Í túninu heima

Í túninu heima

Bæjarhátíð Mosfellsbæjar, Í túninu heima, er haldin síðustu helgina í ágúst ár hvert. Árið 2016 er hátíðin dagana 26.ágúst til 28.ágúst. Hátíðin er sannkölluð fjölskylduhátíð sem stendur í þrjá daga og geta allir fundið eitthvað við sitt hæfi.

Fylgist með á Facebook síðu hátíðarinnar

 

HÉR MÁ SJÁ  DAGSKRÁ BÆJARHÁTÍÐARINNAR ÞEGAR NÆR DREGUR 

Bærinn er klæddur í hátíðarbúning með skreytingum þar sem hvert hverfi hefur sinn lit. Fjölbreyttir menningarviðburðir eru í boði, tónleikar, myndlistasýningar, útimarkaðir og íþróttaviðburðir svo fátt eitt sé nefnt. Hátíðin hefst formlega á föstudagskvöldi með skrúðgöngu varðeld og brekkusöng í Álafosskvos.

Hápunktur hátíðarinnar er á laugardagskvöld þegar stórtónleikar fara fram á miðbæjartorgi og stíga ávallt landsþekktar hljómsveitir ásamt heimamönnum á svið.

Íbúar, félagasamtök og fyrirtæki í Mosfellsbæ eru hvattir til að taka virkan þátt í hátíðinni og ef einhverjir luma á hugmyndum eða vilja vera með viðburð Í túninu heima hjá sér, þá má senda tölvupóst á ituninuheima[hjá]mos.is.

Til að fá upplýsingar um markaðinn í Álafosskvos má hringja í Unni í síma 865-2116 eða fara inn á Facebook síðu markaðarins. 

MOSFELLSBÆJARPEYSAN

Mosfellsbæjarpeysan

Saga ullariðnaðar á Íslandi hefur verið samofin sögu Mosfellsbæjar í gegnum tíðina. Í tilefni bæjarhátíðarinnar hefur Mosfellsbær látið hanna „Mosfellsbæjarpeysu“ og má finna uppskriftir hér að neðan. Peysan ber merki Mosfellsbæjar og hægt er að velja mynstur eftir mismunandi hverfislit.
Mosfellingar eru hvattir til að fjölmenna í ullarpartý í Álafosskvos sem fram fer föstudagskvöldið 28. ágúst. 

Prjónauppskriftir: 

Bláa hverfið
Bleika hverfið
Gula hverfið
Rauða hverfið 

      Prjónauppskriftir birtast hér á pdf-formi
(Adobe Acrobat Reader) 
Adobe Acrobat Reader er hægt að nálgast hér.

LITASKIPTING HVERFA Á BÆJARHÁTÍÐ: 

GULUR:       Hlíðar, Höfðar, Tún og Mýrar
RAUÐUR:    Tangar, Holt og miðbær
BLEIKUR:   Teigar, Krikar, Lönd, Ásar, Tungur og Mosfellsdalur
BLÁR:          Reykjahverfi og Helgafellsland