Kynning á verkefnislýsingu: Frístundasvæði í suðurhluta Mosfellsbæjar

23.02.2018

Breyting á aðalskipulagi Mosfellsbæjar 2011-2030.
Mosfellsbær auglýsir hér með til kynningar verkefnislýsingu, skv. 30. gr. skipulagslaga nr. 123/2010:

Frístundasvæði í suðurhluta Mosfellsbæjar:
Breytingin felst í þéttingu núverandi frístundabyggðar. Um er að ræða 3 svæði í nágrenni við núverandi frístundabyggð vestan Dallands og norðan við Selvatn. Landnotkun breytist úr „Óbyggð svæði (Ó)” í „Svæði fyrir frístundabyggð (F)”. Við þetta breytast yfirlitstöflur í kafla 4.11. fyrir frístundabyggð í greinargerð aðalskipulagsins.

Í verkefnalýsingu kemur lögum samkvæmt fram hvaða áherslur sveitastjórn hefur við skipulagsgerðina, upplýsingar um forsendur og fyrirliggjandi stefnu sem og fyrirhugað skipulagsferli, s.s. kynningu og samráð gagnvart íbúum og öðrum hagsmunaaðilum. Þeir sem vilja kynna sér málið nánar vinsamlegast hafið samband við skipulagsfulltrúa.

GÖGN:
Frístundasvæði í suðurhluta Mosfellsbæjar - Lýsing, verkáætlun skipulagsáætlunar
Auglýsing (pdf)

Verkefnislýsingin liggur frammi í þjónustuveri Mosfellsbæjar á 2. hæð Þverholts 2, 270 Mosfellsbæ og á heimasíðu bæjarins á slóðinni:
www.mosfellsbaer.is/skipulagsauglysingar

Athugasemdum og ábendingum varðandi lýsinguna má skila til þjónustuversins eða til undirritaðs fyrir 19. mars 2018.

23. febrúar 2018
Skipulagsfulltrúi Mosfellsbæjar

 

Til baka