Helgafellsskóli - Deildastjóri óskast

VIÐ LEITUM AÐ ÖFLUGUM DEILDARSTJÓRA TIL STARFA Á YNGSTA STIG OG Í LEIKSKÓLA OKKAR.

Viltu vera með í að móta og þróa nýjan skóla í fallegu umhverfi sem opnar í Helgafellslandi í Mosfellsbæ í janúar 2019. Umgjörð skólans er heildstætt skólastarf í leik- og grunnskóla þar sem samþætt er nám, leikur og frístundir. Í skólanum verður unnið út frá fjölbreyttum kennsluaðferðum og vellíðan nemenda verður í fyrirrúmi.

Við óskum eftir að ráða deildarstjóra á yngsta stig og í leikskólahluta skólans í 50% starf frá og með 15. janúar 2019. Um framtíðarstarf er að ræða. Verksvið deildarstjóra verður að móta og halda utan um faglegt starf allra leikskóladeilda skólans og yngstu deilda grunnskólans.

Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Menntunar- og hæfnikröfur:

• Leyfisbréf í leik- og grunnskóla
• Viðbótarmenntun sem nýtist í starfi
• Reynsla af starfi með börnum í bæði leik- og grunnskóla
• Frumkvæði og faglegur metnaður
• Sjálfstæð og skipulögð vinnubrögð
• Góð íslenskukunnátta og reynsla til að miðla upplýsingum
• Framúrskarandi færni í samskiptum

Umsóknarfrestur er til og með 22. desember 2018.

Umsóknir ásamt starfsferilsskrá og kynningarbréfi sem greinir frá reynslu, menntun og fyrri störfum ásamt rökstuðningi fyrir hæfni í starfið skulu berast á netfangið rosai@mos.is. Nánari upplýsingar um starfið veitir Rósa Ingvarsdóttir skólastjóri í síma 694-7377. Um framtíðarstarf er að ræða. Öllum umsóknum verður svarað. Laun eru samkvæmt kjarasamningi Sambands ísl. sveitarfélaga og viðkomandi stéttarfélags. Ráðið er í öll störf óháð kyni.

Sjá auglýsingu (.pdf)