Jafnlaunavottun 2018-2021

JAFN­LAUNA­VOTT­UN  2018-2021

Mosfellsbær hlýtur jafnlaunavottun fyrst sveitarfélaga  

Mosfellsbær hefur hlotið vottun um að það starfræki launakerfi sem stenst kröfur jafnlaunastaðalsins ÍST 85:2012.

Haraldur Sverrisson bæjarstjóri Mosfellsbæjar tók á móti skírteini þann 18. maí þessu til staðfestingar frá BSI á Íslandi sem er faggiltur vottunaraðili. Þetta þýðir að Mosfellsbær uppfyllir öll viðmiðum lögbundins jafnlaunastaðals og telst launasetning innan Mosfellsbæjar vera hlutlaus gagnvart kyni og öðrum óhlutbundnum þáttum. 

Afhending jafnlaunavottunarBæjarráð Mosfellsbæjar ákvað í apríl 2018 að hefja vinnu við að afla sveitarfélaginu jafnlaunavottunar í kjölfar jákvæðrar niðurstöðu í launaúttekt sem unnin var af PricewaterhouseCooopers. 



Jafnlaunaviðurkenning PWCMosfellsbær hlýtur gullmerki Jafnlaunaúttektar PwC 2018

Eins og áður var getið hóf Bæjarráð Mosfellsbæjar á 1285. fundi sínum að hefja vinnu við framkvæmd jafnlaunaúttekt hjá sveitarfélaginu og var PwC falið það verkefni. Markmið úttektarinnar var að greina hvort að sveitarfélagið greiði starfsmönnum, óháð kyni, sömu laun fyrir sambærileg störf.

Mosfellsbær er, ásamt einu öðru sveitarfélagi, með næst minnsta mun sem mælst hefur á grunnlaunum hjá opinberum stofnunum og sveitarfélögum. Af þeim 76 jafnlaunaúttektum sem PwC hefur framkvæmt er Mosfellsbær í 6.-8. sæti þegar litið er til grunnlauna og í 9. sæti þegar horft er til heildarlauna.

Equal pay management systemJafnlaunavottun var náð um mitt ár 2018.
Niðurstöður úttektarinnar eru þær að kynbundinn launamunur er hverfandi innan Mosfellsbæjar og sveitarfélagið hlýtur því gullmerki Jafnlaunaúttektar PwC. 

Gullmerki PWC jafnlaunamerkis

Haraldur Sverrisson, bæjarstjóri Mosfellsbæjar:
„Við hjá Mosfellsbæ erum ákaflega stolt af því að hljóta gullmerki Jafnlaunavottunar PwC í ár. Í gegnum tíðina höfum við lagt áherslu á að líta hlutlaust á hvert starf fyrir sig, skilgreina kröfur um ábyrgð og ákvarða laun sjálfstætt út frá hverju starfi fyrir sig og þeirrar hæfni sem krafist er. Gullmerkið er okkur hvatning til að halda áfram að standa okkur vel á þessu sviði og góð viðurkenning fyrir stjórnendur og starfsmenn Mosfellsbæjar.“