Frístundaávísun

FrístundirMosfellsbær styrkir frístundaiðkun allra barna og unglinga á aldrinum 6-18 ára með lögheimili í Mosfellsbæ með fjárframlagi á móti kostnaði við frístundaiðkun að lágmarki upphæð 32.500,-kr. Markmið þessarar niðurgreiðslu er að hvetja börn og unglinga til að finna sér frístund sem hentar hverjum og einum.

Styrkurinn er afhentur í gegnum íbúagátt Mosfellsbæjar og geta foreldrar og forráðamenn því með rafrænum hætti greitt fyrir frístundaiðkun barna sinna. Tímabil styrkveitingar hefst 15. ágúst ár hvert til 31. maí árið eftir. 

Bæjarstjórn Mosfellsbæjar samþykkti í fjárhagsáætlun 2017 haustið 2016 að  frístundaávísun hækki sérstaklega fyrir barnmargar fjölskyldur. Frístundaávísun fyrir fyrsta barn 2017-2018 verður  32.500 kr. en hækkar um 25% fyrir annað barn og aftur um 25% við þriðja barn.  Þegar foreldri kýs að nýta frístundaávísun við skráningu iðkennda hjá frístundafélaga eða ráðstafar frístundaávísun á í íbúagátt kemur hækkun á upphæð ávísunar sjálfkrafa fram eftir fjölda barna sem skráð eru með sama lögheimili hjá foreldri: 

  • Foreldri með 1 barn fær 32.500 á það barn.
  • Foreldri með 2 börn fær 40.625 á hvort barn.
  • Foreldri með 3+ börn fær 50.781 á hvert barn.

Ef félag sem barn vill sækja námskeið hjá býður ekki upp á að nýta frístundaávísun hjá Mosfellsbæ eða er ekki skráð í íbúagáttinni þarf viðkomandi félag að senda beiðni á fristundmos[hja]mos.is og sækja um að komast á listann, félög þurfa að uppfylla allar kröfur og samþykkja skilmála Mosfellsbæjar. Sjá samskiptareglur hér

Hvernig er frístundaávísunin notuð? 
Hægt er að ráðstafa frístundaávísun á tvo vegu:
 A) Með því að nýta frístundaávísun í skráningarkerfi viðkomandi félags (Nóra) þar sem ávísun er nýtt upp í skráningargjöld félags/námskeiðs
B) Með því að ráðstafa ávísun á íbúagátt til félags sem ekki er með eigið skráningarkerfi

A) Ráðstöfun frístundaávísunar í skráningarkerfi félags

  1. Þegar iðkanndi er skráður á námskeið/í félag er farið á skráningarkerfi þess félags (t.d. afturelding.felog.is. Sjá upplýsingar á heimasíðu hvers félags)
  2. Þar er valið að "nýta frístundaávísun" á móti námskeiðs/félagsgjöldum. Kerfið sækir þá upphæð ávísunar sjálfkrafa sem barn á rétt á. Foreldri getur kosið að breyta upphæð sem nýta á.
  3. Þegar skráning á námskeið er staðfest er frístundaávísun ráðstafað sjálfkrafa.
B) Ráðstöfun frístundaávísunar á Íbúagátt
  1. Skráðu þig inn í Íbúagátt Mosfellsbæjar.
  2. Þar smellirðu á flipann "Frístundaávísun" efst á síðunni og færð upp umsóknareyðublað.
  3. Veldu barn til að birta lista yfir frístundastarf sem er í boði hjá sveitarfélaginu. (Barnið þarf að eiga lögheimili í Mosfellsbæ og hafa ekki þegar nýtt frístundaávísunina.)
  4. Veldu námskeið sem barnið ætlar að sækja. (Hægt er að skipta ávísuninni þannig að hún renni til tveggja félaga.)
  5. Staðfestu upphæð frístundaávísunar sem á að nýta og greiðslumöguleika. (Með staðfestingu sinni á frístundaávísun í gegnum Íbúagátt Mosfellsbæjar samþykkir forráðamaður barns að Mosfellsbær greiði völdu félagi eða félögum þá styrkfjárhæð sem tilgreind var við félagið.)
  6. Þegar umsóknarferlinu er lokið hefur barn verið skráð á viðkomandi námskeið og frístundaávísun verið ráðstafað.

        Athugið: Eingöngu er verið að ráðstafa frístundaávísun, ekki greiða heildar námskeiðsgjöld.

Athugið varðandi frístundastarfs Mosfellsbæjar (frístundavistun, tónlistarskóli og skólahljómsveit):
Þegar ráðstafa á frístundaávísun til frístundastarfs Mosfellsbæjar skal velja upphæð frístundastyrks og greiðslumátan "millifærsla". Frístundaávísun rennur þá til móts við greiðsluseðil frá Mosfellsbæ. Upphæð greiðslu er ekki raunkostnaður frístundastarfs.


 


frístund - Hvað er í boði