Frístundaávísun

FrístundirMosfellsbær styrkir frístundaiðkun allra barna og unglinga á aldrinum 6-18 ára með lögheimili í Mosfellsbæ með framlagi að upphæð 27.500,- kr. Markmið þessarar niðurgreiðslu er að hvetja börn og unglinga til að finna sér frístund sem hentar hverjum og einum. 

Styrkurinn er afhentur í gegnum íbúagátt Mosfellsbæjar og geta foreldrar og forráðamenn því með rafrænum hætti greitt fyrir frístundaiðkun barna sinna. Tímabil styrkveitingar hefst 15. ágúst ár hvert til 31. maí árið eftir. 

Ef félag sem barn vill sækja námskeið hjá er ekki skráð í íbúagáttinni þarf viðkomandi félag að senda beiðni á mos[hja]mos.is og sækja um að komast á listann, félög þurfa að uppfylla allar kröfur og samþykkja skilmála Mosfellsbæjar. Sjá samskiptareglur hér

Umsókn fer til Tómstundafulltrúa sem samþykkir viðkomandi félag  og bætir á listann.  Umsókn um skráningu skal fylgja : 

Nafn félags
kennitala
Sími og netfang tengilins
Reikningsnúmer félags 
Hvernig er frístundaávísunin notuð?
  1. Skráðu þig inn í Íbúagátt Mosfellsbæjar.
  2. Þar smellirðu á hnappinn "Frístundaávísun" vinstra megin á síðunni og færð upp umsóknareyðublað.
  3. Veldu barn. (Barnið þarf að eiga lögheimili í Mosfellsbæ og hafa ekki þegar nýtt frístundaávísunina.)
  4. Veldu frístundafélag. (Hægt er að skipta ávísuninni þannig að hún renni til tveggja félaga.)
  5. Staðfestu greiðslu. (Með staðfestingu sinni á frístundaávísun í gegnum Íbúagátt Mosfellsbæjar samþykkir forráðamaður barns að Mosfellsbær greiði völdu félagi eða félögum þá styrkfjárhæð sem tilgreind var við félagið.)
  6. Þegar umsóknarferlinu er lokið birtist mynd af ávísun sem annað hvort er hægt að prenta út eða senda beint með tölvupósti á viðkomandi félag.
frístund - Hvað er í boði