Tillögur að deiliskipulagi og tillaga að breytingu á deiliskipulagi

04.11.2016

Mosfellsbær auglýsir hér með skv. 41.gr. skipulagslaga nr. 123/2010 eftirtaldar tvær tillögur að deiliskipulagi og skv. 1.mgr. 43. gr. sömu laga tillögu að breytingu á deiliskipulagi:

Lækjartún 1, tillaga að deiliskipulagi

Um er að ræða nýtt deiliskipulag fyrir lóðina nr.1 við Lækjartún. Tillagan felur í sér að skipta upp lóðinni í tvær lóðir nr.1 og nr.1a. Á lóð nr.1 stendur núverandi hús óbreytt en á lóðinni nr.1a er skilgreindur nýr byggingarreitur 140 fm. að stærð, þar sem byggja má hús á tveimur hæðum. Aðkoma lóðarinnar verður frá Aðaltúni. Hámarsknýtingarhluttfall er 0.35.

TILLAGA: Lækjartún 1 - Deiliskipulag - 2.11.2016.pdf

Frístundalóð í Úlfarsfellslandi við Hafravatn, tillaga að deiliskipulagi

Um er að ræða nýtt deiliskipulag fyrir frístundalóð með landnr. 175427. Lóðin er skráð 2400 fm. í Þjóðskrá Íslands. Aðkoma lóðarinnar verður frá Reynisvatnsvegi. Byggingarreitur er sýndur á deiliskipulagi og skulu allar byggingar standa innan hans. Innan byggingarreits er gert ráð fyrir aðalhúsi allt að 60 fm. að stærð og geymsluskúr 12 fm. Nýtingarhlutfall er 0.03.

TILLAGA: Hafravatn, deiliskipulagstillaga - 241016.pdf

Sölkugata 1-5, tillaga að breytingu á deiliskipulagi

Um er að ræða breytingu á deiliskipulagi að Sölkugötu 1, 3 og 5. Breytingin felst í því að sameina lóðina nr. 1 og 3 og heimila einnar hæðar parhús í stað tveggja tveggja hæða einbýlishúsa. Á lóðinni nr. 5 er gert ráð fyrir einnar hæðar einbýlishúsi í stað tveggja hæða einbýlishúss. Að öðru leiti haldast skilmálar óbreyttir.

TILLAGA: Breyting á deiliskipulagiSölkugata 1-5.pdf

Ofangreindar tillögur verða til sýnis í þjónustuveri

Mosfellsbæjar Þverholti 2, frá 4. nóvember 2016 til og með 16. desember 2016, svo að þeir sem þess óska geti kynnt sér þær og gert við þær athugasemdir.Tillögurnar eru einnig birtar á heimasíðu Mosfellsbæjar á slóðinni: mosfellsbaer.is/skipulagsauglysingar

Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbæ, eða í tölvupósti til undirritaðs eigi síðar en 16. desember 2016.

4. nóvember 2016,
Skipulagsfulltrúi Mosf ellsbæjar

 

Til baka

Myndir með frétt