð heimsókn á Bæjarskrifstofu
Fræðslusvið Mosfellsbæjar fékk góða heimsókn nú á dögunum, frá eldri kennurum, sem látið hafa af störfum en flestir þessara kennara hafa starfað lengst af í Varmárskóla og Lágafellsskóla. Þessi öflugi hópur sem hefur látið sig varða velferð og líðan barna í skólum, hefur haldið saman um árabil, hist reglulega og fylgst með hvað er að gerast í skólamálum á landinu og lagt sitt af mörkum í umræðunni um skólastarf á Íslandi í von um betri menntun og betri skóla fyrir nemendur.
Meira ...

Íþrótta- og tómstundanefnd auglýsir eftir umsóknum vegna úthlutunar styrkja til efnilegra ungmenna

04.03.2015Íþrótta- og tómstundanefnd auglýsir eftir umsóknum vegna úthlutunar styrkja til efnilegra ungmenna
Íþrótta- og tómstundanefnd auglýsir eftir umsóknum vegna úthlutunar styrkja til efnilegra ungmenna sem leggja stund á íþróttir, tómstundir eða listir. Öll ungmenni á aldrinum 14 til 20 ára, með lögheimili í Mosfellsbæ, sem skara fram úr og hafa sýnt sérstaka hæfileika á sínu sviði geta sótt um styrkinn.
Meira ...

Minnum á Opið hús Skólaskrifstofu klukkan 20

04.03.2015Minnum á Opið hús Skólaskrifstofu klukkan 20
Kroppurinn er kraftaverk.Kroppurinn er kraftaverk. Að þessu sinni fjallar Sigrún Daníelsdóttir, sálfræðingur og höfundur bókarinnar Kroppurinn er kraftaverk um líkamsvirðingu meðal barna. Í fyrirlestrinum verður rætt um líkamsmynd barna og unglinga, hvernig fjölmiðlar og önnur samfélagsáreiti hafa áhrif á viðhorf barna gagnvart holdafari sínu og annarra. Hvernig skapa megi umhverfi sem stuðlar að jákvæðri líkamsmynd og virðingu fyrir fjölbreytileika líkamsvaxtar.
Meira ...

Síða 0 af Infinity