Frístundaávísun

Frístundir

Mosfellsbær styrkir frístundaiðkun allra barna og unglinga á aldrinum 6-18 ára með lögheimili í Mosfellsbæ með fjárframlagi á móti kostnaði við frístundaiðkun. Markmið þessarar niðurgreiðslu er að hvetja börn og unglinga til að finna sér frístund sem hentar hverjum og einum.

Hægt er að ráðstafa styrknum gegnum flest frístundakerfi frístundafélaga í þeim tilfellum er valið að nýta frístundaávísun um leið og barn er skráð hjá félaginu. Styrk til annarra félaga þarf að skrá gegnum íbúagátt Mosfellsbæjar. Frístundatímabil nær yfir skólaár og hefst 15. ágúst ár hvert til 31. maí árið eftir. 


FRÍSTUNDATÍMABILIÐ 2018-2019 

Börn fædd á árunum 2001 til 2012 eiga rétt á frístundaávísun á frístundatímabilinu 15. ágúst 2018 til 31.maí 2019. Þar að segja fyrir börn sem verða 6 ára og 18 ára á árinu, börn sem eru að hefja nám í fyrsta bekk grunnskóla til og með unglinga á öðru ári í framhaldsskóla. Sé barn orðið 18 ára sækir það sjálft um á íbúagáttinni. Athugið að aðeins börn með lögheimili í Mosfellsbæ fá valmöguleika um að nýta frístundaávísun.


UPPHÆÐ FRÍSTUNDAÁVÍSUNAR 

Frístundaávísun 2018-2019 er 50.000 kr. en hækkar fyrir þriðja barn upp í 60.000, einnig fyrir fjórða og fimmta barn o.s.frv.. Þetta á við um fjölskyldur sem skráð eru með sama lögheimili og fjölskyldunúmeri hjá foreldra.

Barnafjöldi     Samtals upphæð
      á fjölskyldu
    Meðaltal /
      ráðstöfun á barn
Barn 1: 50.000.- 50.000.- 50.000.-* 
Barn 2: 50.000.- 100.000.-50.000.-* 
Barn 3: 60.000.- 160.000.-53.333.-*
Barn 4: 60.000.- 220.000.- 55.000.-* 
Barn 5: 60.000.- 280.000.-56.000.-*

*Sú upphæð sem forráðamaður getur ráðstafað fyrir hvert barn


RÁÐSTÖFUN ÁVÍSUNAR

Hægt er að ráðstafa ávísun víða gegnum skráningakerfi frístundafélaga. Á íbúagátt er að finna lista yfir öll skráð frístundafélög hjá Mosfellsbæ.

Ef félag sem barn vill sækja námskeið hjá býður ekki upp á að nýta frístundaávísun hjá Mosfellsbæ eða er ekki skráð í íbúagáttinni þarf viðkomandi félag að senda beiðni á fristundmos[hja]mos.is og sækja um að komast á listann, félög þurfa að uppfylla allar kröfur og samþykkja skilmála Mosfellsbæjar. Sjá samskiptareglur hér

 

FRÍSTUNDIR MOSFELLSBÆJAR OG FÉLÖG ÁN EIGIN FRÍSTUNDAKERFIS

Ef ráðstafa á ávísun vegna eftirfarandi frístundastarfs þarf að notast við skráningarkerfi á íbúagátt. Velja þarf barn, félag og slá inn þá upphæð sem á að ráðstafa af frístundastyrknum til viðkomandi félags. Sjá á íbúagátt hér.  

     Listaskóli Mosfellsbæjar
     Skólahljómsveit Mosfellsbæjar
     Frístundasel - Höfðaberg
     Frístundasel - Krikaskóli
     Frístundasel - Lágafellsskóli
     Frístundsel – Varmárskóli
     Bogfimisetrið
     Crossfit Reykjavík
     Dale Carnegie
     Dansfélagið Hvönn
     Dansskóli Brynju Péturs
     Einhverfusamtökin
     Elding Líkamsrækt ehf
     Fjarform.is
     Golfklúbbur Mosfellsbæjar
     Hnefaleikafélagið ÆSIR
     Hestamannafélagið Hörður
     Íþróttafélag fatlaðra Reykjavík
     Klassíski Listdansskólinn
     Klifurhúsið
     Kvan
     Leikfélag Mosfellssveitar
     Lestarmiðstöðin
     Listdansskóla Íslands / Dansmennt ehf.
     Myndlistarskóli Mosfellsbæjar
     Pólski skólinn
     Reykjadalur slf
     Reykjavíkurborg - frístundarheimili
     Skylmingafélag Reykjavíkur
     Sporthúsið
     Sundfélagið Óðinn
     Sönglist
     Tennis- og badmintonfélag Reykjavíkur
     Tónskóli Sigursveins
     Tóney ehf
     Vocal Art
     Öspin
 

 Úthlutun á íbúagátt - Leiðbeiningar:


Hvernig er frístundaávísunin notuð? 

Hægt er að ráðstafa frístundaávísun á tvo vegu:
A) Með því að nýta frístundaávísun í skráningarkerfi viðkomandi félags (Nóra) þar sem ávísun er nýtt upp í skráningargjöld félags/námskeiðs
B) Með því að ráðstafa ávísun á íbúagátt til félags sem ekki er með eigið skráningarkerfi
 

A) Ráðstöfun frístundaávísunar í skráningarkerfi félags

  1. Þegar iðkanndi er skráður á námskeið/í félag er farið á skráningarkerfi þess félags (t.d. afturelding.felog.is. Sjá upplýsingar á heimasíðu hvers félags)
  2. Þar er valið að "nýta frístundaávísun" á móti námskeiðs/félagsgjöldum. Kerfið sækir þá upphæð ávísunar sjálfkrafa sem barn á rétt á. Foreldri getur kosið að breyta upphæð sem nýta á.
  3. Þegar skráning á námskeið er staðfest er frístundaávísun ráðstafað sjálfkrafa.
B) Ráðstöfun frístundaávísunar á Íbúagátt
Athugið: Ekki hefur verið opnað fyrir skráningu í eftirfarandi félög. Skráning opnar síðar í ágúst.
  1. Skráðu þig inn í Íbúagátt Mosfellsbæjar.
  2. Þar smellirðu á flipann "Frístundaávísun" efst á síðunni og færð upp umsóknareyðublað.
  3. Veldu barn til að birta lista yfir frístundastarf sem er í boði hjá sveitarfélaginu. (Barnið þarf að eiga lögheimili í Mosfellsbæ og hafa ekki þegar nýtt frístundaávísunina.)
  4. Veldu að opna skráningu félaga án frístundakerfa. (Hægt er að skipta ávísuninni þannig að hún renni til tveggja félaga.)
  5. Staðfestu upphæð frístundaávísunar sem á að nýta. (Með staðfestingu sinni á frístundaávísun í gegnum Íbúagátt Mosfellsbæjar samþykkir forráðamaður barns að Mosfellsbær greiði völdu félagi eða félögum þá styrkfjárhæð sem tilgreind var við félagið.)
  6. Þegar umsóknarferlinu er lokið hefur ávísun verið úthlutað til viðkomandi félags.

        Athugið: Eingöngu er verið að ráðstafa frístundaávísun, ekki greiða námskeiðsgjöld.

frístund - Hvað er í boði